Números 13:23 - Biblia Mixe de Quetzaltepec

²³ Jampaat jyajtë ma ja nëë wok jyënäkyën, mëti'ipë yajtijpën Escol. Jam tpatë may tsatsymtsya'am ets ojts tu'kxe'enty tnëwäxtë, janty may ënäty ja tu'kxe'entypë ja tyëëm. Ënät tu'uk yë kepy t'ixtaaytyë ets yë'ë mëët tkëëyë'ktë, nimäjtsk tukmuktë. Ojts näjyëtu'un may tyajmuktë ja ujtstëëm mëti'ipë yajtijpën kranatë ets yë xe'enky.

Números 13:23 ပူးပေါင်းရင်းမြစ်များ

Números 32:9

Ojts jampaat jya'të ma tu'uk mëj joyën jam Escol ets t'ijxtë tuuntë ja it naaxwiinyëtë. E ko ojts wyimpijnëtë wiinkjaty ja Israel ja'ayëty tmëmëtyaktë ets tyajjoot'amutskëtyë këtiipë jya'tëty ma ja it naaxwiinyëtën mëti'ipë ënäty ja Tios të myo'ojëtën.

Números 13:24

Tääpë nëë wok jä'ä ojts tijtë Escol, jä'ä ko yë Israel ja'ayëty jam ojts tëjtë tu'kxe'enty yë tsatymtsya'am.

Jueces 16:4

Ënät ojts yë Sansón tu'uk t'oy'ixy yë to'oxytyëjk, jä'ä xyëëwajtyp Dalila ets mëk tsojkëny'äjty. Yë Dalila jam ënäty kyukajpnëty Sorec.

Génesis 14:13

E tu'uk yë ja'ay mëti'ipë ënäty të kyäktso'okyën ma ja tsipën, ojts myiny ma ja Abram, hebreo ja'ay jam yajpaatyën, jampë tsyëënën xojjoypyë'am ma tjä'ä'atyën yë Mamré ja Amor ja'ay. Tääts yajtukmëmëtyäky ko ënäty yë Lot të yajmatsy ets të yajmënëjkxy. Yë Mamré tu'kmëkä'äx ënäty mëët yë Escol ets Aner, yë'ëjëty oy ënäty mëët yë Abram nyäyaj'itëtë ets näpyutëjkëtëp ko muum tsyippaatë.

Deuteronomio 8:8

Ma tääpë it naaxwiinyëtën ijtp wintëëp jam yë tsajpmok, cebadë, tsatsymkyam, higo kam, granadë kam, olivë kam ets uuxpa'ak.