Números 13:22 - Biblia Mixe de Quetzaltepec

²² Ënät ojts nyëjkxtë näjyëtu'un jam Négueb, nyajxtë ets jyajtë Hebrón. Jam ijty tsyëënëtë ja'ayëty, mëti'ipë yajtijtëpën Ahiman, Sesai ets Talmai, yë'ë yë Anac ja y'u'unk y'ok. Yë Hebrón wëxtujk jëmëjt jyëwiinëty ma ojts yajkojyën jam ja kajpn ets ok yë mëj kajpn mëti'ipë xyëëwajtypyën Zoan, mëti'ipë Egiptë nyitënääpyën.

Números 13:22 ပူးပေါင်းရင်းမြစ်များ

Génesis 13:18

Paaty ja Abram ojts tyajpëtë'kta'ay yë jyëën tyëjk ma ënäty jam y'ity tsyëënën ets ojts nyijkxy tsënääpyë ma ënäty jam tu'uk ja it naaxwiinyëtën janty xojjotpë. Yë'ë ënäty tu'uk yë ja'ay nyiwäämpy tääpë naax mëti'ipë xyëëwajtypyën Mamré, myëwinkon'ajtyp ja Hebrón kajpn, jam ma tääpë naax kamën jam ojts yë Abram tu'uk yë wintsë'këntyakn tyaj'oyë ets ja Tios tmooy.

Génesis 23:2

Jam y'o'ky ma ja it naaxwiinyëtë txëëwatyën Quiriat-arbá, ma tu'uk ja kajpn txëëwatyën Hebrón, ma ja Canaán nyaaxjotmën wyi'imy. Jekpyaat yë Abraham tnimoony tnitujky yë tyo'oxytyëjk Sara ko y'o'ky.

2 Samuel 2:1

Ko jëtu'un y'ëktuun y'ëkjajtë, yë David ka'ap ojts jëtu'unyë wyi'imy, ojts ja Wintsën tyajtëy, t'ënëmaay: ¿Wi'ix m'ëwatsyp etsës muum nëjkxëty kajpntumë? Tä ja Wintsën y'ëtsoowë: Ëjts n'ëwatsypës ets muum kajpntum mnëjkxëty. Tä ja David jatëkok tyajtëëy: ¿E maakajpn xy'ëwa'atsy nëjkxëtyës? Tä ja Wintsën y'ëtsooy: Jam mnëjkxëty Hebrón.

2 Samuel 2:11

jä'ä jam tyuuny wëxtujk jëmëjt ets ja tëtujk po'o, jam tmëët'ajty ja kyutujktakn jam Hebrón.

2 Samuel 21:16

jam tu'uk yë ja'ay mëti'ipë xyëëwajtypyën Isbi-benob, ja'aypyajkyeny ënäty, yë'ë ojts yë David tjayaj'ooka'any ko t'ijxy tëë y'ënu'kxënyë; jä'ä kyu'umën jye'emtyëty i'px majk tsimën ets tam tu'uk yë yenypyujxn t'ëxwëën'aty jemypyë.

Salmos 78:12

Tios ojts yë myëj'ajtën tyaj'ixyë ma ja tyeety y'apetyën mëti'ipë ënäty jam tsënaaytyëpën Zoan, ma ja Egiptë y'itjotmën.

Salmos 78:43

Ko ja myëj'ajtën tyaj'ijxë mëj këjää jam ma Zoan itjotmën, jap Egiptë;

Isaías 19:11

M'ëxëëk winma'anytyuk miitsëty kopktëjkëty mëti'ipë jam Soan yajpatëpën, mëti'ipë najts'ëëp najtskajpxëtëpën jap Egiptë, aakjä'ä mnikajpxtëp ka'apë tyuunëtyën.

Isaías 19:13

Yë kopktëjkëty mëti'ipë jam Soan yajpatëpën, winma'anytyuk yë'ëjëty, yë kopktëjkëty mëti'ipë jamëtyën Menfis tëë yajwin'ëëntë, yë kopktëjkëty mëti'ipë mutsk kajpntum tso'ontëpën, wiink në'ë wiink tu'u yë Egiptë kajpn të tukpanëjkxtë.

Isaías 30:4

Oy nëjkx ja mja'ay xyakäxtë jam Soan ets jam Hanés ets ja naax kajpn ja y'aaw y'ayuk tjamënëjkxëty,

Números 13:17

Ënät ojts yë Moisés tkexy ya'atë ja'ayëty jam ma ja it naaxwiinyëtë txëëwatyën Canaán ets t'ixtëty tuntëty, ënät t'ënëmaay: Jäätsow mnëjkxtëty ma txëëwatyën Négueb ets mpäjtë'ëktëty ma ja kopkjotmën.

Números 13:28

E ja ja'ayëty mëti'ipë jam tsënaaytyëpën janty amaj kë'ëmajëty yaj'ixtë. Yë kajpn mëjjëty oy ets aak napotsyëty. Ets ka'ap yi'iyëty, tëëjës jam n'ixtë yë Anac yë y'u'unk y'ok, mëti'ipë pajkyenyëtyën.

Números 13:33

Tëës jam n'ixtë yë ja'aypyajkyenyëty, yë Anac y'u'unk y'ok. Koos të n'awa'kmuktë mëët, ëëts janty pixkën të ntimnyäyjyawëtës ma yë'ëjëtyën ets yë'ëjëty janty pixkën të xytyim'ixtës.

Deuteronomio 9:2

Yë ja'ayëty jampë tsyëënëtën këjxmëty tyänëtë, jëtu'un tä ja ja'aypyajkyeny Anac ja y'u'unk y'okën. Miitsëty wa'ats xynyijawëtë ja ayuk mëti'ipë ënaanpën: ¿Pën y'ëkwinkuwa'akëp ja ja'aypyajkyeny Anac ja y'u'unk y'ok?

Josue 10:36

Ko jam Eglón tsyo'ontë, jam ojts nyëjkxtë Hebrón ets tnitëjkëtyë.

Josue 21:13

Ja Hebrón kajpn mëti'ipë tsoktakn waanpën ets jam ja ja'ay kyäktso'oktëty mëti'ipë ja myëku'uk ka'ap tsyokyëty të tyaj'ookyën, yë'ë ojts yajmo'otë yë Aarón ja y'u'unk y'ok ojts ëpëky yajmooytyë ja Libná kajpn,

Jueces 1:10

Ojts näjyëtu'un tnitëkëtë ja Canaán ja'ayëty jampë tsyëënëtën ma ja it naaxwiinyëtë yajtijyën Hebrón mëti'ipë ijty tëëyëp yajtijpën Kiriat-arba ets tyajkutëkooytyë ja Sesai ja'ayëty, ja Ahiman ja'ayëty ets ja Talmai ja'ayëty.

1 Samuel 30:31

jam Hebrón ets maajaty jyëtijtën mëët ja jyä'äy.