Números 13:20 - Biblia Mixe de Quetzaltepec

²⁰ Pën ijtp wintëëp winë, ëkë pën ka'ap; pën oyëty ja aay kepy mëti'ipë jam yajpatëpën, ëkë pën ka'ap. Këtii ninu'un mtimtsyë'ëkëtëty. Mëmintëp ja aaytsya'am ujts tsa'am, mëti'ipë jam ijtp wintëëpën. Ko ojts jam nyëjkxtë, yë'ë ënäty tsatym pyiiwk tso'ontakp.

Números 13:20 ပူးပေါင်းရင်းမြစ်များ

Deuteronomio 31:23

E ja Josué, yë myaank yë Nun, tyaa ojts y'ënë'ëmxëty yë Wintsën: Mijts jotmëkmës mtimyyajpaatëty, këtii ninu'un mtimtsyë'ëkëty. Jä'ä ko tëëjës ntuknipëjktaakë ko mijts nëjkx xywyoowja'ty yë Israel ja'ayëty jam ma ja it naaxwiinyëtën mëti'ipës yë'ë të ntukwinwanëtën, e ëjts nyakäämpyës yë näypyutëkë ma mijtsën.

Ezequiel 34:14

Jamës nyajnëjkxa'antë ma oypyë jë'kxy pëky tjë'kxtëtyën, ma ja ujts jotmën mëti'ipë jamën ma Israel kopkën. Nëjkxëp jam pyo'kxtë ets aakyë'ë nëjkx oyëtypë aay ujts tjë'kxtë.

Nehemías 9:35

Ni'ikyënëm jam ma ja kyutujktaknëtyën, oy winë mëj këjää xyjyamooy, ja wit meeny, ja naax kam ma winë y'ity wyintëyën ma ja naax kajpnën mëti'ipë mtukë'ëtëkëyën ka'ap ojts mëjjawëty ets ka'ap ja y'ëxëëknë'ë y'ëxëëktu'u t'ëxmajtstë.

Nehemías 9:25

Ojts tjä'ä'atë may ja naax kajpn mëti'ipë ënäty ta'tspëkyëtyën ets mëti'ipë myëët'ajtypyën ja naax kajpn oyëtypë ets jë'kxynyaaxpë, ja naax kajpn ma oyëtypë ja jëën tëjkën ujtsëty mëët ja jë'kxy pëky ets wit meeny, jam'ajtp ja nëë, jam'ajtp ja kam, aaykyam ujtskam ets jë'kxykyam; ets kyääytyë y'uktë koonëm kyuxëtë ets jyot tyiin'ak tyaj'ujtstë mëët ko ënäty mijts ja m'oyjot m'oywyinma'any xymyëët'aty.

Hebreos 13:6

Paaty ëëtsajtëm jyëkyejpy n'ëna'anmëty akujk jotkujk: Yë Wintsën yë'ëjës xypyutëjkëp, paatyës ka'ap ntsë'ëkë. ¿Wi'ixës yë ja'ay xynyatunëty?

Miqueas 7:1

Mon tukës nyajpaaty. Jëtu'unës tä tu'uk yë ja'ay t'ixtaaymyukyën yë akiink aka'ak ma ja pyëjktä'äky të tyajpëtë'ëkyën ets ka'ap tpaaty yë higos, yë tsatsym ets ujtstëëm mëti'ipë jyë'kxäämpyën.

1 Crónicas 22:11

E tyam ënät n'ënëëmë u'unk maay ets Wintsën mputëkëtëty ets xykyojëty ja mWintsën ja tsyajptëjk, jëtu'un ijxtëm yë'ë të y'ënä'änyën ko mijts xykyojëty.

Josue 2:3

Ënät ja yajkutujkpë ojts nikäjpxykyäxë ja Rahab ets t'ënëmaay: Yajpëtsëm tääpë nimäjtskpë ja'ayëty mëti'ipë të mniminyën, jä'ä ko je'eyë nëkoo myintë ijxpë tuunpë ma naax kajpnën.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

Josue 1:6

Jotkujk ets jotmëk mtimnyäyjyawëtëty, jä'ä ko mijts nëjkx xyajwä'kxy ja it naaxwiinyëtë ma ya'atë naax kajpnën, yë'ëjës ntukwinwa'anëy ja m'ap m'okëty koos n'ënëmaaytyë ko ja kyuma'ayën nmo'oja'antës.

Deuteronomio 1:25

Ojts wäänë tmëmintë yë aaytyëëm ujtstëëm, mëti'ipë ojts mëët yajtuknijawën, wi'ix ënäty ja naax kam y'ixëtyën ets ja aaw ayuk tyajktë: Ja it naaxwiinyëtë mëti'ipë yë Tios xymyo'oyëmë mëj këjää yë y'oyëty.

Números 13:19

Ixtë tuntë näjyëtu'un wi'ix ja nyaax kyajpn yajpaatën; ja jyëën tyëjkëty wi'ix kyojy'atën. Pën wit tëjk tyuktsëna'ayëtëp, ëkë pën ta'tspëky kyojy'atë. Ixtë näjyëtu'un ja nyaax kyamëty, pën oynyaax ëkë pën ka'ap.

Deuteronomio 1:24

Mëti'ipë ojts nyëjkxtën jam ma ja kopkjotmën ets jyajtë jam joyjyotm, ma txëëwatyën Escol ets ojts tukjëtijtëtya'atë ja itjot.

Daniel 11:24

Ma ënäty ka'ap yë'ë yajmëmay yajmëtajyën jää nëjkx tnitëkëtyä'äy ja naax kam mëti'ipë jë'kxynyaaxën ets tuna'any ja mëti'ipë ka'ap nijëna'a ja yajkutujkpëtëjk tuntënëm mëti'ipë y'ap'ajtyp y'ok'ajtypyën:

Josue 2:1

Jam ënäty yajpaatë Sitim ko ojts yë Josué tkexy nimäjtsk yë ja'ay jam Jericó ets nëjkx y'ixtë tyuntë ma ja naax kajpnën, jëtu'un t'ënëmaay: Nëjkxtë ixtë tuntë tääpë it naaxwiinyëtë ets xykyëwentëpëktëty wi'ix yajpaatyën yë Jericó kajpn. Ënät ojts nyëjkxtë ets jyajtë jam ma tu'uk ja to'oxytyëjk ja tyëjkën mëti'ipë ja jyot nyini'kx nyimeenypyijkpyën, jä'ä txëëwaty Rahab, jam ojts ja tsuu tyajnaxtë.