Números 13:2 - Biblia Mixe de Quetzaltepec

² Käx yë ja'ay jam Canaán, ma ja it naaxwiinyëtën mëti'ipës yë Israel ja'ay nmo'ojantëpën, nimajkmäjtsk xykyäxëty tu'ukjaty ja jyä'äy tkutänëtëty.

Números 13:2 ပူးပေါင်းရင်းမြစ်များ

Números 32:8

Näyjyëtu'un y'ëtëtstë ja mteety m'apëty jam Cades-barnea, koos nkäjxtë ets nëjkx ja it naaxwiinyëtë t'ixtë tuntë.

Números 34:18

E nëjkxëp tu'ukjaty yë mëjja'aytyëjk xywyowtë ma tu'ukjatypë ja Israel ja'ayëtyën ets jëtu'un ja naax xyajwa'kxtëty.

Deuteronomio 1:15

Paatyës ojts nikajpxpety ja ja'ayëty tu'ukjaty ma tu'kkajpnjatypë yajpaatën, mëti'ipë wijyëtyën ets nyijawëtëp ja tuunk ets ojts yë'ëjëty nkutujkënmo'oyës ma miitsëtyën. Tam mëti'ipës ntuknipëjkën twintänëty ja ja'ay nitu'kmilpë, nimëko'pxpë, niwëxytyikxymyajkpë, nimajkpë ets tam mëti'ipë tu'kkajpn ojts je'eyë pyäätyën.

Números 11:16

Ënät ja Tios y'ëtsoowë: Yajtu'ukmuk nitëkë'px majk yë mëjja'aytyëjk Israel ja'ayëty, mëti'ipë m'a'ijxëpën ko mëj'äämpy y'itë ma ja kajpnën. Ets xywyoowminëty ma wit tëjkën ma näpyaatë y'ityën mëët yë Tios. Jam y'ëwxitëty mëët mijts.

Números 1:4

Ets tu'ukjaty ma ja tu'ktëjkpën,

Éxodo 18:25

Ojts twin'ixy ja ja'ayëty mëti'ipë winë oy tyuuntëpën jam ma ja Israel kajpnën ets tmooy ja ënä'ämën kutujkën ma ja ja'ayëtyën tu'kmiljatypë, nimëko'pxjatypë, niwëxtyikxymyajkjatypë ets ma ja nimajkjatypyën.

Números 13:3

Jëtu'un tä ënäty ja Tios të y'ënä'änyën, Moisés ojts tjanty kyexy ja ja'ayëty, jam tsyo'ontë Parán. Tëkokyë mëti'ipë ojts nyëjkxtën aak mëj'äämpy ets kutujkënmëët ënäty y'itë ma ja jyä'äyëtyën.

Deuteronomio 9:23

E ko yë Wintsën ojts tni'ënä'ämë ets jam mtsoontëty Cades-barnea ets mnëjkxëty ma ja it naaxwiinyëtë mo'oja'anëtën, miitsëty ka'ap ojts xymyëmëtowtë, ka'ap xymyëpëjktë mëti'ipës ojts tjanikäjpxyën.

Números 13:16

Ya'atë ja'ay të yajnikajpxtën, yë'ë ojts yë Moisés tkexy jam ma Canaán ja nyaaxjotmën ets t'ixtëty tuntëty. Ja mëti'ipë xyëëwajtypyën Oseas ojts ja xyëëw twinkuwijtsëyë ets jä'ä ojts tijy Josué.

Josue 3:12

Paaty win'ixtë yë mëku'uktëjkëty mëti'ipë mkutänëtëpën, nimajkmäjtsk xywyin'ixtëty, yë'ë nitu'ukjaty kyutänëtëp ja aptëjk.