Números 13:17 - Biblia Mixe de Quetzaltepec

¹⁷ Ënät ojts yë Moisés tkexy ya'atë ja'ayëty jam ma ja it naaxwiinyëtë txëëwatyën Canaán ets t'ixtëty tuntëty, ënät t'ënëmaay: Jäätsow mnëjkxtëty ma txëëwatyën Négueb ets mpäjtë'ëktëty ma ja kopkjotmën.

Números 13:17 ပူးပေါင်းရင်းမြစ်များ

Jueces 1:9

Ënät näjyëtu'un tninëjkxtë ja Canaán ja'ayëty jampë tsyëënëtën, näjyëtu'un ma txëëwatyë Négueb ets ma ja mëj joyën ojts tyajkutëkooytya'atë ja ja'ayëty jampë ënäty tsyëënëtën ets ja nyaax kyajpnëty tniwa'ktaaytyë.

Génesis 12:9

Jëtu'un ja Abram tyu'uye'ey, xii yaa muum wäänjaty tsyënaaytyaknpëky ets jam jyä'äjty Négueb y'itjotmën.

Jueces 1:19

E oy ënäty ja Judá ja'ayëty jyayajpaatë mëët ja Wintsën ets oy ënaty tjajëkyepy jeexyë tniwa'aktë ja kopkjot ets ja joyjyot ka'ap ojts y'ëkmaayënëtë; jä'ä ko ja ja'ayëty ja jampë ënäty tsyëënëtën myëët'ajtëp pyujxnwintëkäämpë mëti'ipë myëtsiptuuntëpën.

Jueces 1:15

Pëjktso'owënës tu'uk ntunäämpy ma mijtsën, jëtu'un ojts y'ëtsoy. E komë mijtsës të xymyo'oy ja it naaxwiinyëtë jampë yajpaatyë Négueb, ntsojkpyës näjyëtu'un ets xymyo'ojëtyës maas nëëkon nëëwitsëtyën, yë'ë jëtu'un ja nëëwooky. Ets ja Caleb tmooy ja nyëëx ja nëëwooky jampë yajpaatyën anëkëjxmtsow ets ëpa'tkë'ëmtsow.

Josue 15:3

Nyäxy jam ëpa'tkë'ëmtsow ets wyimpäjtë'ëky jam yä'äpwinm ma txëëwatyën Acrabim, nyäxy jam të'ëts'itjotm ma txëëwatyën Zin, jyëjptä'äky Cades-barnea, ets tyimnëjkxy Hesrón; wyimpäjtë'ëky jam Adar ets jam y'ëwtity Carcá.

Génesis 13:1

Ko ojts ja Abram jap tsyo'onë Egiptë mëët yë tyo'oxytyëjk ets mëët tu'kë'ëyë mëti'ipë ënäty myëët'ajtypyën, jam ojts jyä'ty ma ja naaxwiinyëtë txëëwatyën Négueb, mëët ja tsyojkmaank Lot.

Deuteronomio 1:44

E ja Amor ja'ayëty ko tnija'awëtyë, tääts mnipëtsëëmëtë tä xëmiinky kyääkwä'kxyën ets ka'ap myajmëtakëtë; jampaat mpaja'ajtëtë ma txëëwatyën Seir ets ma txëëwatyën Hormá.

Números 14:40

Komjopyëp janty tsojk ojts pyëtë'kojtë ojts jam nyëjkxtë kopkkëjxm ets nyäy'ënanëtë: Tëë yam niye'eypyäjtëmë. Tsojk nja'amënë ma ja itjotmën mëti'ipë ja Tios të xytyukwinwa'anëmën. Janty tëy ko tëë njanty pyoky tyu'unëmë.

Números 13:29

Maa ja it naaxwiinyëtë txëëwatyën Négueb, yë'ë jam tsënaaytyëp yë Amalec ja'ayëty. E ma ja it naaxwiinyëtën mëti'ipë kopkjotmën, yë'ë jam tsënaaytyëp yë Hit ja'ayëty, Jebús ja'ayëty, Amor ja'ayëty, e ma mëjmejyën ets Jordán mëjnëëjën, yë'ë jam tsënaaytyëp yë Canaán ja'ayëty.

Génesis 14:10

Tu'kë'ëyë ma ja Sitim joyjyotmën tam ijty myäyjyätyë yë may jut ets tsajpkëk ma ijty tyajpëtsëmtën yë yëk mo'onts mëti'ipë o'tspën. Ko ojts ja yajkutujkpëty mëti'ipë tso'ontëpën Sodomë ets Gomorra jyakä'äkanëtë ma ja tsipën, jam ojts kyënajxta'atë jutjoty, e wiinkpë yajkutujkpëty tunkëjxm kopkkëjxm ojts jyaak kä'äktë.

Génesis 13:3

Ko ojts Négueb tsyoony, ëtyä'äkyë'äämpy ojts nyijkxy ets jyä'äjty ma ja Betel kajpnën. Jam Betel tsyo'ony ets ojts jyä'ty ma ënäty wäänë të y'ëk'ijtpën më''ëka'any, mëti'ipë itkujky wë'ëmpën ma Betel mëët yë Aí nyäpyäätyë.

Génesis 13:17

Ëkpëtë'ëk ets tukye'eyëtya'a ya'atë it naaxwiinyëtë, jënu'un y'ayenyëty ets jënu'un myëjwiinëtyën. Jä'ä ko ya'atë it naaxwiinyëtë mijts yam ntukë'ëtëkëjäämpy.

Números 13:18

Yë'ë m'ixtëp mtuntëp wi'ix yajpaatyën yë naax kajpn ets ja ja'ayëty mëti'ipë jam tsënaaytyëpën, pën oy mëkëty, ëkë pën xyëëpëty; pën niwäänëty ëkë pën nimayëty.

Josue 2:1

Jam ënäty yajpaatë Sitim ko ojts yë Josué tkexy nimäjtsk yë ja'ay jam Jericó ets nëjkx y'ixtë tyuntë ma ja naax kajpnën, jëtu'un t'ënëmaay: Nëjkxtë ixtë tuntë tääpë it naaxwiinyëtë ets xykyëwentëpëktëty wi'ix yajpaatyën yë Jericó kajpn. Ënät ojts nyëjkxtë ets jyajtë jam ma tu'uk ja to'oxytyëjk ja tyëjkën mëti'ipë ja jyot nyini'kx nyimeenypyijkpyën, jä'ä txëëwaty Rahab, jam ojts ja tsuu tyajnaxtë.

Josue 10:40

Jëtu'un'äämpy yë Josué ojts tniwa'kta'ay tampë ja it naaxwiinyëtë. Ojts tyaj'o'kta'ay ja yajkutujkpëtëjk jampë yajpaatën ma ja kopkjotmën, ma ja Négueb tnitänën, jam joyjyotm ma ja winjënakën. Yajkutëkooytyääy winë ets ojts tyaj'o'kta'ay ja ja'ay jampë tsyëënëtën. Ni pën ojts juuky tkayajwë'ëmy, jëtu'un tuuny tä ënäty ja Wintsën mëti'ipë Tyios'ajtypyën yë Israel ja'ayëty të tyuk'ëne'emyën.