Números 13:16 - Biblia Mixe de Quetzaltepec

¹⁶ Ya'atë ja'ay të yajnikajpxtën, yë'ë ojts yë Moisés tkexy jam ma Canaán ja nyaaxjotmën ets t'ixtëty tuntëty. Ja mëti'ipë xyëëwajtypyën Oseas ojts ja xyëëw twinkuwijtsëyë ets jä'ä ojts tijy Josué.

Números 13:16 ပူးပေါင်းရင်းမြစ်များ

Números 13:8

Oseas, yë myaank yë Nun, mëti'ipë jyä'äy'äjtypyën yë Efraín

Éxodo 17:9

Ënät ja Moisés t'ënëmaay ja Josué: Win'ix yë ja'ay mëti'ipë m'a'ijxëpën ets mnëjkxtëty tsiptuunpë ma ja Amalec ja'ayëtyën. Ëjts jamës jopy kopkëjxm nyajpaata'any ets mpakapäämpyës yë ntajk, mëti'ipë yë Tios jyä'ä'ajtypyën.

Hebreos 4:8

Ko jeexyë ja Josué ojts tmo'oy ja po'kxtakn ja Israel ja'ayëty, ka'ap jeexyë ja Tios ja wiinkpë xëëw të tnikäjpxy.

Romanos 9:25

Ijxtëm ja Oseas y'ënänyën: Mëti'ipë ijty ka'ap nja'ayëtyën, yë'ëjës nja'ay'atäämpy. Pën ijty nkatsojkpyës, ëna'anëpës koos yë'ë ntsoky.

Hechos 7:45

Ja n'ap'ajtëmë yë'ë ojts yajtukumaytyë ya'atë wit tëjk; e ko ja Josué mëët ja jyä'äy myiintë ojts tmëmintë ya'atë wit tëjk ko tjä'äpëjktë ja naaxwiinyëtë mëti'ipë nyitsiptuuntën, mëti'ipë ja Tios y'ëxwojpën ma yë'ëjëtyën. Jam jeky y'ijty mapaat ja David yajkutujkyën.

Oseas 1:1

Ya'atë ja Wintsën y'aaw'ajtyp y'ayuk'ajtyp mëti'ipë yajmooyën ja Oseas, yë Beerí yë myaank, ma ënäty yajkutuktë yë Ozías, Jotam, Ahaz ets Ezequías jam Judá ets ma ënäty yajkutukyën yë Jeroboam, yë Joás yë myaank, jam Israel.

Deuteronomio 32:44

Ënät ja Moisés mëët ja Josué ojts jam nyäwya'këxë'ëkëtë ma ja mayjyä'äyën, ma ënäty ja Israel ja'ayëty të nyiye'eypyäjta'atën. Ets ja Moisés mëët yë Josué, yë myaank yë Nun ojts nimäjtsk t'ëwtë ja ëy mëti'ipë ja Moisés jyääyën, ix'ajp ojts t'ëëwtsoontë ets jëtu'un tyajjëjpkëjxtë.

Números 14:30

Yi'iyë yë Josué ets Caleb jam nëjkx jya'të ets miitsëty nitu'uk nëjkx jam nkatëkëtë ma ja itjotmën mëti'ipë ntukwinwa'anëtyën mëët ja oyajtën xoontakën.

Números 14:6

E ja Josué ets ja Caleb mëti'ipë ënäty ojts ja naaxwiinyëtë të t'ixtën, ja wyitëty mëti'ipë ënäty myëët'ajtëpën yajxon tukë'tsëtyääytyë, mëët ko ëxëëk nyäyjyawëtë,

Números 13:15

Gueuel, yë myaank yë Maquí, mëti'ipë jyä'äy'äjtypyën yë Gad.

Números 13:2

Käx yë ja'ay jam Canaán, ma ja it naaxwiinyëtën mëti'ipës yë Israel ja'ay nmo'ojantëpën, nimajkmäjtsk xykyäxëty tu'ukjaty ja jyä'äy tkutänëtëty.

Números 27:18

Ënät ojts ja Wintsën t'ëtsoy ja Moisés: Yë Josué, yë Nun yë myaank, jä'ä jyä'äy'äty wijy ets tëtä'äky, tyukjajtyp wi'ix oy tyunëtyën. E yë'ëjës ntsojkpy ets xykyënu'kxëty ets xykyë'ënixajëty.