Números 12:8 - Biblia Mixe de Quetzaltepec

⁸ Wiinxë jëjpxës mëët nmëtyä'äky, jëtu'un tä mëpaat yajwinjawën. ¿Pën yë'ë wa'ats xytyim'ixyës wiinxë jëjpxë, tii ko miitsëty xynyi'ojëtë?

Números 12:8 ပူးပေါင်းရင်းမြစ်များ

Deuteronomio 34:10

E oy jyajëtu'un'ajty, ka'ap ojts nijëna'a maa käjpxynyajxpë jëtu'unpë y'ëkëxë'knë tä yë Moisésën mëti'ipë timkajpx timmëtyakën mëët yë Wintsën wiinxë jëjpxë,

1 Corintios 13:12

Näyjyëtu'un tyam ja Tios ja jyä'ä ka'ap wa'ats nnija'awëmë, jëtu'un n'ijxëmë ijxtëm ijxnjoty tii yajku'ixën ka'ap wa'ats yaj'ixy, jäänëm nëjkx n'ijxëm nnija'awëm ni'ëmukë ko ënäty ja tiempo tpaaty. Ka'ap tyam ja n'ijxpeky'ajtënës kyä'pxyëty, je'eyëp ko nnija'awëtya'ajäämpyës winë ok, jëtu'un ijxtëm ja Tios të nijawën koos njääjëty.

Éxodo 33:23

Ënätës yë nkë'ë ok njëpëka'any, täätsës nëjkx yi'iyë xy'ijxë yë njëxk, jä'ä ko yë nwiin njëjpës ka'ap mëpaat ni pën t'ixy.

Éxodo 33:11

Tios wiinxë jëjpxë ijty mëët ja Moisés tyimmëtyä'äky, jëtu'un ijxtëm yë ja'ay tu'kjëëky tu'kmëku'uk xyony y'ityën, ko myëtyakta'atë, tääts ja Moisés ijty jatëkok wyimpijnë ma ja y'ijtakn tmëët'atyën. Ja tyuunpë mëti'ipë xyëëwajtypyën Josué, yë myaank yë Nun, ka'ap ënäty ninu'un tyimtsoony jam ma ja wit tëjkën, ma ja Tios jam kyëtä'äkyën.

Lucas 10:16

Ënät ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënäty xymyëtoow'ijtëp; pën kyamëtoow'ijtyp mëti'ipë ënäty miits mnimëtyaktëpën, nän ëjts ënäty xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Juan 15:15

Ka'ap miits n'ëktijnëtëty tuunpë, jä'ä ko ja tuunpë ka'ap nijawë tii ja wyintsën tyuunpyën. Mëku'uk miits ntijtë, jä'ä ko tëë ntuk'ëwa'anëtya'atë wi'ixës ja nTeety të xynyëëmën.

2 Pedro 2:10

Tios tyiytyunäämpy ja mëti'ipë ja ëxëëk winma'any y'atsojkpyën ets mëti'ipë ka'ap tkupëkyën ja Tios ja kyutujkën. Winma'anytyuk yë'ëjëty ets tyuuntëp tii tyimtunantëpën; ka'ap tsyë'ëkëtë ko t'ojtë ja kutujkëntëjk mëj'äämpyë.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kutujkën. Oy jyëtu'un'atëty.

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

Juan 15:24

Ka'ap jeexyë tii poky tmëët'atë ko jeexyë ëjts tii nkatuny mëti'ipë ka'ap pën tunyënëm; e ëjts yë'ëjës të ntuny mëti'ipë tëë t'ëk'ijxtëpën, ets je'eyëm xy'ëxëëk'ixtë ets näjyëtu'un t'ëxëëk'ixtë ja nTeetyës.

Salmos 17:15

E ëjts, yë'ëjës xykyu'uxaanp, ko mijts n'ixëty wiinxë jëjpxë, koos jam näy'ixëtëty ma mijtsën koos ënäty nma'awyijy.

Judas 1:8

Oy jyajëtu'unëty, tääpë ja'ayëty, jëtu'un jyuuky'atë tä jeexyë wyinkuma'atën, tyaj'ëxëëkëtë ja jyot nyini'kx, ka'ap ja Tios ja kyutujkën tsojkëtë ets y'ëxëëktijtëp ja kutujkën këjxmëpë.

Hebreos 1:3

Yë'ë kyujäjpy kyutë'kxyp ets yajknikëxë'kpy ja Tios ja myëj'ajt y'oyajtën. Jëtu'un ijxtëm ja Tios Teety, tim näjyëtu'un ja y'u'unk, ja y'u'unk tu'kë'ëyë winë wyijts'ijtääpy mëët ja y'aaw y'ayuk mëk'ajtënmëëtpë. Ko të xyajpokywyatsëmë, tääts të nyaaxweetsy tsajpjotm Tios pyë'aay aka'any'äämpy.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Tios ënäty kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

Juan 1:18

Ka'ap pën nijëna'a ja Tios të t'ixy; yë'ë tu'ukyë Tios U'unk, mëti'ipë Tios Teety mëët y'ityën, yë'ë të xytyuk'ijx të xytyuknija'awëmë wi'ix ja Tios.

Mateo 13:35

Paaty ya'atë tyuunë jyajtë ets y'atëwëty mëti'ipë Tios tyukkajpxnajxën ja kyäjpxynyajxpëtëjkëty: Mëëtës yë Ijxpät nmëtya'aka'any; nikajpxëpës mëti'ipë ka'anëm yajnijawën ko naaxwiinyëtë tsyo'ontäky ets tyampaat.

Ezequiel 20:49

Täätsës n'ëtsooy: Aay Wintsën, ja'ay jëtu'un y'ëna'antë ko ëjts yi'iyës nkäjpxyp nmëtyäkpy mëti'ipë ka'ap ni pën tja'akyukën.

Ezequiel 17:2

Mijts ye'etyëjk, tukmëmëtya'ak yë naax kajpn tu'uk yë ijxpäjtën.

Isaías 46:5

¿Pën mëët xy'ëk'ijxkijpxtëtyës? ¿Pën maaytyëp mtajtëp jëtu'un y'ixëty tä ëjtsën?

Isaías 40:18

¿Tii mëët xy'ëk'ijxkijpxtëty yë Tios? ¿Wi'ix ja y'awinax xy'ëkyajkojëtëty?

Salmos 49:4

Tyamës nikajpxa'any tëkokyë yë aaw ayuk mëti'ipë tsipëtyën, etsës nimëtya'aka'any mëti'ipës yu'utsy nmëët'ajtypyën jëtu'un tä yë kow y'ënä'änyën.

Deuteronomio 4:15

Jä'ä xëëw ma ojts ja Wintsën mëkajpxëtën jëën'akujky jam kopkkëjxm ma txëëwatyën Horeb, ka'ap nitii xy'ijxtë, paaty mëk mnäkyëwent'atëtëty.

Éxodo 20:4

Ka'ap tii kë'ëm xyajkojëty ëkë xyajnikojtu'utëty mëti'ipë jam tsajpjotm ijtpën, ëkë mëti'ipë naax pa'tkë'pën, ëkë mëti'ipë jap nëëjotyën naaxpa'tkë'pë yajpaatyën.

Colosenses 1:15

Ko ja Kristë të yaj'ixy'äty ënät të yajnijawë wi'ix ja Tios y'ixëtyën, jä'ä ko yë Tios ka'ap yaj'ixy; yë'ë myëëtu'uk U'unk'ajtyp ka'anëm ënäty tii kyojnyëm.

Números 14:14

Ënät nëjkx tukmëmëtya'aktë yë ja'ayëty, mëti'ipë Canaán tsënaaytyëpën. Yë'ëjëty tëë tnijawëtë ko mijts itkujky myajpaaty ma ya'atë naax kajpnën ets ko mijts Wintsën, wiinxë jëjpxë mtimnyänyikëxë'ëkyë. Yë mjok myoots yë'ë mtukniju'uxyp xëëny ets jëtu'un xytyu'uwinwoy. E ko kyoots'aty, jëënmëët xytyu'uwinwoy.

Éxodo 34:30

Ko yë Aarón ets Israel ja'ayëty t'ijxtë, ko ja Moisés atë'kxp ja wyiin jyëjp, ojts tsyë'ëkëtë ets ka'ap ënätyë tmëwinkoontë.

Éxodo 33:19

E yë Tios tyaa y'ëtsooy: Tëkokyës yë n'oyjot n'oywyinma'any mijts yam nmo'ojäämpy ets mijts mwintuuy nikajpxa'anyës yë nxëëwës. Npa'ëyowëpës pën ënäty npa'ëyowäämpyës ets nnajts'ëyowëpës pën ënäty nnajts'ëyowëjäämpyës.

Hebreos 1:1

Tëëyëp, kanaak ok ojts ja Tios tmëkäjpxy ja n'ap'ajt n'ok'ajtëm ets kanaakjëjp ja winma'any tja'ixtaay ko ojts tjayajkäjpxy ja käjpxynyajxpëtëjk.

Génesis 32:30

Tä yë Jacob tyajxëëwpejty ja jampë ja it naaxwiinyëtë Penuel, jä'ä ko y'ënäny: Tyam tëëjës ënät ja Tios kë'ëm ntim'ixy wiinxë jëjpxë ets ixës tyam njaakjuuknyëmëty.

Deuteronomio 5:8

Ka'ap xyajnikojtu'utëty ets xy'ëwtatëty mëti'ipë yajpatpën tsajpkëjxm, naaxkëjxy, nëëjoty ets naaxpa'tkë'pë y'ityën.

Proverbios 1:6

ets yajja'akyukëty ja käjpxy mëtyä'äky, jot winma'any ets ja aaw ayuk mëti'ipë kyajpxtëpën ja wijyjyä'äytyëjkëty.

Oseas 12:13

Tu'uk yë käjpxynyajxpë ojts yë Wintsën tukjuuty yë Israel kajpn jap Egiptë ets tu'uk käjpxynyajxpë ojts kyëwent'atëtë.

Éxodo 19:19

E ja jëtu'unpë yajmëtoyën, tä ja pujxnxuxn y'ënä'änyën ni'ikyë ënäty jyänty myëktä'äky; ënät ja Moisés ojts tyëkë mëtyakpë mëët ja Tios, ja Tios ja y'aaw y'ayuk jëtu'un yajmëtoy tä ënääw y'ënä'änyën ko y'ëtsoy.

Números 7:89

Ko ja Moisés jap tyëjkëy tëkoty ma ja wit tëjkën ma ja näpyaatë y'ityën mëët yë Tios ets myëtya'aka'any mëët yë Tios. Ënät tmëtoowpaty ko ja Wintsën jamtëm y'ëtsoy ma ja kaaxë ja y'ajupën, mëti'ipë myë'ijtypyën ja käjpxytyu'unën. Itkujky tmëtoy kyäjpxy ma ja Wintsën tsajpjotmëtë kukäjpxy tyänëtën pa'apa'a.

Deuteronomio 18:15

Yë mWintsën Tiosëty yë'ë yaj'itäämpy ma miitsëtyën tu'uk yë käjpxynyajxpë tä ëjtsën ets yë'ë mmëmëtowtëp.