Números 12:2 - Biblia Mixe de Quetzaltepec

² Ënät näjyëtu'un y'ënantë: Yë Tios ka'ap yi'iyëty mëët yë Moisés tyimmëtyä'äky, mëtyakp näjyëtu'un mëët ëëts'ajtëmë. Ya'atë jëtu'unpë aaw ayuk myëtoow yë Tios.

Números 12:2 ပူးပေါင်းရင်းမြစ်များ

Números 16:3

Ënät ojts nyäwyoowmukëtë ets tninëjkxtë ja Moisés ets ja Aarón, tääts tyëjkëtyë kajpxpë. Jä'ä ja Moisés ets ja Aarón yajxon jyänty'ojtëp ets t'ënëmaaytyë. Wi'ix ko miitsëty nimäjtsk janty'oy janty kënu'kxy mtimnyäyajnaxëtë. Pën tëkokyë yë Israel ja'ayëty tëë yë Tios kyënu'kxta'ajëtë ets Wintsën yë'ë yajpatp ma ëëtsajtëmën ni'ëmukë. ¿E paaty ëëtsëty yë'ëjës oy nkawinja'awëtyëp tiikyëjxm ko miitsëty nimäjtsk janty mëj ënä'ämpë mtimnyäyajnaxëtë ets mtimy'ënä'ämantëp ma Wintsën yë nyaax kyajpnën?

Filipenses 2:14

Tuntë winë yajxon ets ka'ap y'atsip y'a'äkëty,

Filipenses 2:3

Këtii tii xytyuntëty atsip a'äkë ëkë tsipkyëjxm; yë'ë oy ko yujy tëtä'äky mja'ay'atëty ets ko mmëku'uk xymyëj'ixtëty ets xywinkutsë'ëkëtëty.

Miqueas 6:4

Ëjts mijts nju't jap Egiptë ets ojts nyaj'ëwaatsëpëtsëmy ma ënäty mmëtuny m'ëyoyën mëët ja näwyop näkya'atsë; ojts nkexyës yë Moisés, Aarón ets Maria ets mtu'uwinwowëtëty.

Isaías 37:4

Jääpëk jeexyë yë mWintsën të tmëtoy wi'ix të y'ënä'änyën tääpë Asiria ja'ay mëti'ipë tsiptuunpëtëjk nyiwintsën'ajtypyën, ma ëxëëkjaty të tnikäjpxyën yë Tios juukpyë ets tëytyunëty ijxtëm pyaat'atyën, yë'ë Wintsën, Tios mëti'ipë mTios'ajtypyën tëë tmëtoy wi'ix të nyikäjpxyën. Paaty tyam yajnax wäänë ayuk ma Wintsënën ets tputëkëty mëti'ipë juuky jaakwë'ëmtëpën.

Romanos 12:10

Nätsyokëtë ijxtëm ja ja'ay tyukä'äx'atyën. Näwyintsë'ëkëtë nixim niyam tu'knax.

2 Reyes 19:4

Jääpëk yë mWintsën jeexyë të tmëtoy, wi'ixjaty të y'ënä'änyën yë Asiria ja'ay, tsiptuunpë wintsën, mëti'ipë je'eyë të myinyën ets ëxëëkjaty të tijy ja Wintsën juukpyë ets tkumëtowëty mëti'ipë yë Wintsën kë'ëm të tmëtoyën. E tyamts myajpëjktsoy ets xymyëkajpxëty ja Wintsën ets xykyukajpxta'akëty ja ja'ay mëti'ipë të jyaakwë'ëmtën juuky.

Números 11:1

Ënät ja Israel ja'ayëty ojts jatëkok wiinkjaty tyëkëtë kajpxpë ma ja Tiosën. Mëët ko mëk tjawëtë ja ëyo'on, mëti'ipë myënajx yajnajxtëpën. Ko Tios jëtu'un tmëtooy, ojts jyoot'anpëky. Ënät tkejxy ja mëj jëën jam pë'am ma mayjyä'äy tsyëënëtën.

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Tios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.

2 Samuel 11:27

Ko jëtu'un ja monyëtukyë nyiwatsë, ënät ja David ojts twoownë jam ma ja tyëjkën ma ja kutujkëntëjkën ets mëët pyijky, ja to'oxytyëjk ojts tu'uk ja u'unk maay tyajminy tyaja'ty naaxwiiny. E ja Wintsën ka'ap oy t'ijxy ijxtëm ënäty ja David të y'ëti'itsyën.

Números 11:29

E yë Moisés tyaa y'ëtsooy: ¿Tii xynyi'äjkëpësë? Ëjts ni'ikyës ntsoky ets jeexyë yë Tios tmooytyä'äy yë myëk'ajtën yë nyaax kyajpn ets tëkokyë y'awinpijta'atë käjpxynyajxpë.

Romanos 12:3

Jä'äkyëjxm ko ja Tios ja mëyajtën të tuny ma ëjtsën, paaty miits nëëmëtë ko ka'ap je'eyë mnämyëmay mnämyëtajëtëty ets mnämyëjpëjkta'akëtëty. Yë'ë mëmay mëët'ajtëp wi'ix ja Tios të mmo'ojëtën ja wijyajtën kejyajtën mëët ja mëpëjkën.

Proverbios 13:10

Yë nämyëjjaw näjyääntyjyawë je'eyë nëkoo jëën tsip t'ixkukë. Yë wijyajtën jam yajpaaty ma ja'ayën mëti'ipë yu'unk naxym juukyajtpën.

Éxodo 7:10

Tä ja Moisés ets ja Aarón ojts tninëjkxtë ja mëj'ënä'ämpë ets jëtu'un tjantyuuntë, tä ënäty ja Tios të y'ënä'ämëtën. Ja Aarón ojts nasjëpipë ja tyajk yajkutujkpë wyintum ets ma ënäty jam yajpaatën ja tyuunpëtëjk, tä ja tajk ënätyë y'awinpijty tsa'any.

Éxodo 5:1

Ko jëtu'un y'ëknajxy yë xëëw po'o, ënät yë Moisés mëët yë Aarón ojts nyijkxy ma mëj'ënä'ämpë ets t'ënëmaaytyë: Jëtu'un yë Wintsën y'ënä'äny yë Tios mëti'ipë Tyios'ajtypyën yë Israel ja'ayëty: ëxmajtskës yë nkajpn wä'än jam tnëjkxtë ma ja naaxwiinyëtë aanë'ëk tëëtsë'ëkpën, etsës ja nxëëw xymyëjjawëtëty.

Génesis 29:33

Ok ojts wiinkpë Lea y'u'unk tyajmëxu'unk'aty mëti'ipë ojts txëëwmo'oyën Simeón, tä y'ënäny: Tios jëtu'un të tmëtoy koos xy'ixtij xy'ëxwa'antë, paatyës wiinkpë u'unk maay të xymyo'oy të xykyexy.

Éxodo 4:30

ja Aarón ojts tnimëtyakta'ay ja aaw ayuk jëtu'un tä ënäty ja Moisés ja Tios të y'ënë'ëmxëtyën, ojts tyaj'ixëtë ja mëj'ajtën mëti'ipë ënäty ja Tios të tyuk'ënä'ämëtën tuntëty.

Números 12:3

Yaa naaxwiiny ni pën ënäty jëtu'un kyatëtä'äkyëty tä Moisésën.

Éxodo 4:14

Yë Tios wiink ojts tjawë ko jëtu'un ja Moisés y'ënä'äny, ënät y'ënëmaayë: Yë'ë ënëëmë yë m'ajty Aarón, yë Leví ja'ay, nnija'apës ko yë'ë oy yë y'iy kyäjpxy, tää mniminyë ets jotkujk ënät nyäjyawëtëty, ko m'ixëtëty.