Números 12:12 - Biblia Mixe de Quetzaltepec

¹² Këtii xyajkutukëty ets jëtu'un wyë'ëmëty tä u'unk maayën ka'apë oy myëxu'unk'atyën ets piw nuuk yë nyini'kx jyaak yajpaatëty.

Números 12:12 ပူးပေါင်းရင်းမြစ်များ

1 Timoteo 5:6

E ja ku'ooky tyo'oxytyëjk mëti'ipë ukp mukëpën ëkë äjtsp pujtpën, jëtu'un ja nyäxy tä jeexyë y'ooky'ityën ma jyuuky'ätyën.

1 Corintios 15:8

Ets ma ëjtsën tim ok ojts nyänyikëxë'kënë, jä'ä ko jëtu'unës ëjts tä pi'k ëna'kën mëti'ipë ka'ap oy të myëxu'unk'atyën.

Salmos 58:8

wä'än jëtu'unyë tëtstëkoytyë, tä yë nu'pyky yë y'anëë tyëtstëkoyën, ets jëtu'un jyatëty kyëpätëty tä mëxu'unk ooky jyä'tyën naaxwiiny, ets ka'ap jajën të'kxën t'ixy nijëna'a.

Job 3:16

¿Wi'ix ko ojts xykyatimyajnaaxtëkëtës tä nyaaxtëkën yë mëxu'unk o'kpë, tä nyaaxtëkëtën mëti'ipë ooky miintëpën naaxwiiny?

Colosenses 2:13

Miitsëty, ooky ijty tëëyëp myajpaatë ma Tiosën mëët ko ka'ap xy'ëxmatstë ja pokytyu'unën, e tyam tëë ja Tios mmo'ojëtë ja juukyajtën mëët yë Kristë, mëti'ipë të tme'kxyën tëkokyë yë mpoky'ajtëmë.

Números 12:11

Ënät ja Aarón t'ënëmaay ja Moisés: Wintsën tun yë mëyajtën, këtii ëëts xytyiytyuntëty mëët ko ja nëë poky të ntuntës, mëët ko ja tsuu'at të nyajmëta'aktës.

Números 12:13

Ënät ja Moisés ojts ja Tios tmënu'kxtä'äky ets t'ënëmaay: Wintsën, tun yë mëyajtën yajtso'ok yaj'akëta'ak ya'atë to'oxytyëjk.