Números 12:1 - Biblia Mixe de Quetzaltepec

¹ Ënät yë Maria ets Aarón ojts tyëkëtë kajpxpë, yë'ë Moisés nyi'ojëtyëp, mëët jä'ä ko ënäty yë'ë mëët të pyiky yë to'oxytyëjk mëti'ipë Etiopíë tso'onpën.

Números 12:1 ပူးပေါင်းရင်းမြစ်များ

Éxodo 2:21

Jëtu'un'äämpy ojts yë Moisés jam wyi'imy tsënääpyë ma ja Reuel yë tyëjkën, kom ok tääts yë Reuel tyajpëjky yë Moisés mëët yë nyëëx mëti'ipë xyëëwajtypyën Séfora.

Génesis 27:46

Tä ja Rebeca t'ënëmaay ja Isaac: Ëjts tëëjës xynyatim tsyijpnë ya'atë juukyajtën mëët yë Hit ja'ayëty, mëti'ipë mëët të pyiky të y'uukyën yë Esaú. Pën Jacob yë'ë mëët pyiky näjyëtu'un yë Hit to'oxy'ëna'këty ijxtëm yë Esaú tyo'oxytyëjkën, mëti'ipë yaa tsënaaytyëpën Canaán, ni'ikë tim oy'atëp koos ëjts ntimy'ookëty.

Génesis 24:37

Yë nwintsënës yë'ëjës ojts xyajkäjpxy mëët yë Tiosë xyëëwkëjxm etsës xy'ënëmaay: Këtii xy'ëwa'atsëty etsës yë nmaank Isaac pyëkëty y'uukëty mëët ja to'oxytyëjk yaapë Canaán kyukajpn'atën maas tyam ntsëënë njuuky'ätyën.

Gálatas 4:16

E tyam ¿Mëtsipës jëtää të n'awinpityë jä'äkyëjxm koos të nnikäjpxy ja tëypyë jaantypë?

Juan 7:5

Jä'ä ko ni myëkä'äxtëjk ja Jesús ënäty kyamëpëkyë.

Mateo 10:36

ja ja'ay kyë'ëm jëëky kyë'ëm mëku'uk nëjkx myëtsiptsoonyë.

Génesis 24:3

Ets nikajpx mëët yë Tios xyëëwkëjxm, mëti'ipë Tios'ajtpën tsajpjotm ets naaxwiiny, ko këtii xy'a'ixëty ets nmaankës pyëkëty y'uukëty mëët yë to'oxy'ëna'k yaapë kyukajpn'atën Canaán, maas tyam ntsëënën njuuky'ätyën.

Levitico 21:14

Ka'ap jëtu'un nijëna'a tjëkyepy ets tpëjkpëty yë to'oxytyëjk mëti'ipë ku'ookyën, ëkë mëti'ipë tëë yë nyiye'etyëjk mëët nyänyikäkënën, mëti'ipë atsip muum të yajmëëtko'knën, ëkë mëti'ipë yë jyot nyini'kx tyo'kpyën. Yë'ë jëtu'un tyo'oxytyëjk'atëp, mëti'ipë ka'ap nijëna'a mëët yë ye'etyëjk tsyëënënëm ets myëku'uk'ajtyp.

Éxodo 34:16

Ets ni yë'ë mëpaat tkayajpëk tkayaj'uuktë yë nyëëxëty mëët mijts yë mmaankëty, jä'ä ko ënäty tuntë tkajpxtë ja ëxëëkpë jam ma ja wyintsënëty t'ëwtatën, tsojk näjyëtu'un ja m'u'unkëty y'ëtëtsta'aktëty.

Génesis 41:45

Yë yajkutujkpë ojts yë José yë xyëëw tyajtëkajtsë, jä'ä txëëwmooy Safenat-panéah, jëtu'un ijxtëm ënäty jap Egiptë kyajpxtën ets tyajpëjky mëët tu'uk ja to'oxytyëjk jä'ä xyëëwajtyp Asenat, yë'ë nyëëx yë Potifera, mëti'ipë ënäty tuunpën teety ma tsajptëjkën, jam ma ja kajpn txëëwatyën On. Jëtu'un'äämpy yë José ojts ja naax kajpn tmëwë'ëmy ets t'ënä'ämëty jap Egiptë.

Juan 15:20

Ja'amyätstë ijxtëm të nëëmëtë: Ni pën tuunpë wyintsën tkawinaxy. Pën tëëjës xypyajëtijta'aktë, näjyëtu'un miits myajpajëtijta'aka'antë; ets pën tëëjës ëjts ja n'aaw n'ayuk xykyupëjkëtë, näjyëtu'un miits ja m'aaw m'ayuk yajkupëka'antë.

Mateo 12:48

Tääts ja Jesús y'ëtsooy: ¿Pës ntaak'ajtypës ets pën nmëkä'äx'ajtypës?

Éxodo 2:16

Yë Reuel mëti'ipë ënäty jam teety'ajtpën Madián, niwëxtujk ënäty yë nyëëx, jä'ä xëëw ënäty jam näjyëtu'un të nyëjkxtëpë ma ja nëëjutën ets tyaj'utsa'antë ja nyëë a'ukënëty ets jap ja tsajppaxëty kupixynyëty nyëë'uuktëty.

Números 14:22

Yë ja'ayëty mëti'ipë tëë tja'ixtën yë nmëj'ajt n'oyajtënës ets mëti'ipës të nyaj'ixyën jap Egiptë ets yaa të'ëts'ituuy. Ets je'eyë janaam jatsojk xywyinma'any'ixtës ets ka'ap tuntë mëti'ipës njani'ënä'ämëpën.

Números 16:2

ojts ja Moisés tmëtsiptsoontë. May ja ja'ay pyuwa'akëtë, mäjtsk mëko'px ja wëxtyikxy myajkën ja Israel ja'ayëty mëti'ipë ënäty mëj'äämpy ijtëpën ma ja naax kajpnën. Yë'ë tyuk'ijtëtyëp ja ja'ayëty mëti'ipë ëëwij kajpxwijtëpën ets mëj yajjëkyäptë.

Números 26:59

Yë Amram yë'ë ojts mëët pyiky yë Leví nyëëx mëti'ipë xyëëwajtypyën Jocabed, yë Jocabed jap myëxu'unk'ajty Egiptë, jap ënäty yë Leví jyuuky'ätynyëm. Yë Amram ets Jocabed, yë'ë ojts yë Aarón, Moisés ets Maria teety'at taakatë.