Números 11:8 - Biblia Mixe de Quetzaltepec

⁸ Jëtu'un jyawë, tä tsajpmok kääkyën mëti'ipë ontë'ëtsën. Ja ja'ayëty jopyëp ijty tyajmujkojtë ets tmä'ätë ëkë twaytyë tyajkë'ëwtë jëtu'un tä tsajpkääkyën.

Números 11:8 ပူးပေါင်းရင်းမြစ်များ

Génesis 25:29

Tu'kxëëw tu'kjëmëjt yë Jacob jap ënäty ma ja mutstëjkën, tojkx ënäty jap yaj'o'oyëp, ënät yë Esaú jyä'äjty janty ënu'kxë,

Éxodo 16:23

ets ja Moisés y'ënäny: Jëtu'un yë Tios të tni'ënä'ämë, ijxtëm xynyijawëtën po'kxënxëëw jopy, tu'uk ja po'kxënxëëw mëti'ipë ja Tios yajtukmëjja'awëpën, paaty oytyuntë tyam yë mjë'kxy mpëkyëty, mëti'ipë jyëkyejpy tyam xynyipëjktaakëtëtyën. E mëti'ipë ënät tyam natëkëpën, yë'ë jëpom mnätyukjëjp'ixëtëp.

Éxodo 16:31

Ja Israel ja'ayëty jä'ä ojts tijtë maná mëti'ipë ënäty winjopy yajmujktëpën. Ya'atë maná jä'ä ënäty y'ixëty poop ets jëtu'un kyëxë'ëky tä yë tsajpmokën ets pya'akëty jëtu'un tä yë tsajpkääkyën cerëpa'akmëëtpë.

Números 11:7

Yë maná jëtu'un ënäty y'ixëty tä yë axykyulantrë pajkën. Pu'ts yë y'ujkën tä yë kepy'u'pkyën.

Números 11:9

Koots ma ja maanik kyä'äyën, jää ijty näjyëtu'un ja maná kyä'äy.

Juan 6:27

Ko tii xytyuntëty ka'ap yë'ëkyëjxmëty ko ja kääky uuky xytsyoktë mëti'ipë këjxp najxpën, yë'ë mnituntëp mëti'ipë mmo'ojëtëp ja juukyajtën xëmëkyëjxmëpë. Ya'atë ja kääky uuky yakäämpy ja naaxwiinyëtë ja'ay ja y'U'unk, jä'ä ko yë'ë Tios Teety yë kutujkën të myo'oyë.

Juan 6:31

Ëëts yë n'ap n'okëty ojts tkaytyë ja maná jam të'ëts'itjotm, ijxtëm jap këxja'ay myinyën: Ja tsajpkääky ojts tyukayëtë mëti'ipë tso'onën tsajpjotm.