Números 11:34 - Biblia Mixe de Quetzaltepec

³⁴ Ja it naaxwiinyëtë jä'ä txëëwmooytyë Quibrot-hataavá. Jä'ä ko jam ojts nyaaxtëkëtë ja ja'ayëty, mëti'ipë ënäty yi'iyë myëmaay myëët'ajtëpën ja ka'ayën ukën.

Números 11:34 ပူးပေါင်းရင်းမြစ်များ

Salmos 78:31

ko ojts ja Tios tnajtsmatsë ja tsyip y'äkë ma yë'ëjëtyën, ets ojts tyaj'ooky ja ja'ay aakjä'ä mëti'ipë mëkëtyën, ojts tyaj'ooky ja ja'ayëty mëti'ipë ënäty mëj'äämpy yajëkyäjptëpën ma ja Israel kajpnën.

Números 11:35

Ënät ojts jam tsyoontë Quibrot-hataavá ets jyajtë Haserot, ma tsyënaaytyaknpëjktën.

Números 33:16

Ko jam tsyo'ontë të'ëts'itjotmën ma ja Sinaí kopkën, jam jyajtë Kibrot-hataavá.

Números 33:17

Ko jam tsyo'ontë Kibrot-hataavá, jam jyajtë Haserot.

1 Corintios 10:6

Tu'kë'ëyë ya'atë, paaty ojts jëtu'un tyunyë jyätyë ets ja ijxpät wyë'ëmëty ets ka'ap n'atsojkmëty ja ka'apë y'oyëtyën, ijxtëm yë'ëty t'atsojktën.

Deuteronomio 9:22

Näyjyëtu'un jam Taberá, Masá ets Quibrot-hataavá ojts yë Wintsën jam xyajjoot'anpëktë.