Números 11:33 - Biblia Mixe de Quetzaltepec

³³ Ja Israel ja'ayëty yajxon ënäty tsyu'utsanëtë, ënät ja muuxy may tjanty yajkëëwtë ets tsyu'tstë. Tam ënäty ka'ap tku''uknajxta'atënëm ko ja Wintsën tyukjoot'anpëjkëtë ets may y'o'ktë.

Números 11:33 ပူးပေါင်းရင်းမြစ်များ

Números 25:9

Yë ja'ayëty tëë ënäty nimay nya'o'knëtë, i'px majktaxk milën.

Números 16:49

Jä'ä ënäty yë ja'ayëty të nya'o'knëtë majkmajkts mil ja wëxtujk mëko'px. Yi'iyë mëti'ipë ënäty tsojk'am të y'ooktën, ëpëky ja mëti'ipë të y'o'ktëpën ma ja Coré ojts ja Moisés tmëtsiptsoonyën.

Deuteronomio 28:27

Yë Wintsën nëjkxëp mëët myaj'ëyoyë yë pu'uts pa'am, jëtu'un tä jap Egiptë ja'ay jyajtë kyëpäjtën, nëjkxëp mpëkyë yë tsaamaxn, xi'ipyë pa'am ets tsajpnitooy; oy nëjkx mjanäyajtsooypyetyë ka'ap mtso'okëty.

Job 20:13

jeky jap y'aawjoty tpu'uy'ity ets ëtyä'äkyë'äämpy tkujë'ënaxy.

Job 20:23

Ko ënäty y'ënä'äny tyaj'utsa'any yë jyot, jää nëjkx yë Tios tyukjoot'anpëkyë ets nëjkx ma yë'ëjën yë tsyip y'äkë tyajnajxta'ay.

Salmos 78:29

Ojts tjë'kxtë tpëktë koonëm tsyijpëtë, e jëtu'un ojts ja Tios kyuuytyu'unxëtë ijxtëm ënäty yë'ë timtsyoktën,

Números 17:11

Moisés ojts jëtu'un tuny, tä ojts yë Tios tyuk'ëne'emyën.

Salmos 78:26

Ja poj mëti'ipë ëpa'tkë'ëytsyow ku'ujtpën ets mëti'ipë anëkëjxytsyow tso'onpën ojts jam pyojtë tsajpkëjxm; Tios ojts tyajminy mëët yë myëk'ajtën.