Números 11:31 - Biblia Mixe de Quetzaltepec

³¹ Maatsow ja mëjmejyën, jäätsow ojts ja Wintsën tyajmëjpojy ja maymyuuxy ets jam nyaaxkëtaktë ma ja Israel ja'ayëty ënäty tsyëënëtën. Yajxon tyajwintujktaaytyë ja it naaxwiinyëtë, jä'ä tyajwintujktë tu'kxëëwye'eyën ets nyipäjtë tu'kxajpk kyëjxmëty.

Números 11:31 ပူးပေါင်းရင်းမြစ်များ

Éxodo 16:13

Jä'ä xëëw ma ënäty të yaj'akäjpxyën, ko jyënäkyxyëëwajty myäymyiintë ja muuxy ets tyajwintujktaaytyë ja tsënaaytyakn ma ja Israel ja'ayëty jam tsyëënëtën, komjopy jëtu'un yaj'ixy tä nëma'ajën.

Salmos 105:40

Ko ja naax kajpn tpëjktsooy ja ka'ayën ukën, ojts yajtuknikäxtë muuxy, ets tsajpkääky ets ojts ku'uxyë wyë'ëmtë.

Salmos 135:7

Yë'ë yajpëtë'kpy muum jëkäm yë yoots nëëma'a ma naaxwiinyëtë jyëjpkëxyën; yë'ë näjyëtu'un yaj'ëtëtsyp yaj'ënäämpy yë ënääw wëtsuk ko tyu'uja'any pyoja'any ets jap ma pëjkë'ëky tyaj'ityën yë poj jap tyajpëtsëmy ets ënät tyajpojy.

Éxodo 15:10

E ko ojts xyajpojyu'kxy, jëtu'unyë ja nëë ojts nyikoonpäjta'ajëtë. Jëtu'unyë jap kyiintaaytyë tä tu'uk yë pujxn kyinyën.

Éxodo 10:19

Tä ja Tios tyajtëkajty ja jëënpoj ets tyajmiiny tu'uk yë tëtykpyoj, mëti'ipë ojts tyajnëëkupojta'ayën ja maymyu'u ma ja Tsaptsmejyën. Jap Egiptë ka'ap ojts jap nitu'uk wyi'imy yë mu'u.

Éxodo 10:13

Moisés ojts ja kyë'ë txajtëy ets ja Tios tyajmiiny yë mëkjëënpoj ma ja naax kajpnën, ko xyiinytyäky jyajtäky, ënät yaj'ijxpaty, ko tëëtëm ënäty ja mu'u myäyjya'të mëët ja jëënpoj.

Números 11:30

Ënät yë Moisés ets ja mëjja'aytyëjkëty ojts jam tsyoontë ets nyëjkxtë ma ja mayjyä'äy jam yajpaatën.

Salmos 106:15

Yë Tios ojts jyänty myo'ojëtë mëti'ipë ënäty y'amëtoowtëpën, e kajts jëtu'unyë nyanajxy, yë Tios ojts tyuknikäxëtë pa'am ëyo'on mëti'ipë yaj'o'kp yajtëkoopyën.