Números 11:28 - Biblia Mixe de Quetzaltepec

²⁸ Ënät yë Josué y'ënäny, yë myaank yë Nun, mëti'ipë ënäty mutsknëm të tyuuntsoonyën mëët yë Moisés: Wintsën Moisés tun yë mëyajtën ets këtii jëtu'un kyajpxtëty.

Números 11:28 ပူးပေါင်းရင်းမြစ်များ

Juan 3:26

ets ojts tuk'ëwaanëtë ja Juan, ets t'ënëmaaytyë: Wintsën, ja ja'ay mëti'ipë ënäty mijts jam mëëtën, jam Jordán, mëti'ipë të xynyimëtyä'äkyën tam tyam yajnëëpety ets nimay ja ja'ay jyänty nyiminyë.

Josue 1:1

Ko yë Moisés y'o'ky mëti'ipë yë Wintsën oy myëtuunën, ënät yë Wintsën ojts tmëkäjpxy yë Josué, Nun yë myaank, Moisés yë pyutëjkëpë ets t'ënëmaay:

Éxodo 33:11

Tios wiinxë jëjpxë ijty mëët ja Moisés tyimmëtyä'äky, jëtu'un ijxtëm yë ja'ay tu'kjëëky tu'kmëku'uk xyony y'ityën, ko myëtyakta'atë, tääts ja Moisés ijty jatëkok wyimpijnë ma ja y'ijtakn tmëët'atyën. Ja tyuunpë mëti'ipë xyëëwajtypyën Josué, yë myaank yë Nun, ka'ap ënäty ninu'un tyimtsoony jam ma ja wit tëjkën, ma ja Tios jam kyëtä'äkyën.

Éxodo 17:9

Ënät ja Moisés t'ënëmaay ja Josué: Win'ix yë ja'ay mëti'ipë m'a'ijxëpën ets mnëjkxtëty tsiptuunpë ma ja Amalec ja'ayëtyën. Ëjts jamës jopy kopkëjxm nyajpaata'any ets mpakapäämpyës yë ntajk, mëti'ipë yë Tios jyä'ä'ajtypyën.

Números 11:27

Ënät ojts tu'uk ja yujkyeeky'ëna'k nyijkxy pëyi'ikyë ma ja Moisésën ets t'ënëmaay: Yë Eldad ets Medad jëtu'un jam kyajpxnëtë ma tsyënaaytyaknëtyën tä yë käjpxynyajxpëtëjkëtyën.

Éxodo 24:13

Ënät ja Moisés pyëti'ky ets ojts jam pyety ma ja Tios ja kyopkën, ojts pyanëjkxyë ja Josué mëti'ipë ijty xëmë jämyëët'ajtëpën.