Números 11:22 - Biblia Mixe de Quetzaltepec

²² ¿Maa xypyëka'any nëkooyë jëyujk tsajpkaa mëti'ipë ookëpën ets ya'atë ja'ay tsyu'utstëty? Oyxyëp jeexyë xyjyamooypyë tëkokyë yë nëë jëyujk jënu'un mejyjoty yajpaatën ka'ap myëta'akëty.

Números 11:22 ပူးပေါင်းရင်းမြစ်များ

Mateo 15:33

Tääts ja y'ijxpëjkpëtëjk y'ënëmaayëtë: ¿Ets maas npëktëty yë kääky uuky yaa apaktuuy etsës yë mayjyä'äy nyajkaytyëty?

2 Reyes 7:2

Ja yajkutujkpë ja tyuunpë, je'eyë ojts y'ëtsoy: Oyxyëp jeexyë jëtu'un yë nëë tuu jam jyatim nyämyëtso'onëpë tsajpjotm, mëti'ipë ja Wintsën yajniku'ëwatsypyën, tääpë xynyikäjpxyën ka'ap ninu'un tyunëtëty jyatëtëty. E ja Elisejë ënät y'ëtsooy: Kë'ëm jëpom xy'ixëty, mja'ixëp mëët yë mwiin je'eyëp ko ka'ap nitii xyjyë'kxëty.

Juan 6:9

Tyaa tu'uk pi'k ëna'k, tap mëkoxk yë tsajpkääky tmëëtëty ets mäjtsk yë ajkx, je'eyëp ko ka'ap myëta'akëty mëët ya'atë mayjyä'äy.

Lucas 1:34

Tääts ja Maria tyajtëëy ja tsajpjotmëtë kukäjpxy: ¿Wi'ixtsën ya'atë jëtu'unpë tyuna'any jyata'anyë? kajts mëti'ipë ye'etyëjk nmëët'atynyëmës.

Lucas 1:18

Tääts ja Zacarías tyajtëëy ja tsajpjotmëtë kukäjpxy: ¿Wi'ixës ya'atë njëjp'ixëty?, ëjts tëëjës nmëjja'ayënë ets näjyëtu'un yë nto'oxytyëjkës.

Marcos 8:4

Tääts ja y'ijxpëjkpëtëjk ojts y'ëtsowtë: ¿Wi'ix yë mayjyä'äy nyajkä'ämyëty ma ka'ap pën tsyëënën?

Marcos 6:37

Ënät ja Jesús y'ëtsooy: Mo'otë miits yë kyääkyëty. Tääts ja y'ijxpëjkpëtëjk y'ënantë: ¿Oyës nëjkx yë tsajpkääky njuytyë mäjtsk mëko'px nixëëwtunyën etsës yë ja'ay nyajkaytyëtyë?

Números 11:13

Maas yë tsu'utsy npëkëty ets ya'atë mayjyä'äy kyäytyëty tsyu'utstëty. Yaxp jojkp xynyimintës ets y'ëna'antë: Tsu'utsyës ntsojkëp.

Números 11:21

Ënät ja Moisés y'ëtsooy: Yë ja'ayëty mëti'ipës nwoow'ijtypyën, jä'ä nyiwinë'atë tëtujk mëko'px mil. ¿Ets m'ënaanpë ko tu'kpo'o tsyu'utstëtyë?

Números 11:23

Ënät ja Tios y'ëtsoowë: ¿Tii janty yi'inëm xy'ixy ëjts yë nmëk'ajtënë? M'ixëp ko jëtu'un tyunëtëty jyatëtëty, mëti'ipës të nikäjpxyën.