Números 11:21 - Biblia Mixe de Quetzaltepec

²¹ Ënät ja Moisés y'ëtsooy: Yë ja'ayëty mëti'ipës nwoow'ijtypyën, jä'ä nyiwinë'atë tëtujk mëko'px mil. ¿Ets m'ënaanpë ko tu'kpo'o tsyu'utstëtyë?

Números 11:21 ပူးပေါင်းရင်းမြစ်များ

Éxodo 12:37

Jam ojts yë Israel ja'ayëty tsyoontë ma tu'uk yë kajpnën mëti'ipë xyëëwajtypyën Ramsés ets jam jya'ajtë Sucot, jä'ä ënäty ja ye'etyëjktëjk nyiwinë'atë nitëtujk mëko'px, mëti'ipë jyëkyäjpnëp tsyiptuntëtyën. Yë to'oxytyëjkëty ets pi'k'ëna'këty ka'ap ojts yajmëtyowtë.

Números 1:46

tëkokyë ya'atë ja'ayëty jä'ä ojts nyiwinë'atë tëtujk mëko'px ja tëkëëk mil ja mëkoxk mëko'px ja kujkm.

Éxodo 38:26

Ja ja'ayëty mëti'ipë ja xyëëw yajkëxjaaytyën ma ja jaaymyujkën y'ijtyën, aakyë'ë mëti'ipë ënäty tëë ja jyëmëjt t'apetyën I'px tu'uk ets jä'ä nyiwinë'ajtë tëtujk mëko'px ja tëkëëk mil ja mëkoxk mëko'px ja wëxtyikxy majk, nitu'ukjaty ojts tyaktë ja poop pujxn këëk mëkoxk ja kujkm nikonë, yë'ë tuun ja kijpxën mëti'ipë jap tsajptëkoty tuunpën.

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

Números 2:32

Ko ojts ja jaaymyujkën pyëti'iky ma ja Israel ja'ayëtyën, jä'ä ojts ja ja'ayëty ni'ëmukë yajkëxjaaytya'atë, mëti'ipë ënäty tsiptuunpë'atantëpën tëtujk mëko'pxtëkëëk mil ja mëkoxk mëko'px ja wëxtyikxy majk, aak ye'etyëjktëjk.

Números 11:13

Maas yë tsu'utsy npëkëty ets ya'atë mayjyä'äy kyäytyëty tsyu'utstëty. Yaxp jojkp xynyimintës ets y'ëna'antë: Tsu'utsyës ntsojkëp.

Números 11:20

Jeky tsyu'utstëty wyëtstëty, jää oy tu'kpo'ojën, koonëm kyu'uxëtëty ets tsyipëtëty. Jä'ä ko ëjts xykyamëj'ijx xykyamëjpëjktaktëp mëti'ipë Wintsën'ajtpën. Ëjts jayajpatpës ma yë'ëjëtyën. E yë'ëjëty ni'ikyë jyänty jyë'ë jyänty myu'utë ets y'ëna'antë: ¿Wi'ix ko ojts n'ëktso'onëmpë jap Egiptë?

Números 11:22

¿Maa xypyëka'any nëkooyë jëyujk tsajpkaa mëti'ipë ookëpën ets ya'atë ja'ay tsyu'utstëty? Oyxyëp jeexyë xyjyamooypyë tëkokyë yë nëë jëyujk jënu'un mejyjoty yajpaatën ka'ap myëta'akëty.

Números 26:51

Ja Israel ja'ayëty jënu'un nyokpyäjtaaytyën jap ma jaaymyujkën, jä'ä nyiwinë'ajtë tëtujk mëko'px ja tu'uk mil ja wëxtujk mëko'px ja i'px majk ja ye'etyëjktëjk.