Números 11:20 - Biblia Mixe de Quetzaltepec

²⁰ Jeky tsyu'utstëty wyëtstëty, jää oy tu'kpo'ojën, koonëm kyu'uxëtëty ets tsyipëtëty. Jä'ä ko ëjts xykyamëj'ijx xykyamëjpëjktaktëp mëti'ipë Wintsën'ajtpën. Ëjts jayajpatpës ma yë'ëjëtyën. E yë'ëjëty ni'ikyë jyänty jyë'ë jyänty myu'utë ets y'ëna'antë: ¿Wi'ix ko ojts n'ëktso'onëmpë jap Egiptë?

Números 11:20 ပူးပေါင်းရင်းမြစ်များ

Salmos 106:15

Yë Tios ojts jyänty myo'ojëtë mëti'ipë ënäty y'amëtoowtëpën, e kajts jëtu'unyë nyanajxy, yë Tios ojts tyuknikäxëtë pa'am ëyo'on mëti'ipë yaj'o'kp yajtëkoopyën.

Números 21:5

Ënät tyëjkëtyë kajpxpë, jä'ä ja Tios nyi'ojëtyëp ets ja Moisés, jëtu'un y'ëna'antë: ¿Tiijën koos të xy'ëkyajpëtsëëmtëpë jap Egiptë? ¿Jä'äkyëjxm të xyjyuutës ets yaa të'ëts'ituuy n'ooktëtyësë? Ni kääky ni uuky yaa kya'ity, ya'atë jë'kxy tëëjës xynyatsyijpnëtë.

1 Samuel 10:19

E tyam m'ixtijnëtëp ja Tiosnë mëti'ipë të mjuutëtën ma ënäty ja amay jotmay xymyëët'atën. Yë'ë jëtu'un m'ixtijtëp ko miits tu'uk yë yajkutujkpë xy'amëtowtë mëti'ipë m'ënä'ämëtëpën. E paaty ënät tyam n'ënëëmëtë ets xywyinkuwa'akëtëty yë Wintsën tu'kkajpnjaty ets tu'kja'ayjyäty.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Tios ënäty kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

Hechos 13:41

Ixtë, miitsëty mëti'ipë päjxtëpën, mëj'ix naak'ixtë ets mtimkyutëkoytyëty, jä'ä ko ntunäämpyës ja mëjëtypë ma ënäty jam mjuuky'atën, mëti'ipë ka'ap xymyëpëktëtyën oy ënäty pën mjatukmëmëtya'akëtë.

Malaquías 1:6

Jëtu'un Wintsën mëti'ipë maaytyääyëpën winë t'ënëmaay yë teetytyëjkëty: Yë u'unk ëna'k wyintsë'këtyëp yë tyaak tyeetyëty ets tuunpëtëjkëty wyinkutsë'këtyëp yë wyintsënëty. E ëjts, mijts xytyeety'ajtëpës, ¿tiijës ko xykyawinkutsë'ëkëtë? Pën ëjts miitsëty xyWyintsën'ajtëp, ¿wi'ixës ko xykya mëj ixtë? Miitsëty ni'ikyë xy'ixtijnëtës ets m'ëna'antë: ¿Maaxë mkayajmëj ixy?

Proverbios 27:7

Mëti'ipë ja'ay ku'uxyën, yë'ëpaat uuxpa'ak ka'ap txu'kxjawë; mëti'ipë ja'ay yuu'o'këpën, yë'ëpaat yë ta'ampë pa'ak tjawë.

2 Samuel 12:10

Mëët koos ka'ap të xymyëj'ixy, ko të xypyëjkë ja Urías ja tyo'oxytyëjk, ja Hit ja'ay, jam ma mjëën mtëjkën itëp jam xëmë ja tsip äkë.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Tios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.

Josue 24:27

Ets t'ënëmaay ja naax kajpn: Ya'atë tsaa n'ënyääytyä'äkyësën, yë'ë wë'ëmp tä tu'uk yë ijxpäjtënën mëët ko yë'ë yaa tyam yaa yajpatp ets të tmëtoowta'ay tä ja Wintsën të y'ënä'änyën. Yë'ë mtuk'ixtëp ko ënäty xy'ixtë ja Wintsën xymyëtëkoya'antë.

Éxodo 16:13

Jä'ä xëëw ma ënäty të yaj'akäjpxyën, ko jyënäkyxyëëwajty myäymyiintë ja muuxy ets tyajwintujktaaytyë ja tsënaaytyakn ma ja Israel ja'ayëty jam tsyëënëtën, komjopy jëtu'un yaj'ixy tä nëma'ajën.

Éxodo 16:8

Tä yë Moisés ojts jyaakëna'any: Ko jyënäkyxyëëw'atëty jää yë Tios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Tios jëtu'un wiinkjaty të xytyijtë.

Números 11:19

Ets ka'ap je'eyë tyu'kxëëwëty myäjtskxëëwëty ëkë y'i'px xëëwëty.

Números 11:21

Ënät ja Moisés y'ëtsooy: Yë ja'ayëty mëti'ipës nwoow'ijtypyën, jä'ä nyiwinë'atë tëtujk mëko'px mil. ¿Ets m'ënaanpë ko tu'kpo'o tsyu'utstëtyë?

Éxodo 16:3

Y'ënantë: Nikë oy jeexyë yë Tios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës.

Números 11:13

Maas yë tsu'utsy npëkëty ets ya'atë mayjyä'äy kyäytyëty tsyu'utstëty. Yaxp jojkp xynyimintës ets y'ëna'antë: Tsu'utsyës ntsojkëp.

Números 14:3

¿Tii ko Tios të xy'ëkyajmi'inëmpë ma ya'atë naax kamën? ¿Paatykyëjxmën të xyajmi'inëmë ets ënät tsipjoty n'o'kmëtyë? ¿Ets ja nto'oxytyëjk'ajtëmë ets u'unk ëna'k jä'ä ja mëtsip tmëwë'ëmtëtyë? Nikë wä'än y'oypyëtsëmëty ko jatëkok nwinpijtmëty jap Egiptë.

Números 14:4

Ets nyäy'ënëmaayëtë: Tsojk tu'uk yë kutuunk npëjktakëmë, mëti'ipë xywyinye'eymyëpën ets nwinpijtmëty Egiptë.

Números 16:13

¿Wi'ix namaa natiijën xy'ixy xyjyawë, koos jap të xyajpëtsëmtë ma ja jë'kxy pëky ka'ap y'ëmaaytyä'äkyën, etsës yaa xyaj'ooka'antë të'ëts'ituuy, ma näjyëtu'un mijts wintsënën mnäyaj'ita'anyë ma ëëtsëtyënë?

Números 20:4

¿Tii ko Tios yë nyaax kyajpn të xyajmiintëpë yaa ma y'anë'ëk tyëëtsë'ëkëtyën? ¿Ëkë yë'ëjën mtsojktëp etsës näjyëtu'un n'ooktëty yaa mëët yë njëyujk ntsajpkaajëtyësë.