Números 11:18 - Biblia Mixe de Quetzaltepec

¹⁸ Ets xy'ënëëmëty yë Israel ja'ayëty wä'än nänyi''ixëtë ets jopy jëjp'ixy yajpaatëty, wä'än yë jyot wyinma'any tyaj'oyëtë. Jä'ä ko jopy itaanp yë tsu'utsy may ets tsyu'utstëty. Tëës nmëtoy ko y'ëjtë tyu'uktë ets y'ëna'antë: jääpëk yë tsu'utsy jeexyë n'ëkpatëmë. Jap Egiptë nikë jotkujk ijty jap nyajpatëmë. E kajts wyi'ixëty, oy, tyam tsyu'utstëty jyë'kxtëty.

Números 11:18 ပူးပေါင်းရင်းမြစ်များ

Éxodo 19:10

ets ojts ja Tios y'ënë'ëmxëty: Nëjkx ënëëmë yë naax kajpn, wä'än tyam ets jopy nänyipëjktaakëtë etsës ëjts xytyukxoonta'aktëty ets xymyëjjawëtëtyës. Yajxon yë wyit tyujkxëty tpujtëty tjä'ätstëty,

Hechos 7:39

E ka'ap ja nteety'ajt n'ap'ajtëmë tmëmëtoowtë ja Moisés, ka'ap tkupëjktë wi'ix y'ënä'änyën; ni'ikyë jyawinpitantë jap Egiptë.

Números 11:1

Ënät ja Israel ja'ayëty ojts jatëkok wiinkjaty tyëkëtë kajpxpë ma ja Tiosën. Mëët ko mëk tjawëtë ja ëyo'on, mëti'ipë myënajx yajnajxtëpën. Ko Tios jëtu'un tmëtooy, ojts jyoot'anpëky. Ënät tkejxy ja mëj jëën jam pë'am ma mayjyä'äy tsyëënëtën.

Jueces 21:2

E ojts jatëkok jam myuktë Betel ets twinjëëy twinyaxtë ja Tios ets myoontë tyujktë jam tu'kxëëw koonëm tyajtsu'ujëtyë.

Josue 7:13

Pëtë'ëk ets yajtu'ukmuk yë naax kajpn. Ënëëmë wä'än tnäynyipëjktaakëtë etsës jopy xywyinkuwa'akëtëty, ëjts ënaanp, yë Wintsën mëti'ipë Tios'ajtpën ma Israel ja'ayëtyën: Mijts Israel kajpn, tëë xytyony ja mëti'ipë të yajtuknipëjktaakën kyutëkoyëty. Pën kä'äpyëm xyajkutëkoy ja mëti'ipë të xytyonyën ets xyajjëwä'äky ma mijtsën, ka'ap tjëkyepy xywyinkuwa'akëty yë mëtsip.

Éxodo 19:15

ets ja Moisés y'ënëmaayëtë: Näyjyëjp'ixëtë ets jëtu'un jëjp'ixy myajpaatëty wëxtëjkm, këtii mëpaat yë to'oxytyëjk xymyëëtma'atë.

Génesis 35:2

Ënät ja Jacob ja y'u'unk y'ëna'k t'ënëmaay ets tu'kë'ëyë jënu'un ënäty mëët tsyëënën jyuuky'ätyën: Yajpëtsëmtë tu'kë'ëyë jënu'un xytyijtën Tios ets ka'apë tiosëtyën, tsi'iwtë xëtstë ets jääntëkatstë yë mwitëty mtujkxyëty.

Éxodo 19:22

Oy yë'ëjëty yë teetytyëjkëty, mëti'ipë jyëkyäjptëp xymyëwinkontëtyës, kopkpëky ko jëyëjp nyäpyuj nyäjyä'ätsëtëty, këtiipës ëjts ëxëëk n'ëtë'ëtsëty ma yë'ëjëtyën.

Números 11:19

Ets ka'ap je'eyë tyu'kxëëwëty myäjtskxëëwëty ëkë y'i'px xëëwëty.

Job 20:13

jeky jap y'aawjoty tpu'uy'ity ets ëtyä'äkyë'äämpy tkujë'ënaxy.

Job 20:23

Ko ënäty y'ënä'äny tyaj'utsa'any yë jyot, jää nëjkx yë Tios tyukjoot'anpëkyë ets nëjkx ma yë'ëjën yë tsyip y'äkë tyajnajxta'ay.

Salmos 78:20

Tëyajtën ko yë Tios ojts tjantyyajkë'ëtswä'kxy tu'uk yë tsaakopk; ets jap yë nëë tyajpëtsëëmy tä tu'uk yë mëjnëëjën, ets tyajtsa'amëy ja naax; ¿jyëkyejpy jëtää näjyëtu'un tyakëty ka'ayën ukënë? ¿jyëkyejpy jëtää tmo'ojëty yë tsu'utsy yë nyaax kyajpnë?

Éxodo 16:8

Tä yë Moisés ojts jyaakëna'any: Ko jyënäkyxyëëw'atëty jää yë Tios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Tios jëtu'un wiinkjaty të xytyijtë.