Números 11:17 - Biblia Mixe de Quetzaltepec

¹⁷ Ëjts këta'akaanpës ma mijtsën ets nmëtyakmëty. Npupëkäämpyës wäänë mmëkajtën m'oyajtën mëti'ipë mëët'ajtypyën ets yë'ë tjä'ä'atëty. Yë'ë nëjkx mputëkëtë ma ya'atë naax kajpn yajtu'uwinye'eyä'äynyën. Jëtu'un ka'ap tii atu'uk mtimtyukëtakpätëtëty.

Números 11:17 ပူးပေါင်းရင်းမြစ်များ

Génesis 11:5

Ënät ojts ja Wintsën tniku'ijxnaxy ja naax kajpn ets ja mëjpotsy mëti'ipë ënäty ja naaxwiinyëtë ja'ay ëka'any kyojtso'ontaktëpën.

Génesis 17:22

Ko ja Tios myëtyaktaay mëët yë Abraham, ënät ojts jam tsyo'onë.

Génesis 17:3

Ënät ojts yë Abram nyäkyoxtënaaytyä'äkyë, tyukpatyp yë wyimpok yë naax, tam ënäty yë Tios kyäjpxy:

Génesis 18:33

Ko ojts ja Tios jëtu'un myëtyakta'ay mëët ja Abraham, ënät ojts nyäy'ëxmajtsënëtë. E yë Abraham ojts wyimpijnë ets nyëjkxnë jatëkok ma tyëjkën.

2 Reyes 2:15

Ja Wintsën ja kyäjpxynyajxpëtëjkëty mëti'ipë jam yajpatëpën Jericó, ko t'ijxtë ja Elías, tä y'ënantë: Ja Elisejë ja myëk'ajtën yë'ë tyam yajpatp ma ja Eliseën. Ënät ojts tninëjkxtë, ko tpatë tääts wyintak nyaxkoowtë ma yë'ëjën mëët tu'uk ja näywyinkutsë'kën,

2 Reyes 2:9

Ko tuknajxtaaytyë, ënät t'ënëmaay yë Elías ja Elisejë: Tuk'ëwa'anëkës tiijës ntunëp mëët mijts maas ka'anëm nyajjëpëkynyëm ma mijtsën. Tä Elisejë y'ëtsooy: Yë'ëjës ntsojkpy yë mkënu'kxypyoj tëkokyë jënu'un të xymyëët'atyën ets näjyëtu'un xyjyaakniyajkpätëty.

Nehemías 9:20

Kë'ëm ojts xytyimmo'oy ja jot mëjaaw oypyë ets nyë'ëye'ey tyu'uye'eytyëty; nijëna'a ojts ja tsajpkääky kyatëkoy'äty ma y'aaw yä'änëtyën mëti'ipë tyijtëpën maná, xëmë tmooy ja nëë mëti'ipë y'uuktëpën pyëktëpën.

Éxodo 18:18

Jä'ä ko mijts nëkoo je'eyë mnäyaj'ënu'kxëty ets ja'ayëty mëti'ipë jam tu'kxëëwpaaty mnatënaayëpën. Ya'atë tuunk mëti'ipë mtuunpyën mëk oynyë ets mijts atu'uk xytyuunk'aty, ko jëtu'un tyu'uye'eyëty ka'ap mëta'akëty.

Éxodo 18:22

Yë'ë nëjkx winë tnipaye'eytyë oy tyimjëna'ajëty ma ja naax kajpnën; e ja jotmay mëti'ipë timkëjääjën yë'ë mtukniminëtëp, e mëti'ipë nayiin nawäänën yë'ë kë'ëm yajwintu'upëktëp. Ko jëtu'un xytyunëty mëj këjää ënäty ja tuunk mnätyuknipëjktu'utyë. Tääpë ja'ayëty yë'ë nëjkx mputëkëty ets oy ja mtuunk wyimpëtsëm jyëjpëtsëmëty.

Éxodo 19:11

ets nyänyipëjktaakëtëty ko wyëxtëjkm'atëty jëjp'ixy ënäty jää yajpaatë, jä'ä ko wëxtëjkmës yaa njënaka'any ma Sinaí kopkë ets tëkokyë ja Israel ja'ay xy'ixtëtyës.

Éxodo 19:20

Yë Tios jam kyëtäky ma jawäänë këjxmëpë ja Sinaí kopkën ets ojts t'ënëëmë ja Moisés ets jam pyätëty. Tä ja Moisés pyejty jam,

Éxodo 34:5

Ënät ja Wintsën jam kyëtäky yootsjotm ets ojts nyäxyëëwkukäjpxyë ets mëët xyoony y'ijty ja Moisés.

Isaías 44:3

Jä'ä koos nyajpëyë'ëkäämpyës yë nëë jam të'ëts'itjotm, nyajye'eyäämpyës yë nëë jap wokjoty mëti'ipë të tyëtsnën. Nmo'ojäämpyës ja jyuukyajtën ja m'u'unk m'ok ets nkënu'kxäämpyës näjyëtu'un.

Isaías 63:11

Ënät tja'amyäjtstë ja tëëyëpë, ma ja Moisés tyaj'ëwaatsëpëtsëëmyën ja nyaax kyajpn, ets nyäyajtëëwëtë: ¿Maa jëtäätën ja Wintsën mëti'ipë yajnajxën ja Israel kajpn mëët ja Moisés ma ja mëjmejyën, jëtu'un tä mëti'ipë tsajppax ets kupixyny kyëwent'ajtypyën? ¿Maa jëtäätën ënät? mëti'ipë ja Moisés yajtuunën mëët yë kënu'kxypyoj,

Joel 2:28

Ko ënäty jëtu'un të tyuny të jyätyë, täätsës nëjkx nyajkëtä'äky yë nmëk'ajtënës ma nitëkokyë ja'ayëtyën: yë m'u'unk m'ëna'këty ye'etyëjkpë ets to'oxytyëjkpë nëjkxëp yë n'ayukës tkajpxnaxtë ma miitsëtyën; yë mëjja'aytyëjk nëjkxëp mya'atë pyo'kxtë ets ëna'ktëjkëty oyëty nëjkx wyikëma'atë.

Números 11:25

Ënät ja Tios ojts jatëkok jap kyëtä'äky yootsjoty ets mëët ja Moisés myëtyäky. Ojts tpëky wäänë ja mëk'ajtën oyajtën ma ja Moisésën ets tmooy jä'ä ja mëjja'aytyëjkëty ja nitëkë'px majkpë. Ko ojts ja mëk'ajtën oyajtën tyukja'tëtë ja mëjja'aytyëjkëty, ënät tyëjkëtyë mëtyakpë tä jeexyë kyäjpxynyajxpë'atën. Je'eyë jëtu'un ets ka'ap ojts ok y'ëkkajpxnëtë.

Números 12:5

Yë Tios yootsjoty ojts kyëtä'äky ets nyäpyëjktakë jam ma ja wit tëjk yajnitëkën ma näpyaatë y'ityën, tääts ojts tmëkäjpxy ja Aarón ets ja Maria. E ko ojts jam nyäwya'këxë'ëkëtë.

Números 12:8

Wiinxë jëjpxës mëët nmëtyä'äky, jëtu'un tä mëpaat yajwinjawën. ¿Pën yë'ë wa'ats xytyim'ixyës wiinxë jëjpxë, tii ko miitsëty xynyi'ojëtë?

Números 27:18

Ënät ojts ja Wintsën t'ëtsoy ja Moisés: Yë Josué, yë Nun yë myaank, jä'ä jyä'äy'äty wijy ets tëtä'äky, tyukjajtyp wi'ix oy tyunëtyën. E yë'ëjës ntsojkpy ets xykyënu'kxëty ets xykyë'ënixajëty.

Números 7:89

Ko ja Moisés jap tyëjkëy tëkoty ma ja wit tëjkën ma ja näpyaatë y'ityën mëët yë Tios ets myëtya'aka'any mëët yë Tios. Ënät tmëtoowpaty ko ja Wintsën jamtëm y'ëtsoy ma ja kaaxë ja y'ajupën, mëti'ipë myë'ijtypyën ja käjpxytyu'unën. Itkujky tmëtoy kyäjpxy ma ja Wintsën tsajpjotmëtë kukäjpxy tyänëtën pa'apa'a.

Juan 3:13

Ni pën tsajpjotm të kya'otsy, yi'iyë mëti'ipë jam të tsyoonyën ets yaa naaxwiiny të kyëtä'äky, yë'ë jëtu'un ja naaxwiinyëtë ja'ay ja y'U'unk.

Juan 7:39

Ko ja Jesús jëtu'un y'ënäny yë'ë Kënu'kxymyëkajtën tyij mëti'ipë y'ëxajëtëpën ja mëpëjkpë, jä'ä ko ka'anëm ënäty ja Jesús tsyajp petynyëm, paaty ja Kënu'kxymyëjajtën ënäty ka'ap myinyëm.

Romanos 8:9

E miitsëty, ka'ap jëtu'un m'ëk juuky'ajnëtë ijxtëm ja ni'kx kopk tsokyën, jëtu'un miits mjuuky'atë ijxtëm ja Tios ja Kyënu'kxymyëk'ajtën tsokyën, pën tëy ko miits ja Tios Kyënu'kxymyëk'ajtën xymyëët'ajtëtë. Pën ka'ap tmëëtëty ja Kristë ja Kyënu'kxymyëk'ajtën, ka'ap ja Kristë jyä'ä'atyë.

1 Corintios 2:12

Ëjts, ka'apës ja njot nja'awën jyëtu'unëty ijxtëm ja ja'ayëtyën mëti'ipë yajtuuntëpën ja naaxwiinyëtë winma'any, jëtu'un ja njot nja'awënës ijxtëmës ja Tios të xytyukmëtsokyën koos të xymyo'oy etsës nja'akyukëty ja Tios ja y'oyajtën mëti'ipë ëëtsajtëm të xymyo'oyëmën.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Tios ënäty kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

Judas 1:19

Je'eyë tyajnäwya'kxa'anëtë ja mëpëjkpëtëjk, yi'iyë tyunantëp ja ëxëëkajtën, ka'ap ja Kënu'kxymyëkajtën tmëët'atë.

1 Samuel 10:6

Ënät yë Wintsën yë myëk'ajtën y'oyajtën mtuktëkëja'anyë ets näjyëtu'un myaj'ixa'any mukëp yowë, tëkatsyjyä'äy mkawinpita'any.