Números 11:14 - Biblia Mixe de Quetzaltepec

¹⁴ Ëjts atu'uk ka'apës nmëta'akëty ets ya'atë naax kajpn ntu'uwinye'eyëtyës. Mëkës njawë ya'atë tuunk.

Números 11:14 ပူးပေါင်းရင်းမြစ်များ

Éxodo 18:18

Jä'ä ko mijts nëkoo je'eyë mnäyaj'ënu'kxëty ets ja'ayëty mëti'ipë jam tu'kxëëwpaaty mnatënaayëpën. Ya'atë tuunk mëti'ipë mtuunpyën mëk oynyë ets mijts atu'uk xytyuunk'aty, ko jëtu'un tyu'uye'eyëty ka'ap mëta'akëty.

2 Corintios 2:16

Pën ja Kristë ja y'aaw y'ayuk kyamëjpëjktakëtëp, jëtu'un tjawëtë ya'atë pa'akxu'kpë ijxtëm yë tok xyuukyën; e mëti'ipë ja Kristë ja y'aaw y'ayuk myëjpëjktaktëpën, jëtu'un tjawëtë ijxtëm ja pa'akxu'kpë nëëjën ma jyuuky'ajtënëtyën. ¿Pën mëta'akëp ets tunëty ya'atë Tios ja jyä'ä?

Zacarías 6:13

Y'akojëjäämpy ja Wintsën ja Tsyajp tëjk ets nëjkx ja kuma'ayën t'ëxajë jëtu'un tä tu'uk yë yajkutujkpë yajkumayën. Ets nëjkx nyaaxweetsy ma kyutujktaknën, e jam pë'am jam nëjkx nyaaxweetsy ja teety ets oy nëjkx nyeyaj'itëtë ets ka'ap tiitsip tmëët'ata'antë.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kutujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Tios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Salmos 89:19

Ojts tu'kxëëw tu'kjëmëjt xymyëkäjpxy yë mtuunpëtëjk, jëtu'un tä ja'ay tii twin'ixyën, ets ojts xy'ënëëmë yë mja'ay mëti'ipë ënäty oy mëtuunëpën: Tëës tu'uk jotmëkja'ay nwin'ixy maas yë nnaax nkajpnën, mëj'äämpyës të npëjktä'äky ets tëës nputëkë.