Números 11:11 - Biblia Mixe de Quetzaltepec

¹¹ Ënät yë Moisés t'ënëmaay yë Tios: Wintsën. ¿Wi'ix ko ëxëëk xytyimtunyës pën mijts nmëtuumpy? ¿Tiijës xytyuk'ëxëëk'ijxp, ko ya'atë naax kajpn të xytyuknipëkyës etsës ntu'uwinwowëty?

Números 11:11 ပူးပေါင်းရင်းမြစ်များ

Deuteronomio 1:12

Ëjts ka'apës xëmë nmëta'akëty atu'uk ets ja m'amay mjotmayëty mpaye'eyëtyës.

Éxodo 5:22

Ënät yë Moisés t'ënëmaay yë Tios ma ënäty jam wyanë tsyowën: ¿Wintsën wi'ix ko jëtu'un ya'atë naax kajpn ëxëëk xytyuny? ¿Wi'ix ko ëjts të xykyäjxpë?

2 Corintios 11:28

Jëtu'un ya'atë ets oytyiijëty, jëpom jëpomës ja njotmay të myëjë të myäyë mëëtpë ja mëpëjkpëtëjk.

Malaquías 3:14

Jëtu'un të m'ëna'antë: Nëkoopë Tios nmëtu'unmëty. ¿Tii mpatmëp n'ijxmëp ko ëëtsajtëm näpyëjktakëmëty mon tuk jëtu'un tä ja'ay nyäxyoxyën ko o'kën tëko'oyën y'ity jam Tios wintum mëti'ipë maaytyääyëpën winë?

Jeremias 15:18

¿Wi'ix ko ja npëjkënës n'ijxënës ka'ap myony, wi'ix ko yë ntsëtyutës ka'ap tsyooymyäy ets oy jyatsooypyety, nijënu'un kyatso'oky? Jëtu'un të m'awinpijnë tä nëëjën mëti'ipë täämjëtijtpën, ka'ap oy ntukjotkujk'ajtmëty.

Jeremias 15:10

Nanë, je'eyës nnimony nnituky koos mijts xyajmiiny naaxwiiny naaxkëjxy, jä'ä ko jëtu'unës nnäjyawëty je'eyës yowë të nmëxu'unk'aty etsës mëët nnäy'oj nnäya'axëtëty ja mayjyä'äy. Ni pënës yë meeny të nkatuk'ënu'kxy ets ti pënës të xykyatuk'ënu'kxy, e ëjts xy'aakmëtsip'ajtpës yë ja'ay.

Salmos 143:2

Këtii yë mtuunpë xyajtëwëty tii tyuunpy oy ka'oy, jä'ä ko mijts mwintuuy ni pën kyawa'atsëty.

Salmos 130:3

Wintsën, Wintsën, ko jeexyë mijts xy'ëkmëjpëjktä'äky yë nëë poky, ni pën jeexyë kyajuuky'äty

Job 10:2

Mijts Tios, pokyjyä'äyës të xypyëjktä'äky. Tuk'ënëmaaykyës tiijës xytyukpoky'ijxp.

Números 11:15

Pën jëtu'un xyajtuna'anyës, ni'ikë tim yaj'o'kës pën xy'oyjya'apës. Jëtu'un ka'ap ëyo'on jotmay nyajnaxëtyës.

Éxodo 17:4

Tä ja Moisés tmëpëjktsooy ja Tios ets t'ënëmaay: ¿Tiijës ënät ëjts tyam ntuunta'akëp mëët yë mayjyä'äy? Ko wäänë jyaak itëty, tsojkës je'eyë xy'ëkjaakuka'tsnëtëty.

Números 11:10

Ënät ja Moisés ojts tmëtoowpaaty ko ja Israel ja'ayëty jyë'ëtë ya'axtë jam ma tyëjk'aawëtyën mëti'ipë witnikojyën. Ja Tios wiink ojts tjawë, Moisés ojts näjyëtu'un jyoot'anpëky.