Números 11:10 - Biblia Mixe de Quetzaltepec

¹⁰ Ënät ja Moisés ojts tmëtoowpaaty ko ja Israel ja'ayëty jyë'ëtë ya'axtë jam ma tyëjk'aawëtyën mëti'ipë witnikojyën. Ja Tios wiink ojts tjawë, Moisés ojts näjyëtu'un jyoot'anpëky.

Números 11:10 ပူးပေါင်းရင်းမြစ်များ

Salmos 78:21

Ko yë Wintsën jëtu'un tmëtooy tä ojts jyoot'anpëky, toopyëm no'kpëm yajxon jyoot'anpëjky, yë'ë tyukjoot'anpëjk yë Jacob yë nyaax kyajpn.

Marcos 10:14

Ko ja Jesús jëtu'un t'ijxy, ënät jyoot'anpëjky ets y'ënäny: Ixmatstë yë pi'k ëna'k, wä'än xynyimintës, ka'ap xy'ëtuktëty, jä'ä ko yë'ë jëtu'unpë ja'ay nyäpyëjktä'äkyën tä pi'k ëna'kën yë'ë Tios tsyokpy ma kyutujktaknën.

Marcos 3:5

Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënäty ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Jeremias 17:4

Kwanë ko xy'ëxmatsëty ja itjot naaxjot mëti'ipë njatukkumaayën ets mmëtun m'ëyowëty ma ja mmëtsipën wiink naax wiink kajpn ma ka'ap xy'ixy'ätyën, jä'ä ko mëkës të xyajjoot'anpëky, jëtu'unës ja ntsip n'äkë xyajtooypyiky jëënën mëti'ipë nyo'ktëkoopyën winë.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.

Salmos 139:21

Wintsën, ¿wi'ixës ko ka'ap n'ëxëëk'ixëty ja mëti'ipë m'ëxëëk'ijxëpën, etsës jëkäm jëxkë'ëm nkapëjkta'akëty mëti'ipë nëkoo myajjoot'anpëjkëpën ëkë mnipëtë'këpën?

Salmos 106:25

jap ma ënäty y'itën tsyëënëtën ëxëëkjaty ja Tios jap tnikäjpxy tnimëtyaktë ets ka'ap tmëmëtoowtë mëti'ipë jayajtuk'ënä'ämtën.

Salmos 78:59

Tios ojts jyoot'anpëky ko jëtu'un t'ijxy, ets ojts jëtu'unyë tnajts'ixë ja Israel,

Deuteronomio 32:22

E ëjts yajxonës yë njoot'an të tsyooypyëjknë jëtu'un tä jëënën. Jëtu'unës yë njot nwinma'any tyam nja'awënë, tä yë patoyëjëën jyëtityën tunkëjxm kopkkëjxm ets tyajtooytyä'äy tëkokyë yë aay ujts, aay kepy; jëtu'un tä jap kopk'ëjxyën ets ma kopk kupi'tykyën wa'ats tyajwintooytyuta'ay.

Números 21:5

Ënät tyëjkëtyë kajpxpë, jä'ä ja Tios nyi'ojëtyëp ets ja Moisés, jëtu'un y'ëna'antë: ¿Tiijën koos të xy'ëkyajpëtsëëmtëpë jap Egiptë? ¿Jä'äkyëjxm të xyjyuutës ets yaa të'ëts'ituuy n'ooktëtyësë? Ni kääky ni uuky yaa kya'ity, ya'atë jë'kxy tëëjës xynyatsyijpnëtë.

Números 16:27

Ënät ja ja'ayëty ojts tnawa'ktuta'atë ja Coré, Datán ets Abiram ja wyittëjkëty. E ja Datán ets ja Abiram jämyë wya'ak'o'oyëtyë tyëjk'ëkë'ëmëty mëët ja tyo'oxytyëjkëty ets ja y'u'unk y'ëna'këty.

Números 12:3

Yaa naaxwiiny ni pën ënäty jëtu'un kyatëtä'äkyëty tä Moisésën.

Números 11:1

Ënät ja Israel ja'ayëty ojts jatëkok wiinkjaty tyëkëtë kajpxpë ma ja Tiosën. Mëët ko mëk tjawëtë ja ëyo'on, mëti'ipë myënajx yajnajxtëpën. Ko Tios jëtu'un tmëtooy, ojts jyoot'anpëky. Ënät tkejxy ja mëj jëën jam pë'am ma mayjyä'äy tsyëënëtën.

Números 11:9

Koots ma ja maanik kyä'äyën, jää ijty näjyëtu'un ja maná kyä'äy.

Números 11:11

Ënät yë Moisés t'ënëmaay yë Tios: Wintsën. ¿Wi'ix ko ëxëëk xytyimtunyës pën mijts nmëtuumpy? ¿Tiijës xytyuk'ëxëëk'ijxp, ko ya'atë naax kajpn të xytyuknipëkyës etsës ntu'uwinwowëty?

Números 12:9

Tios ojts jyoot'anpëky mëët yë'ëjëty ets ojts jam tsyo'onkojnë.