Números 11:1 - Biblia Mixe de Quetzaltepec

¹ Ënät ja Israel ja'ayëty ojts jatëkok wiinkjaty tyëkëtë kajpxpë ma ja Tiosën. Mëët ko mëk tjawëtë ja ëyo'on, mëti'ipë myënajx yajnajxtëpën. Ko Tios jëtu'un tmëtooy, ojts jyoot'anpëky. Ënät tkejxy ja mëj jëën jam pë'am ma mayjyä'äy tsyëënëtën.

Números 11:1 ပူးပေါင်းရင်းမြစ်များ

Génesis 38:10

Yë Wintsën ka'ap jëtu'un oy t'ijxy ko jëtu'un yë Onán y'ëti'itsy, paaty ojts ja jyuukyajtën tpëjkë.

2 Samuel 11:27

Ko jëtu'un ja monyëtukyë nyiwatsë, ënät ja David ojts twoownë jam ma ja tyëjkën ma ja kutujkëntëjkën ets mëët pyijky, ja to'oxytyëjk ojts tu'uk ja u'unk maay tyajminy tyaja'ty naaxwiiny. E ja Wintsën ka'ap oy t'ijxy ijxtëm ënäty ja David të y'ëti'itsyën.

2 Reyes 1:12

Tä ja Elías y'ëtsoowinpijty: Pën ëjts käjpxynyajxpë, wä'än tu'uk yë jëën jam tsoony tsajpwinm ets mijts mnino'okëtëty mëët niwëxtyikxymyajk ja mtuunpë. Ets ënätyë ja jëën jyänty kyëtäky ets tyajnitooytyääy.

Job 1:16

Tam ënäty kyamëtyakta'aynyëm ya'atë ja'ay ko wiinkpë myiiny ets y'ënäny: Tëë ënääw tyukëtä'äkyë yë kupixyny ets mëti'ipë kupixyny këwent'ajtëpën tëë y'o'kta'atë. Ëjtsyë të njake'eky etsës nikajpxa'any ma mijtsën mëti'ipë të tyuny të jyätyën.

Salmos 106:18

Jëën ojts nyo'kta'ajëtë, e yë jëënyä'änk ojts tëkokyë yë ëxëëkja'aytyëjk tyajtëkooytyä'äy.

Salmos 78:21

Ko yë Wintsën jëtu'un tmëtooy tä ojts jyoot'anpëky, toopyëm no'kpëm yajxon jyoot'anpëjky, yë'ë tyukjoot'anpëjk yë Jacob yë nyaax kyajpn.

Salmos 78:63

Ja ëna'ktëjkëty jëënjoty ojts y'o'kta'atë; ja pëjkpëty ukpëty ka'ap ojts y'ëkyajwin'ëëwnëtë.

Éxodo 16:7

E ko jyopy'atëty, jää xy'ixtëty yë Tios yë myëj'ajt y'oyajtën, yë'ë wa'ats të tmëtoy ko miitsëty wiinkjaty të xynyimëtya'aktë. ¿Jä'ä ko ëëtsëty tii mëj'ajtën n'ëkmëët'ajtëpës etsës xynyi'oj xynyiyaaxëtëty?

Éxodo 16:9

Ënät yë Moisés t'ënëmaay yë Aarón: Ënëëmë tëkokyë yë Israel ja'ayëty, wä'än tmëwinkontë yë Tios, jä'ä ko yë'ë tëë tmëtoy ko tëkatsyëty yë aaw ayuk të nyipëtsëmyë.

Isaías 10:17

Ja Tios kënu'kxypyë, mëti'ipë të'kxpën jajpën jam Israel, jëtu'un y'awinpita'any jëënyä'änkën, ets tu'kxëëyë tyatooytyëkoyä'äny ja aayjyot pejyjot ets ja äpnyjyot.

Isaías 30:33

Tëëyëp yë Asiria ja'ayëty ets kyutujkpëtëjkëty ojts yajtuknipëjktaakëtë yë ëyoowtakn mëjpë ets këkpë, tu'uk ja o'ktakn ma nyitoytyëtyën mëët ja ja'axy kepy. Yë Wintsën wyimpiixëjäämpy yë jëënmëët ja azufre.

Isaías 33:14

Jam Sión, janty tsëtyuuytyëp ja pokyjyä'äytyëjkëty ets ja ëxëëkja'aytyëjk janty tsë'këtyëp ets y'ëna'antë: ¿Pën jëtää y'ëkmëmëta'akëp ya'atë mëj jëën mëti'ipë no'ktëkoopyën mëti'ipë jam toopyën jäämpën ma o'ktaknën?

Lamentaciones 3:39

Yë naaxwiinyëtë ja'ay pokyjoty je'eyë jyuuky'äty, ¿tii ko nëkoo? y'ënä'äny y'ëti'itsy.

Levitico 10:2

Ënät ojts tsyoony ma Tiosën tu'uk yë mëj jëën ets jä'ä yaj'o'këtë. Jëtu'un ojts y'ooktë nimäjtskëty jam ma Tiosën.

Nahúm 1:5

Ma yë'ëjën tsëtyuuypyëjktääpy yë tun kopk; jëtu'unyë jyiiytyakta'ay yë tun kopk yë'ë wyintuuy. Tu'kë'ëyë it naaxwiinyëtë tim yu'kxtääpy ko y'ixyë ets tu'kë'ëyë jënu'un winë y'ity yajpaatyën ets jyuuky'ätyën ma yë'ëjën.

Habacuc 3:5

Yë'ë winye'eyëp mëkëtypë ëyo'on jotmay ets yë'ë ix'am panëjkxëp mëk jëënpa'am.

Números 10:33

Ënät jam tsyo'ontë ma ja Wintsën ja kyopkën ets ojts tyu'uye'eytyë tëkëëk xëëw. Ja kaaxë mëti'ipë myë'ijtypyën ja käjpxytyu'unën mëët ja Wintsën, jëjp'am ënäty nyijkxy. T'ixta'ay yë'ë jëyëjp ja it naaxwiinyëtë ma jëtu'un pyo'kxtëtyën ja ja'ayëty.

Números 11:18

Ets xy'ënëëmëty yë Israel ja'ayëty wä'än nänyi''ixëtë ets jopy jëjp'ixy yajpaatëty, wä'än yë jyot wyinma'any tyaj'oyëtë. Jä'ä ko jopy itaanp yë tsu'utsy may ets tsyu'utstëty. Tëës nmëtoy ko y'ëjtë tyu'uktë ets y'ëna'antë: jääpëk yë tsu'utsy jeexyë n'ëkpatëmë. Jap Egiptë nikë jotkujk ijty jap nyajpatëmë. E kajts wyi'ixëty, oy, tyam tsyu'utstëty jyë'kxtëty.

Números 12:2

Ënät näjyëtu'un y'ënantë: Yë Tios ka'ap yi'iyëty mëët yë Moisés tyimmëtyä'äky, mëtyakp näjyëtu'un mëët ëëts'ajtëmë. Ya'atë jëtu'unpë aaw ayuk myëtoow yë Tios.

Números 14:2

Ets tyëjkëtyë ëëpë kajpxpë. Jä'ä ja Moisés ets ja Aarón wiinkjaty nyimëtyaktëp, tyaa y'ëna'antë: Ni'ik tëë jeexyë y'oyë, ko jeexyë jap Egiptë ëkë yaa të'ëts'ituuy ntimy'o'këmë.

Números 14:22

Yë ja'ayëty mëti'ipë tëë tja'ixtën yë nmëj'ajt n'oyajtënës ets mëti'ipës të nyaj'ixyën jap Egiptë ets yaa të'ëts'ituuy. Ets je'eyë janaam jatsojk xywyinma'any'ixtës ets ka'ap tuntë mëti'ipës njani'ënä'ämëpën.

Números 14:27

¿Mapaatës ënät nmä'kxtukëty mëët ijxtëm ya'atë Israel ja'ayëty tyim'ëw tyimkajpxtën? Xëmës nmëtoownë je'eyë wiinkjaty xynyikajpx xynyimëtyaknëtës.

Números 14:28

Nëjkx ënëëmëtë ko ëjts yam ënaanp: Ëjts, mëti'ipë Wintsën'ajtpën, njuukyajtënës yam kë'ëm ntukajpxpejtyp ets jëtu'un mjatëty mkëpätëty tääjës të nmëtoyën mkajpxtën mmëtya'aktën.

Números 16:11

Yë Aarón nitii mëj'ajtën tkamëëtëty ets miitsëty wiinkjaty xynyi'ëw xynyikajpxtëty; yë Wintsën yë'ë jëtu'un të xykyäjpxy kumëtoownaxtë mijts ets mëët yë mëku'uktëjk.

Números 16:35

Ojts yë Tios näjyëtu'un tkukäjxnaxy yë jëën mëti'ipë yaj'o'ktaayën nimäjtsk mëko'px ja wëxtyikxy majkpë ja ja'ay, mëti'ipë ënäty të tno'oktën ja poom.

Números 17:5

Ëjts nyajyoonpëkäämpyës yë tyajk, mëti'ipës të nwin'ixyën, këtiipë yë Israel ja'ayëty nëkoo je'eyë y'ëk'ëëw y'ëkajpxnëtëty ëjts nwintuuyës.

Números 21:5

Ënät tyëjkëtyë kajpxpë, jä'ä ja Tios nyi'ojëtyëp ets ja Moisés, jëtu'un y'ëna'antë: ¿Tiijën koos të xy'ëkyajpëtsëëmtëpë jap Egiptë? ¿Jä'äkyëjxm të xyjyuutës ets yaa të'ëts'ituuy n'ooktëtyësë? Ni kääky ni uuky yaa kya'ity, ya'atë jë'kxy tëëjës xynyatsyijpnëtë.

1 Corintios 10:10

Ka'ap ja Tios yë'ë ntukjoot'anpëjkmëty, ijxtëm jënaakën y'ëtëtstën, tyukjoot'anpëjktë ja Tios ets ojts yaj'ookëtë ja tsajpjotmëtë kukäjpxy yajja'ay'o'kpë.

Deuteronomio 25:18

Yë'ëjëty ninu'un ojts yë Tios tkatimtsyë'ëkëtë, ko mnipëtë'këtë ets ëxëëk mtuunëtë, yë'ëjëty ojts tja'ixtë, ko tëë ënäty m'ënu'kxëtyääynyëtë, ni'ikyë ojts ëxëëk o'ktëy tuntë, mëti'ipë ënäty ix'am të wyë'ëmtën.

Deuteronomio 32:22

E ëjts yajxonës yë njoot'an të tsyooypyëjknë jëtu'un tä jëënën. Jëtu'unës yë njot nwinma'any tyam nja'awënë, tä yë patoyëjëën jyëtityën tunkëjxm kopkkëjxm ets tyajtooytyä'äy tëkokyë yë aay ujts, aay kepy; jëtu'un tä jap kopk'ëjxyën ets ma kopk kupi'tykyën wa'ats tyajwintooytyuta'ay.

Deuteronomio 9:22

Näyjyëtu'un jam Taberá, Masá ets Quibrot-hataavá ojts yë Wintsën jam xyajjoot'anpëktë.

Hebreos 12:29

Jä'ä ko jëtu'un ja nTios'ajtëmë ijxtëm ja jëënën mëti'ipë yajtooytyëkoopyën winë.

Santiago 5:4

Ja mtuunpëtëjk mëti'ipë ka'ap të xymyëjuytyën, mëti'ipë të tyajpëtë'ëktën ja mpëjktä'äkyëty, yë'ë jëëytyak nu'kxtaktëp ets miitsëty ëxëëk mjatëty mkëpätëty; e tëë ja Wintsën mëti'ipë maaytyääyëpën winë tmëtoy ko jyiiytya'ak nyu'kxta'aktë.

Judas 1:16

Yë jëtu'unpë ja'ayëty, nitii tkatukjotkëta'aktë, je'eyë nëkoo nyä'ämtë, aak nänyi'ojë tii tpëjkta'aktë, yi'iyë tyukjotkëtaktëp mëti'ipë kë'ëm tsyojktëpën; amëj akëjxm tii tkajpxtë, je'eyë ja Tios nëkoo tukajpxpätë ets yajputëkëtëty.