Números 10:9 - Biblia Mixe de Quetzaltepec

⁹ Ko yë mëtsiptëjkëty mtukmin mtukja'tëtëty ma ënäty m'itën mtsëënëtën ets miitsëty mnäkyuwa'anëtëty, mëk nëjkx mya'axtë mjoktë ets xyajxuxkä'äktëty näjyëtu'un ja pujxnxuxn. Jëtu'un'äämpy nja'amyätstëty, ëjts mWintsën Tiosëty ets nyajtso'oktëty ma ja mëtsiptëjkëtyën.

Números 10:9 ပူးပေါင်းရင်းမြစ်များ

Génesis 8:1

Ënät yë Tios ojts tja'amyetsy ja Noé ets ja jëyujkëty jënu'un ënäty jap yajpaatën mëët ja Noé ma kepy nëëwinye'epyën. Tääts tyajpëtsëëmy yë jëënpoj naaxwiiny ets ojts ëka'any ja nëë jyënajktsoony.

2 Crónicas 13:12

Yë'ë tëy ja'amyätstë yajxon, ko ëëtsëty yë'ëjës xytyu'uwinye'eytyëp yë Wintsën ets teetytyëjkëty, yë'ëjëty jëjp'ixy tyim'itë ets tyajxu'uxa'antë ja pujxnxuxn mëti'ipë nyikäjpxypën ja tsip ets miitsëty myajnipëtë'ëktëty. E paaty yam myaj'ënëëmëtë Israel ja'ayëty, ko këtii nëkoo mtsiptuntëty mëët yë Wintsën, mëti'ipë Tiosajtën ja m'aptëjkëty, jä'ä ko ka'ap mëta'aktëty.

2 Crónicas 13:14

Ko ja Judá jyä'äy y'ijxwinpijtë, ënät t'ijxtë ko tamtëm ënäty jëxkë'ëmtsow nyayajnipëtë'knëtë. Ënät ojts tmëkajpxtë ja Wintsën ets ja teetytyëjkëty tyajxuxtë ja pyujxn xuxnëty.

Salmos 106:4

Wintsën, xyjyä'ämyätsëpës ko ënäty jatëkok ja mnaax mkajpn xyaj'oyë; jap xyjyot'atëtyës ko ënäty ja mnaax mkajpn xyaj'ëwaatsëpëtsëmy,

Salmos 106:42

ëxëëk ja myëtsip tyuunëtë, jëtu'unyë ojts y'atään tyuktäänëtë, mëët ja mëk'ajtën kutujkën.

Salmos 136:23

Mëti'ipë ënätyë xyjyä'ämyäjtsëmën ko ënäty ënu'kxë nyajpatëmë, jä'ä ko yë tsyojkën jya'awën winë xëëw winë jëmëjt yë y'ijtëy.

Isaías 18:3

Tëkokyë miitsëty naax kajpnëty nëjkxëp xy'ixtë xymyëtowtë ja xuxn ets ja ijxpäjtën ko ja tsip ënäty tyuna'anyë.

Isaías 58:1

Jëtu'unës yë Wintsën të xy'ënëëmë: Ya'ax jok mëk, këtii mtsë'ëkëty. Jëtu'un ya'ax jok tä ja'ay tukxu'uxyën pujxnxuxn; tuk'ënëëmë nnaax nkajpnës wi'ix tyëkoyën, tuk'ënëëmë Jacob yë pyoky ets yë nyaax kyajpn.

Jeremias 4:19

Janty yäjts janty pojpës mëët yë pëjkën ijxën. Ëxëëkëmës njawë yë njot. Ka'apës nijënu'un nnäjyawëty npo'kxy, ninu'unës amonyë nka'ity. Tëës nmëtoy ko ja'ay pujxnxuxn tukxu'uxy, tsip y'awantëp, jëtu'un ya'axtë jyoktë tä ja'ay tsyiptuna'anyën.

Jeremias 4:21

¿Jënaak xëëw jënaak jëmëjt jëtu'un y'ita'any tääpë wit wintëy ets jënu'un pyoxa'any ma yajmëtowa'anyën ja pujxnxuxn mëti'ipë nyikäjpxypën ja tsip?

Jeremias 4:5

Nikajpx nimëtya'aktë jam Jerusalén ets jam Judá, tukxu'uxtë yë pujxnxuxn ma tu'kë'ëyë naax kajpnën, jëtu'un mëk mya'axtëty mjoktëty: Ja'amtë. Tsojk ntu'ukmujkëmë. Ja'amta'ayëm ma ja naax kajpnën mëti'ipë ta'tspëky yajpatpën ets këwent'aty, ijtpën.

Jeremias 49:2

Oy ko jyëtu'unëty, ëjts, mëti'ipë Wintsën'ajtpën, jëtu'unës n'ëna'any: Jam ma Rabá kajpnën, ma Amón ja'ay tsyëënëtën, nëjkxëp tmëtowtë ko ënäty ja myëtsip t'akajpxtë ja tsip; xit ko'ow jyata'antë ets nyaax kyajpnëty nëjkxëp tyooytyä'äy. Ënät nëjkx jatëkok yë Israel ja'ayëty tpaatë ja nyaax kyajpnëty. Ëjts Wintsën, ëjts ënaanp.

Jeremias 6:1

Miitsëty Benjamín ja'ayëty, ixta'atë yë tsoktakn, käkpëtsëmtë jam Jerusalén. Tukxu'uxtë ja mxuxnëty jam Tecoa, tëëyë'ëktë tu'uk wit jam Bet-haquérem, jä'ä ko tam anëkëjxmtsow myiny wyinkony ja ëyo'on jotmay.

Jeremias 6:17

Yë Wintsën ojts yë këwent'ajtpë tpëjktä'äky ets t'ënëmaay yë naax kajpn: Mëtowtëp ko ja pujxnxuxn yajtukxu'uxëty mëti'ipë nyikäjpxypën ko kutsë'ëkëpë myiny kyëtä'äky. E ja naax kajpn je'eyë y'ëtsooy: Tii tääpë, ka'ap yam yë'ë yajmëtowa'any.

Ezequiel 7:14

Yë'ë ënaanp ja xuxn, tsip nyi'ënä'ämëp; aak jëjp'ixy y'itë, je'eyëp ko ka'ap pën tsyoony tsiptuunpë, ntëytyunäämpyës yë Israel ja'ay mëët ko amëj akëjxm nyäyjyawëtë.

Oseas 5:8

Yajxu'uxtë ja waj mëti'ipë tsip y'awäämpyën jam Guebeá ets ntëyxyuxnëty mëti'ipë tsip y'awäämpyën jam Ramá. Yaktë ja mëto'owën jam Bet-avén. Yajjotmaytyëkëtë ja Benjamín ja'ayëty.

Levitico 23:24

Jëtu'un xy'ënëëmëty yë Israel ja'ayëty: Ma tyu'uk'anyën ja mëwëxtujkpo'opë, jä'ä tu'uk ja po'kxënxëëw xymyëjjawëtëty ets xyëëwtunëty ja pujxnxuxn ko yajtukxu'uxy.

Amós 3:6

ko yajtukxu'uxy yë tsajpkaawaj, ënätyë ja'ay tsyë'ëkëtë; ko tii ëyo'on kyëtä'äky ma naax kajpnën Wintsënën të tnipëjktaakë.

Sofonías 1:16

pujxnxuxn jää nä'ämaanp, yë'ë ënäty jää mëk yajni'ënä'ämëp jëën tsip ets yajnitëkëty ja naax kajpn mëti'ipë këwent'atyën ets ta'tspëky yajpatpën ets mëti'ipë myëët'ajtypyën yë kyëjxmpotsy.

Números 31:6

Yë Moisés yë'ë ojts tukpakexy yë Finees ja tsyiptuunpëtëjkëty, yë myaank yë teety Eleazar mëti'ipë myënëjkxën winë mëti'ipë ja Tios jyä'ä'ajtypyën ets ja pujxnxuxn mëti'ipë yajtukxuxpën ets ja Israel ja'ayëty tsyiptuntëty.

1 Corintios 14:8

Ko ja xuxn ka'ap oy yajtukxu'uxy ko ënäty ja ja'ay tsyiptuna'any, ¿pën jää ëk näjyëjp'ixëtëp?

Deuteronomio 20:1

Ko mnëjkxtëty tsiptuunpë ets xy'ixtëty yë mmëtsip ko nimay ni'ik tmëët'atë yë kyepy wintëkäämpë ets kyëwaayëty, këtii xytsyë'ëkëtëty. Jä'ä ko yë Wintsën yë'ë yajpatp mëët miitsëty, mëti'ipë ojts mjuutëtën jap Egiptë.

Josue 6:5

Wi'ix xymyëtowtën ja xuxn xyu'uxy, jëtu'un mëk jyänty yujkya'axtëty ets nëjkx ja potsy kyëtäy ets nitu'ukjaty ënätyë xynyitëkëtëty ja kajpn.

Jueces 10:12

Sidónja'ayëty, Amalec ja'ayëty ets Madián ja'ayëty; e koos ijty miits xymyëkajpxtë ënätyë nyajtso'oktë.

Jueces 10:8

Yë Amón ja'ayëty ets filistejë ja'ayëty ëxëëk tuuntë yë Israel ja'ayëty mëti'ipë jam tsënaaytyëpën Galaad, jamtsow awinmtsow ma Jordán nëë jyënäkyën, ma nyaaxjotëtyën yë Amor ja'ayëty.

Jueces 2:18

Xëmë ko ënäty ja Wintsën twin'ixy tu'uk ja ja'ay mëti'ipë tsip'ixyën ets twinye'eyëty ja naax kajpn, pyutëjkëp ijty ets ja Israel ja'ayëty yajnitsiptuntë këtiipë o'ktëy ja myëtsip tyunëtëty. Jä'ä ko ja Wintsën myëtoopy ënäty ko ja Israel ja'ayëty jyë'ëtë ya'axtë ko ja myëtsiptëjkëty o'ktëy yajjat yajkëtpäjtëtë.

Jueces 3:27

Ko jam jyä'äjty ma ja Israel ja'ayëty ja y'itjotëtyën, ënät ojts tyaxmujkta'ay nitëkokyë ja Efraín ja jyä'äyëty mëti'ipë ënäty jam yajpatëpën kopkjotm ets tyo'ontë, yë'ë ja Ehud jëwyiin'ajtp.

Jueces 6:34

Tä ja Tios ja myëk'ajtën y'oyajtën tyuktëjkëyë yë Gedeón ets tukxuxmujky yë ja'ay tu'uk yë tsajpkaawaj ets myintëty ja Ebiézer ja jyä'äy.

Jueces 6:9

Ka'ap jyäpyëty nyajtsoktë Egiptë, näjyëtu'un ojts nyajtso'oktë ma ja naax kajpnën mëti'ipë ënäty o'ktëy mtunanëtëpën ets n'ëxwojptaayës ja ja'ayëty ja jampë yajpaatën ets ja nyaax kyajpn ojts miits nmo'otë mëti'ipë yë nyikäktën.

1 Samuel 10:18

Jamts t'ënëmaay: Yë Wintsën, mëti'ipë Tios'ajtpën ma Israel ja'ayëtyën jëtu'un y'ënä'äny: Ëjts jëtu'un miits të njuutë ja Egiptë, miitsëty Israel ja'ayëty, ojts nyaj'ëwaatsë pëtsëmtë ma ënäty yë Egiptë ja'ayëty o'ktëy mtunëtën ets jam wiink naax wiink kajpn ma ënäty ëxëëk mjatën mkëpätën.