Números 10:35 - Biblia Mixe de Quetzaltepec

³⁵ Ko yajkëëytsyoony ja kaaxë ënät ja Moisés ijty y'ënä'äny: Pëtë'ëk, Wintsën. Wä'än tkäkta'atë yë ja'ayëty mëti'ipë mëtsip'ajtëpën. Je'eyë mna'ixëtëty tääts tsyo'onta'atëty.

Números 10:35 ပူးပေါင်းရင်းမြစ်များ

Isaías 51:9

Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënäty jëtu'unën tä tu'uk mëj jëyujkën nëëjotypë.

Salmos 132:8

Pëtë'ëk, Wintsën, mëët ja mkaaxë mëti'ipë myë'ijtypyën ja käjpxytyu'unën, ets mminëty ma kopkën ma mpo'kxtakn yajpaatyën.

Deuteronomio 32:41

Koos ënäty tëë ntuknipëjktaakë, etsës ja ëyo'on nyaj'ita'any, ets jëtu'un ja nëë poky nipaye'eyëtyës, ëxëëkës nëjkx ntuny ja nmëtsiptëjkës, ets ntukumëtowa'antës, mëët wi'ixës të xytyimtuntën. Ja mëti'ipës ënäty xy'ëxëëk'ijxypyën, ëxëëkës nëjkx nyajjaty nyajkëpety.

Deuteronomio 7:10

E mëti'ipë ëxëëk'ijxëpën, poj'am tyajkutëkoy. Yë'ë ka'ap tyajpo'oxy ets tukukëpety ja ja'ay mëti'ipë ëxëëk'ijxëpën.

1 Samuel 4:3

Ko yë Israel ja'ayëty jam wyimpijtë ma jyajta'aktën, ënät ja mëjja'aytyëjk y'ënantë: ¿Tii ko yë Wintsën të t'ëwa'atsy ets tyam o'ktëy njajtmëty ma filistejë ja'ayëtyën? Ja'amtë nyajtso'onëmë yë kaaxë jam Siló mëti'ipë ja käjpxytyu'unën myë'ijtypyën mëti'ipë ja Wintsën jyä'ä'ajtypyën. Yë'ë itkujky nyajnëjkxmëp ets xykyuwa'anmëty ma ja nmëtsip'ajtëmën.

Salmos 9:19

Pëtë'ëk, Wintsën. Këtii xy'ëwa'atsy ets naaxwiinyëtë ja'ay xëmë nyäyajmëjnaxëtëty; paye'ey mijts mwintuuy ja pyoky mëti'ipë ka'ap m'ëwtatyën.

Salmos 94:16

¿Pënës xy'ëkniwaantu'utëp ma ëxëëkja'ayëtyën, ma ja tuuntëkoopyë kajpxtëkoopyëtyën?

Salmos 3:8

Mijts Wintsën mijts myajtsokp; kënu'kx yë mnaax mkajpn.