Números 10:30 - Biblia Mixe de Quetzaltepec

³⁰ E ja Hobab tyaa y'ëtsooy: Ka'ap yowë. Jamës jatëkok nwinpita'any maas yë nnaax nkajpnën ma tsyëënëtën ja njëëky nmëku'ukës.

Números 10:30 ပူးပေါင်းရင်းမြစ်များ

Génesis 12:1

Tëkok ja Tios t'ënëmaay ja Abram: ëxmats yë mnaax mkam, mjëën mtëjk, mjëëky mëku'uk ets mteety mtaak, nëjkx jam ma ja it naaxwiinyëtën mëti'ipë yam ntukni''ixëjäämpyën.

Génesis 31:30

Pën mijts mjanty wyinpitanëp ënäty ma ja mteety ja jyëën tyëjkën ets paaty të mtsoony. ¿Wi'ix ko të xy'ëkmä'tspë ntsaamëxanës?

Salmos 45:10

Mëtoow'it, mijts u'unk mijts nëëx; yajxon ja'akyukë mëti'ipë yam ntuk'ënëëmëjäämpyën: Ja'atyëkoy yë mteety mtaak ets tëkokyë yë mjëëky mmëku'uk,

Éxodo 18:27

Jëtu'un nyäjxy ja xëëw po'o ets ja Moisés ojts mëët ja myë't nyäjyëkajpxënë. Ja myë't ojts jatëkok wyimpijnë ma ja nyaax kyajpnën.

Mateo 21:28

Tääts ja Jesús yajtëëwëtë: ¿Wi'ix miits ya'atë xyjyä'äkyukëtë? Tu'uk ja ja'ay, nimäjtsk ja myaank. Tu'uk ojts t'ënëëmë: U'unk, nëjkx jam mtuny kamjotm, ma tsatym kyamën.

Mateo 21:29

Tääts ja y'u'unk y'ëtsoowë: Ka'apës nnëjkxa'any, ok ojts wyinmaaytyëkatsy ets ojts nyijkxy tuunpë.

Lucas 14:26

Pën jää ja'ay mëti'ipë ja ënaanpën koos xypyamina'any ets yë'ë ni'ik tsyojkyp ja tyaak tyeety, y'u'unk tyo'oxytyëjk, myëkä'äx, myëku'uktëjk, ëkë kyë'ëm juukyajtën ets këtiinëm ëjts; jëtu'unpë ja'ay ka'ap tjëkyepy n'ijxpëjkpë'atëtyës.

2 Corintios 5:16

Paaty ëëtsëty ka'apës ja njëëky nmëku'uk jëtu'un n'ëk'ijxnëtë ijxtëm ja naaxwiinyëtë ja'ayëtyën, oy ijty tëëyëp ja Kristë n'ixtës ijxtëm yë naaxwiinyëtë ja'ayëtyën, tyam ka'apës jëtu'un ja winma'any n'ëkmëët'ajnëtë.

Hebreos 11:13

Tëkokyë ya'atë ja'ayëty ojts y'o'kta'atë ets kä'äpyëm t'ëxajëtyë mëti'ipë ja Tios ënäty të tyukwinwanëtën; je'eyëp ko mëët ko myëpëjktë ojts jëkämpaat myäytyë tyajtë ets jotkujk nyäjya'awëtë jä'ä ko jëtu'un yaa najxëmë naaxwiiny jaaypyaat jaaypyo'kxyën.

Hebreos 11:8

Mëët ko myëpëjky ja Abraham paaty ojts ja Tios tmëmëtoy ko y'ënëmaayë ets pyëtsëmëty ma ja nyaax kyajpnën, ënät tsyo'ony ets ojts nyijkx ma ja Tios ënäty ja naax tyukumayä'änyën. Ko tsyo'ony ma ja nyaax kyajpnën, ni tkanijawë maa ënäty nyijkx.

Jueces 1:16

Yë Hobab yë y'u'unk y'ok, ja Quenat ja'ay, yë'ë myë't yë Moisés; ojts jam tsyoontë ma ja kajpn txëëwatyën Palmeras mëët ja jyä'äy ja Judá ets ojts nyëjkxtë jam të'ëts'itjotm ma ja Judá ja jyä'äy tnitänën ëpa'tkë'ëmtsow ma Arad yajpaatyën, jamts ojts tsyënaaytyaknpëktë mëët ja ja'ayëty jampë yajpaatën näjyëtu'un.