Números 10:29 - Biblia Mixe de Quetzaltepec

²⁹ Ënät ojts yë Moisés tëkok yë jyiy t'ënëëmë mëti'ipë xyëëwajtypyën Hobab, yë myaank yë Reuel mëti'ipë Madián ja'ayën: Ëëtsëty jamës nëjkxtë ma it naaxwiinyëtën mëti'ipës ja Tios të xytyukwinwanëtën. Min mëët ëëtsëty ets jëëky mëku'uk myajjawëty, jëtu'un tä Tios ëëts oy xymyëët'atën, maas n'Israel ja'ay'atën.

Números 10:29 ပူးပေါင်းရင်းမြစ်များ

Génesis 12:7

Ënät ojts jam yë Tios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënät ojts yë Abram pojën t'oytyuny tu'uk ja wintsë'këntyakn, jä'ä ko ënäty jam yë Tios të nyänyikëxë'ëkyë.

Jueces 4:11

Winkon ma yajpaatyën yë Quedes, najamtëkë ma xojjot txëëwatyën Saanaim, jam ënäty ja Héber ja Quenat ja'ay, tëë ënäty ja myëkukajpn tpuwa'ktu'uty, ja Quenat ja'ayëty, yë'ë ja y'ok'u'unk ja Hobab, ja Moisés ja myë't.

Éxodo 3:1

Yë Moisés yë'ë ënäty kyëwent'ajtëp ja myë't Jetro kyupixyny, mëti'ipë jam teety'ajtpën Madián, e tëkok ojts jam twojpnëjkxy ma të'ëts'it të'ëtsnaaxën, jam tyimja'ajty ma tu'uk ja mëj kopkën, mëti'ipë ja Tios jyä'ä'ajtypyën, jä'ä txëëwaty Horeb.

Éxodo 2:18

Ko ojts ja to'oxy'ëna'këty jatëkok wyimpitë ma jam ja tyeetyëtyën, ënät y'ënëmaayëtë: ¿E wi'ix ko poj'am të mtimwyimpijnëtë?

Génesis 32:12

Mijts jëtu'un të m'ëna'any koos oy mëk xyajwinpita'any ets ko may ja n'u'unk n'ëna'kës xymyo'oja'any. Jëtu'un xyajnimayëja'any tä nëë'ajinën, ka'apë tjëkyepy yajmëtyowëtyën.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Tios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Tios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

Tito 1:2

mëti'ipë ijtpën ko yajjëjp'ixy ja juukyajtën xëmëkyëjxmëpë. Tios ka'apë y'antä'äkyën, mëti'ipë ya'atë juukyajtën ojts twinwanën ka'anëm ënäty yë naaxwiinyëtë tsyo'ontä'äky,

Hechos 7:5

E kä'äp ojts ja Tios tii tyukumayë ma tääpë itjotmën, oyxyëp jeexyë yi'iyë'ajty ma ja tyeky tpëjkta'akëtyën. Ojts je'eyë tyukwinwanëty ko myo'oja'anyë, ets ko ënäty y'o'knë yë'ë jyä'ä'attëp ja y'u'unk y'okëty. Oy ja Abraham ka'ap ënäty nitu'uk ja y'u'unknëm.

Jeremias 50:5

Yajtëwantëp maatsow wyi'imyën ja në'ë tu'u mëti'ipë nëjkxpën Sión, jam nyëjkxa'antë ets y'ëna'ana'antë: Tsojk ninëjkxëmë yë Wintsën ets mëët ntu'unmëty tu'uk yë käjpxytyu'unën mëti'ipë itëpën xëmë, mëti'ipë ka'ap yajja'atyëkoyëtyën.

Isaías 2:3

May ja ja'ay myina'antë ets y'ëna'ana'antë: Mintë, tsojk mpa'tëjkëmë ma ja Wintsën ja tyun kyopkën, ma yajpaatyën yë Tios yë tsyajptëjk, mëti'ipë Jacob y'ëwtajtën ets xytyukni''ijxëmëty ja në'ë'aaw tu'u'aaw mëti'ipë mëpaat nye'eyëmën. Jä'ä ko jam Jerusalén tsyoona'any ja ënä'ämën, jam Sión tsyona'any ja ijxpëjkën.

Salmos 34:8

Ëk'ijxmatstë ets xy'ixtëty ko Wintsën oy yë winma'any tmëëtëty. Jotkujk yë ja'ay yajpaaty mëti'ipë Tios tyukjotkujk'ajtypyën.

1 Samuel 15:6

Ets t'ënëmaay ja quenitëja'ayëty: Näjyëpëkëtë miitsëty. Pëtsëmtë jam ma Amalec ja'ayëtyën, këtiipë mëët tu'ukyë m'a'okmuktëty. Jä'ä ko miitsëty oy ojts yë mjot mwinma'any xyajkëxë'ëktë mëët yë Israel ja'ayëty ko jap tsyo'ontë Egiptë. Jëtu'un yë quenitëja'ayëty jyänty tsyo'ontaaytyë jam ma Amalec ja'ayëtyën.

Jueces 1:16

Yë Hobab yë y'u'unk y'ok, ja Quenat ja'ay, yë'ë myë't yë Moisés; ojts jam tsyoontë ma ja kajpn txëëwatyën Palmeras mëët ja jyä'äy ja Judá ets ojts nyëjkxtë jam të'ëts'itjotm ma ja Judá ja jyä'äy tnitänën ëpa'tkë'ëmtsow ma Arad yajpaatyën, jamts ojts tsyënaaytyaknpëktë mëët ja ja'ayëty jampë yajpaatën näjyëtu'un.

Números 23:19

Yë Tios kajëna'a yë kya'ooky kyatëkoy, yë'ë ka'ap wyin'ëëny ets ka'ap yë y'aaw y'ayuk tukxi'iky. Ko tii tnikäjpxy pyatuumpy, ets ko tii twinwanë yäjkpy.

Éxodo 18:27

Jëtu'un nyäjxy ja xëëw po'o ets ja Moisés ojts mëët ja myë't nyäjyëkajpxënë. Ja myë't ojts jatëkok wyimpijnë ma ja nyaax kyajpnën.

Éxodo 18:1

Yë Jetro mëti'ipë jam teety'ajtpën Madián, yë Moisés yë myë't, ojts tnijawë, wi'ix ënäty yë Tios mëj këjää winë të tuktunyën yë Moisés ma ja nyaax kyajpnën, ja Israel kajpn. Ojts näjyëtu'un tnijawë ko tëë ënäty ja Tios jap jyuutëtë Egiptë.

Éxodo 3:8

Paatyës yaa naaxwiiny të nkëtä'äky etsës nyajtso'oka'antë ma Egiptë ja'ayëtyën, nyajpëtsëmantëpës yam ma tääpë kajpnën etsës nyajnëjkxa'antë ma ja oypyë ja it naaxwiinyëtë, ma myëjwiin y'ëwaatsëtyën ets ma ja jë'kxy pëky ka'ap ninu'un y'ëmaaytyä'äkyën; jam jëtu'un ma tsyëënëtën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.

Génesis 15:18

Jä'ä xëëw ojts ja Tios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

Génesis 13:15

Ëjts mijts nmo'ojäämpy tu'kë'ëyë ya'atë naaxwiinyëtë mëti'ipë m'ijxypyën ets xëmëkyëjxm mijts mjä'ä'atëp ets näjyëtu'un yë m'u'unk m'ok.

Éxodo 6:4

Ntuunës tu'uk yë käjpxytyu'unën mëët yë'ëjëty etsës ojts ntukwinwanëtë, ko nmo'oja'antë tu'uk yë it naaxwiinyëtë jam Canaán. Yë'ës n'antijpy ja naax kam ma ojts miitsëty m'ëk tsënaaytyëpën, tä yë jaaypyaat jaaypyo'kxyën.

Éxodo 18:12

Ënät ja Jetro ojts tu'uk tyaj'ooky yë jëyujk ets tnino'oka'any jam Tios wyintum, tmëjjawëja'any ets tkënu'kxyjyawëja'any ja Tios, ëpëky ojts tkë'ëyäky yë näyoxë. Ënät yë Aarón ets ja mëjja'aytyëjkëty, mëti'ipë nyimëjja'ay'ajtëpën ja naax kajpn ojts jam nyëjkxtë kääpyë ukpë mëët ja Moisés ja myë't Tios wintum.

Números 10:28

Jëtu'un ijty nyäwyaapëtë ja tsiptuunpëtëjkëty mëti'ipë jam tsiptuunpë'ajtëpën ma ja Israel ja'ayëtyën, ko ënäty muum nyëjkxtë.

Deuteronomio 4:40

Kuuytyuntë ja y'ënä'ämën tyiyajtën mëti'ipë tyam ya'atë xëëw nmooytyëpën, jëtu'un'äämpy oy mjuuky'atëty ets ja m'u'unk m'ëna'këty, jam ma ja itjotmën mëti'ipë ja Tios mo'ojanëtëpën, nëjkxëp jam jeky mjuuky'atë.

Deuteronomio 30:5

Ënät ja Wintsën nëjkx jatëkok tyajye'eymyujkta'ay ja ja'ay ma ja mnaax mkajpnëtyën, mëti'ipë ja m'ap m'ok tyukwinwa'anëyën ets ja kajpn xyajwintuktëty. Nëjkxëp jatëkok xypyaatë xy'ixtë ja wit meeny, ja jë'kxy pëky ets ja u'unk ëna'k mëjwiin këjää.

Salmos 95:1

Mintë ni'ëmukë, tsojk nwin'ë'ëw nwinyaxëm yë Wintsën mëët yë xoontakën; tsojk nja'amyäjtsëmë ets ntukxoontakëmë mëti'ipë xykyëwent'ajtëmën ets xyajnitsokëmën.

Salmos 100:1

Kuuy'ëwtë yë Wintsën mëët ja akujk'ajt jotkujk'ajtën, miitsëty naaxwiinyëtë ja'ayëty.

Génesis 17:8

Mijts ets yë'ëjëty nmo'ojantëp yë naaxwiinyëtë jampë Canaán ma mijts tyam mtsëënën ets yë'ë tkuma'ayën'atëty, etsës ëjts nTios'atëty.

Éxodo 2:21

Jëtu'un'äämpy ojts yë Moisés jam wyi'imy tsënääpyë ma ja Reuel yë tyëjkën, kom ok tääts yë Reuel tyajpëjky yë Moisés mëët yë nyëëx mëti'ipë xyëëwajtypyën Séfora.