Números 10:21 - Biblia Mixe de Quetzaltepec

²¹ Ënät ojts näjyëtu'un tsyoontë mëti'ipë yë Quehat jyä'äy'äjtypyën, mëti'ipë myënëjkxtëpën ja apëjk atu'unën jënu'un jap tyunyën ma Tios ja wyittëjkën mëti'ipë ëmaayëtyën. Ko ijty jam jya'të ma ënäty jya'ta'antë, kojy tukja'anëtë ja Tios ja wyittëjk.

Números 10:21 ပူးပေါင်းရင်းမြစ်များ

Números 10:17

Ënät ojts tkäjta'atë ja Tios ja wyittëjk, tääts ja Guersón ja y'u'unk y'ok ets ja Merarí y'u'unk y'ok tmëtu'utëjkëtyë tëkokyë winë jënu'un ënäty mëët tyunyën. Jä'ä ko yë'ë ënäty të yajtuknipëktë ets yë'ë muum tmënëjkxtëty.

Números 7:9

Ja Quehat ja y'u'unk y'ok ka'ap ojts ja kyepy wintëkäämpë yajmo'otë, jä'ä ko ja mëti'ipë ijty yë'ëjëty myënëjkxtëpën muum, kejkkyijxy ijty tyajye'eytyë, mëët ko y'ëmaayjyätyëty.

1 Crónicas 15:2

Ënät ja ënä'ämën ojts tyajwë'ëmy ets y'ënäny: Ka'ap tjëkyepy ni pën tonëty yë Wintsën yë kyaaxë, yi'iyë Leví jyä'äy patëtëp tontëty, jä'ä ko yë'ë kë'ëm yë Wintsën të wyin'ixëtë ets jam xëmë tyuntëty ma yë'ëjën.

Números 4:20

Këtiipë jap xëmë tyëkëtëty tsajptëkoty ets t'ixtëty ja mëti'ipë wa'atsën ets kënu'kxyën ets jëtu'un ka'ap y'ooktëty.

Números 2:17

E ja Leví ja'ayëty yë'ë ye'eytyëp ma ja mëtëkëëk këëyi'ikpyën. Jä'ä t'antijy ko itkujky ye'eytyëty, ma mëët ja mëmajktaxk këëyi'ikpyën ja tsiptuunpëtëjkëty nyäpyaatëtën. Yë'ë myënëjkxtëp tëkokyë jënu'un mëët yajtukkojyën ja wit tëjk ma ja näpyaatë y'ityën mëët yë Tios. Ma ja mëmajktaxk këëyi'ikpyë ja tsiptuunpëtëjkëty mäjtsk këëyi'iky nëjkx ye'eytyë jëjp'am. Tu'knax ye'eytyëty jëtu'un tä ënäty muum tsyënaaytyaknpëktën ets aakyë'ë pyaye'eytyëp mëti'ipë myëjwit wintëy'ajtëpën.

Números 1:51

Ko muum yajmënëjkxa'anëty, yë'ë jyittëp ets jatëkok tkojtëkatstëty ma ënäty të tmëja'tën. Pën nëkoo kë'ëmwinma'any myëwinkoonpy ya'atë tsajptëjk nëjkxëp y'ooky.

Números 10:20

Ma ja tsiptuunpëtëjkëtyën mëti'ipë yë Gad jyä'äy'äjtypyën, yë ënäty jam tsiptuunpë wintsën'ajtp yë Eliasaf, myaank yë Reuel.

1 Crónicas 23:24

Ya'atë jëtu'un y'u'unk'ajt y'ok'ajt yë Leví, jëtu'un tä ënäty tyu'kjëëky'at tyu'kmëku'uk'atën, mëti'ipë ja xyëëw miintëpën këxja'ay ko yë'ë tnikopk'atë ja jyä'äyëty, naxy ja jyëmëjtëty i'px, aaktuunk mëët ënäty yajpaatë ma ja tsajptëjkën.