Números 10:2 - Biblia Mixe de Quetzaltepec

² Oytyun mäjtsk yë pujxnxuxn aak poop pujxn myajtunëp ets yë'ë mtuk'oytyunëp yë pujxnkuwojpën. Yë'ë ja'ay yajtukxuxmuktëp ets ye'eymyuktëty, yë'ë myëtowtëp ko ja tso'onën y'ita'anëty.

Números 10:2 ပူးပေါင်းရင်းမြစ်များ

2 Reyes 12:13

Je'eyëp ko tääpë ja meeny mëti'ipë jap myënëjkxtëpën tsajptëkoty ka'ap ijty tyajtuntë ets yajtuk'oytyunëty ja a'ukën, atojkxën, jä'pn, xuxn, ëkë mëti'ipë ënäty poop pujxn ëkë pu'ts pujxn mëët y'oyëjä'änyën,

2 Crónicas 5:12

Tëkokyë ja Leví ja'ayëty mëti'ipë ëëwtëpën, tä ja Asaf, Hemán ets ja Jedutún, mëët ja y'u'unk y'ëna'k ets ja jyiikytyëjk myëku'uktëjk, aakjam wya'ak o'oyëtyääytyë ma ja wintsë'këntyaknën aak xoxyëty mëët ja oywyit. Aaktam tmëët'atë ja xyuxnëty, kyä'tsnëty, y'akëty ets pyujxnëty mëti'ipë yaj'ënantëpën. Nimëko'px ja i'px ënäty jam näjyëtu'un ëpëky ja teetytyëjkëty mëti'ipë ja pujxnxuxn yaj'ënantëpën.

Salmos 81:3

Myaj'ëna'antëp yë xuxn ko yë po'o myutsk'atëty, ets myaj'ëna'antëp näjyëtu'un ko tsyuukijpxëty, jä'ä ko jää ja nmëj xëëwajtëm nyäxy.

Salmos 89:15

Wintsën, janty jotkujk yajpaaty yë naax kajpn mëti'ipë nyija'apën wi'ix akujk jotkujk myajwin'ëy myajwinyä'äxyën ets nyëye'ey tyu'uye'ey kutë'kxy mëët yë mtë'kxën mjajën.

Éxodo 25:18

jam nimäjtsk xyajkëxkojëty jëtu'unpë kyëxë'ëkëtyën tä yë tsajpjotmëtë kukajpxpën ets aak pu'ts pujxn mëët xy'oytyunëty, yë'ë mëët yë kuwojpën xytyuunk'atëty.

Éxodo 25:31

Oytyun tu'uk yë mëj jëëntooytyakn mëti'ipë aak pu'ts pujxn mëët y'oytyunyëtyën, yë'ë pujxnkuwojpën mëët yajtuunk'aty. Yë y'ëjx, yë tyeky, yë y'a'ukën ets y'ääy tu'ukyë mëët nyämyatsëtëty.

Isaías 1:13

Këtiis nitii wintsë'kën xy'ëktuknimiinëtëty ka'apë tsyowpaatyën, yë nyijok ka'apës n'ëktsojknë. Ma ja po'o xynyixëëwtuntën, ma ja po'kxënxëëw xypyo'kxtën ets ma ja ja'ay xyajtu'ukmuktën ets ëxëëk y'ëtë'ëtstë y'ëna'antë.

Jeremias 4:5

Nikajpx nimëtya'aktë jam Jerusalén ets jam Judá, tukxu'uxtë yë pujxnxuxn ma tu'kë'ëyë naax kajpnën, jëtu'un mëk mya'axtëty mjoktëty: Ja'amtë. Tsojk ntu'ukmujkëmë. Ja'amta'ayëm ma ja naax kajpnën mëti'ipë ta'tspëky yajpatpën ets këwent'aty, ijtpën.

Oseas 8:1

Tukxu'ux yë mxuxn tä tukxu'uxyën mëti'ipë këwent'ajtpën ma Wintsën yë kyajpnën. Jä'ä ko tëë ja käjpxytyu'unën tjëënaxy ets tëë tkäjpxykyumëtoownaxy ja n'ijxpëjkënës.

Joel 1:14

Mëkajpxmujkta'atë yë naax kajpn ets y'ayuu'atëty; yajmujkta'atë yë yujkyeekytyëjkëty ets mëjja'aytyëjk ets nitëkokyë ja'ayëty jap tsajptëkoty ets tmëkajpxtëty yë Wintsën.

Joel 2:1

Yajxu'uxtë yë pujxnxuxn jam ma Sión kopkën; yaktë ja mëto'owën jam ma Wintsën yë kyopkën. Wä'än tyajxijtyu'kxtë ja mëti'ipë jam Judá tsënaaytyëpën, jä'ä ko tim wiinkoonp ja Wintsën ja xyëëw,

Números 10:1

Ënät ja Tios ojts ja Moisés tmëkäjpxy ets t'ënëmaay:

Números 10:7

E ko yi'iyë pujxnxuxn atu'uk xyu'uxëty, yë'ë ënäty nyikäjpxyp ets je'eyë ja'ay ye'eymyuktëty.

Efesios 4:5

Tu'ukyë ja Wintsën, tu'ukyë ja mëpëjkën, tu'ukyë ja nëëpäjtën;