Números 10:14 - Biblia Mixe de Quetzaltepec

¹⁴ Yë'ë jëyëjp nëjkxtëp ja tsiptuunpëtëjkëty mëti'ipë myëët'ajtëpën ja Judá ja myëjwit wintëy ets yë'ë tsiptuunpë wintsën'atëp ma yë'ëjëtyën yë Nahasón, myaank yë Aminadab.

Números 10:14 ပူးပေါင်းရင်းမြစ်များ

Números 1:7

Ma ja Judá ja jyä'äyën yë'ë jam nikopk'atëp yë myëku'uk yë Nahasón, yë Aminadab yë myaank.

Números 7:12

Ma ëka'any ojts tsyo'ontä'äkyën ja mëtu'kxëëwpë, yë'ë ojts tmënëjkxy yë y'ayajk y'ako'onën yë Nahasón, yë myaank yë Aminadab, mëti'ipë jyä'äy'äjtypyën yë Judá.

Génesis 49:8

Mijts Judá mtukxoonta'akanëp yë mjëëky mëku'uk, jëtu'unyë mmëtsip xyo'kmëmatsëja'any. Yë mjëëky mmëku'uk yë'ë kë'ëm mwinkoxtänëtëp ets mwinkutsë'ëkëtëty.

Números 10:5

Ko yajtukxu'uxëty ja pujxnxuxn ets ja ja'ay ya'axtëty jyoktëty, ënätyë tsyo'onta'atëty ja ja'ay mëti'ipë ënäty tsënaaytyëpën a'oytsyow.

Números 10:15

Ma tsiptuunpëtëjkëtyën mëti'ipë yë Isacar jyä'äy'äjtypyën, yë'ë ënäty jam tsiptuunpë wintsën'ajtp yë Natanael, yë Zoar yë myaank.

Génesis 35:22

Jam ënäty yë Israel të tsyënaaytyaknpëjknëtë ko yë Rubén ojts tmëëtko'knë yë Bilhá, mëti'ipë ënäty ja tyeety të tmëmäjtsk to'oxytyëjk'atyën. Ko yë Jacob tnija'awëy ko ënäty jëtu'un yë Rubén të y'ëti'itsy, ënät ojts yajxon jyantyjyoot'anpëky. Yë Jacob yë y'u'unk y'ëna'këty nimajkmäjtsk ojts y'itë.

Génesis 35:23

Mëti'ipë y'u'unk'ajtën mëët yë Lea, jä'ä xyëëwajtë Rubén, ja kä'äxkopk, ok myëxu'unk'ajtë Simeón, Leví, Judá, Isacar ets Zabulón.

Números 1:5

E tsyaats jëtu'un ja xyëëw myintë ja ja'ayëty, mëti'ipë nyikopk'atëpën ja jyiiky myëku'ukëty ets tputëkëtëty: Ma ja Rubén ja jyä'äyën yë'ë jam nyikopk'atëp yë myëku'uktëjk yë Elisur, yë Sedeúr yë myaank.