Números 10:12 - Biblia Mixe de Quetzaltepec

¹² Tä ja Israel ja'ayëty tsyo'ontaaytyë ma ja të'ëts'it txëëwatyën Sinaí. Ja yoots jam ojts tyiiy'awë ma ja Parán të'ëts'itën.

Números 10:12 ပူးပေါင်းရင်းမြစ်များ

Génesis 14:6

e ja Hor ja'ayëty jam ojts yajmëmëta'aktë ma ja kopkjot txëëwatyën Seir ets ojts yajpapo'otë jampaat ma ja joyjotm txëëwatyën Parán, winkon wyë'ëmnë mëët ja të'ëts'itjotm.

1 Reyes 11:18

Jam tsyo'ontë Madián ets jyajtë Parán; jamts ojts twoowmuktë ja'ay jampë kyukajpn'atën ets myëëtunëtëty. Ko jap Egiptë jyajtë ojts jam nyäkyajpxkëxë'ëkëtë ma ja yajkutujkpën, ja yajkutujkpë janty'oy ojts y'ëxajëtë, mooyëtë ka'ayën ukën ets naax kam.

Éxodo 13:20

Yë Israel ja'ayëty jam tsyo'ontë Sucot ets jya'ajtë jam Etam, ma ojts jam wäänë y'itën. Jam Etam ëka'any tsyo'ontä'äky ja të'ëts'it.

Habacuc 3:3

Jamtsow yë Wintsën tsyoony ma Temán ets Parán y'itjotmën jamtsow yë Tios wa'atspë myiny. Yë myëj'ajt y'oyajtën jëtu'unyë jam tsajpkëjxm jyajwä'kxy ets ja naaxwiinyëtë ja'ay y'ëwtatyë ets wyin'ëw wyinyä'äxyë.

Números 1:1

Ma tyu'uk'anyën yë mëmäjtskpo'opë, ma jajëmëjt ja mëmäjtskpë tsyo'ontä'äkyën. Tëë jëtää ënäty nyäxy tu'kjëmëjtnaxyën, ma Israel ja'ayëty jap tsyoontën Egiptë. Ënät ja Tios ojts tmëkäjpxy ja Moisés, jam ma ja të'ëts'it të'ëtsnaaxwiinyëtë txëëwatyën Sinaí. Jap ënäty yajpaaty ma wit tëjkën ma ja Tios mëët ja näpyaatë y'ityën, ko ojts y'ënë'ëmxëty:

Números 10:33

Ënät jam tsyo'ontë ma ja Wintsën ja kyopkën ets ojts tyu'uye'eytyë tëkëëk xëëw. Ja kaaxë mëti'ipë myë'ijtypyën ja käjpxytyu'unën mëët ja Wintsën, jëjp'am ënäty nyijkxy. T'ixta'ay yë'ë jëyëjp ja it naaxwiinyëtë ma jëtu'un pyo'kxtëtyën ja ja'ayëty.

Números 12:16

Ko ja Maria ojts tyajkä'pxy wëxtujk xëëw ma mëpaat ka'ap yajpaatyën kajpnjoty. Ënät jatëkok wyimpijty ets jyä'äjty jam kajpnjotm. Je'eyë jyä'äjty tääts ja naax kajpn nyäpyatso'onë ets jam jyajtë ma ja Parán të'ëts'itjotmën.

Números 13:26

jam Cadés ma ja të'ëts'it të'ëtsjotmën ma ja Moisés ënäty yajpaatyën, ja Aarón ets tëkokyë ja Israel ja'ayëty. Jam tukmëmëtyaktaaytyë, wi'ix ënäty ojts të t'ixtën. Ets tuk'ijxtë ja aaytsya'am ujts tsa'am, mëti'ipë jam myëtso'ontën ma ënäty ojts të jyëtitën.

Números 13:3

Jëtu'un tä ënäty ja Tios të y'ënä'änyën, Moisés ojts tjanty kyexy ja ja'ayëty, jam tsyo'ontë Parán. Tëkokyë mëti'ipë ojts nyëjkxtën aak mëj'äämpy ets kutujkënmëët ënäty y'itë ma ja jyä'äyëtyën.

Números 2:34

Yë Israel ja'ayëty ojts jëtu'un tjantytyuntë, tä ënäty ja Wintsën të tuk'ëne'emyën ja Moisés. Tu'ukëëyi'ikyjyäty ja tsiptuunpëty aakmëët ja wyitwintëyëty aakmëët ja jyä'äyëty ets aakmëët ja y'u'unk tyo'oxytyëjkëty.

Números 9:1

Kom jëmëjt ma ënäty yë Israel ja'ayëty të tsyoontën jap Egiptë, ma y'änyën yë mëtu'kpo'opë. Ko jëmëjt tsyo'ontä'äky, jää ojts yë Tios tmëkäjpxy yë Moisés jam kopkkëjxm ma txëëwatyën Sinaí ets t'ënëmaay:

Números 9:17

Ko ja yoots ijty pyëti'iky ja Israel ja'ayëty ënätyë ijty tsyoontë. E ma ja yoots ënäty nyäpyëjktä'äkyën, ja Israel ja'ayëty jam tsyënaaytyaknpëktë.

Números 9:5

Yë'ëjëty ojts jëtu'un tjanty xyëëwtuntë ja ëmaayxyëëw ma ja po'o myajkmajkts'anyën jënäkxyëëw, jam wintë'ëtstum ma txëëwatyën ja kopk Sinaí. Jëtu'un ojts mëtëy tuntë tä ënäty ja Moisés ja Tios të tyuk'ëne'emyën.

Deuteronomio 1:1

Ya'atë ojts yë Moisés tkäjpxy tmëtyä'äky ma ja Israel kajpnën ma ënäty jam yajpaatën të'ëts'itjotm, a'oytsyow ma ja Jordán mëjnëëjën, jam Arabá ma mëët nyäwyinku'ixëtyën yë Suf, itkujk wyi'imy ma ja it naaxwiinyëtë txëëwatën Parán, Tofel, Labán, Hazerot ets Dizahab.

Deuteronomio 1:19

Ko ojts ntso'onëm jam Horeb, ënät ojts jam nja'ajtëmë ma ja kopkjotmën, mëti'ipë nyitënaaytyëpën yë Amor ja'ayëty, mpatu'unëmë jëtu'un ja nWintsën'ajtëmë Tios ja y'ënä'ämën. Ojts ntukye'eynyajxta'ayëmë tampë të'ëts'itjot ma kyutsë'ëkëtyën, miits wa'ats xy'ijxtë xynyija'awëtyë ets ojts nja'ajtëmë jam Cades-barnea.

Deuteronomio 1:7

Pëjkmujkta'atë winë ets nëjkxtë jam ma kyopkjotëtyën yë Amor ja'ayëty ets xynyiwa'ktaayëtëty yë y'it nyaaxwiinyëtë jënu'un mëët nyämyëwinkon'atëtën: Tä yë Arabá itjotmën, ja tunjotm kopkjotmën, joyjyotmën, jampaat ma ja itjotm yajtijyën Négueb ets ma ja naax akujkmejyjyotypë ja pya'a nyuxën, ma ja Canaán ja'ay tsyëënëtën ets ma txëëwatyën Líbano, tyimja'tëty jam ma ja Éufrates mëjnëëjën.

Deuteronomio 33:2

ets y'ënäny: Jam Sinaí yë Wintsën të tsyoony; mëti'ipë të xykyutë'kx të xykyujajëmën maju'unëm ntso'onëmën jam Seir, jampaat të tyi'kxy ma Parán kopkën ets të nyäxy Meribá-cadés; ma y'a'oykyë'ëjën xytyuknimi'inëm ja ënä'ämën tëyajtën.

1 Samuel 25:1

Ko ja Samuel y'o'ky, wa'ats ja Israel ja'ayëty nyiye'eypyäjtaaytyë ets tnijëëy tniyaxtë. Jam tyajnaaxtëjkëtyë tyëkotm ma txëëwatyën Ramá. Ko jëtu'un kyijxy nyäjxy jam ojts ja David nyëjkxnë ma ja të'ëts'itjotm txëëwatyën Parán.