Números 10:10 - Biblia Mixe de Quetzaltepec

¹⁰ Myajxu'uxtëp näjyëtu'un yë pujxnxuxn ma xoontakën y'ityën, ijxtëm ko yë xëëw tyunyën ets ko yë po'o pyi'k'aty. Näyjyëtu'un ko yë wintsë'kën xyaktëty nino'okpyë ets ko yë wintsë'kën xyaktëty ma ja nay'ëëw'oy näykyajpx'oyë y'ityën. Jëtu'un'äämpy miitsëty nja'amyätstëty. Ëjts mWintsën Tiosëty.

Números 10:10 ပူးပေါင်းရင်းမြစ်များ

Salmos 81:3

Myaj'ëna'antëp yë xuxn ko yë po'o myutsk'atëty, ets myaj'ëna'antëp näjyëtu'un ko tsyuukijpxëty, jä'ä ko jää ja nmëj xëëwajtëm nyäxy.

1 Tesalonicenses 4:16

Jä'ä ko Jesús yë'ë kë'ëm tsoonaanp jam tsajpjotm, mëk'äämpy ja ayuk yajmëtowa'any mëët ja kutujkën; yajmëtowaanp tu'uk ja tsajpjotmëtë kukäjpxy mëj kutujkënmëëtpë, ets xyu'uxa'any ja Tios ja xyuxn. Mëti'ipë të y'ooktën ets të tmëpëktën ja Jesús yë'ë nëjkx jëyëjp jyuukpyëktë;

Nehemías 12:35

E ja teetytyëjkëty, jä'äts pyanëjkxtëp mëët ja xuxpë wojpë, mëti'ipë xyëëwajtëpën: Zacarías, Jonatán yë myaank, mëti'ipë ja y'aptëjk xyëëwajtën Semaías, Matanías, Micaías, Zacur ets Asaf;

Esdras 3:10

Ko ja tëjk tuunpë tyajtso'ontaktë ja potsy'ëjx ma ja Wintsën ja tsyajptëjk kyoja'anyën, ja teetytyëjkëty ojts wya'akë'kta'atë ets tyëjkëtyë yaxmujk jojkmujkpë mëët ja xyuxnëty. Ja Leví ja'ayëty mëti'ipë ja Asaf y'u'unk'ajty y'ok'ajtypyën jä'ä yaj'ënantëp ja platillos mëti'ipë tyukpa'ënantëpën ma ja Wintsën tkuuy'ëw tkuuya'axtën, mëti'ipë ënäty ja David të tyajkutukyën, mëti'ipë ënäty yë'ë yë Wintsën të tyuk'ëne'emyën.

2 Crónicas 29:28

Ja naax kajpn aak koxtänë kya'ataaytyë, tam ja ja'ay y'ëwtë xyu'uxtë. Jëtu'un ojts y'ity koonëm ja wintsë'kën yajyajktaay.

2 Crónicas 29:26

Yë Leví ja'ayëty jä'ä yajtuuntëp ja xuxn mëti'ipë ja David ijty yajtuumpyën, e ja teetytyëjkëty jä'ä ja xuxn myëët'ajtëp.

Números 10:9

Ko yë mëtsiptëjkëty mtukmin mtukja'tëtëty ma ënäty m'itën mtsëënëtën ets miitsëty mnäkyuwa'anëtëty, mëk nëjkx mya'axtë mjoktë ets xyajxuxkä'äktëty näjyëtu'un ja pujxnxuxn. Jëtu'un'äämpy nja'amyätstëty, ëjts mWintsën Tiosëty ets nyajtso'oktëty ma ja mëtsiptëjkëtyën.

Hechos 10:4

Tääts ja Cornelio tsë'ëkë tsë'ëkë twin'ijxpejty ja tsajpjotmëtë kukäjpxy ets t'ëtsooy: ¿Tii?, Wintsën. Tää ja tsajpjotmëtë kukäjpxy y'ënëmaayë: Y'ijxyp nyija'ap yë Tios ko xyjyä'äymyetsy ets wi'ix xypyutëkën ja ëyoopëja'aytyëjkëty.

Mateo 11:28

Nimiintëkës ni'ëmukë mëti'ipë të y'ënu'kxëtën mëët ja tuunk ets ja tsëmy kë'ëy, ëjts miits nyajpo'kxantëp.

Salmos 89:15

Wintsën, janty jotkujk yajpaaty yë naax kajpn mëti'ipë nyija'apën wi'ix akujk jotkujk myajwin'ëy myajwinyä'äxyën ets nyëye'ey tyu'uye'ey kutë'kxy mëët yë mtë'kxën mjajën.

2 Crónicas 7:6

Ja teetytyëjkëty aaktam ënäty yajpata'atë ets ja Leví ja'ayëty aakmëët ja xyuxnëty kyowëty, mëti'ipë ënäty ja yajkutujkpë të tyaj'oyën ets tukpa'ëna'antë ja ëy mëti'ipë ënaanpën: Jä'ä ko yë tsyojkën jya'awën xëmëkyëjxm yë y'ity, ko ja David ijty mëët y'ëwtë. Ets ja teetytyëjkëty tim xux tim koowtëp jamëty, tyam ja mayjyä'äy jyänty ëwtë.

1 Crónicas 16:42

Ya'atë ja'ayëty yë'ë ijty yaj'ënantëp yë ak, pujxn awojpmujk ets winë mëti'ipë ja ëy tyukpa'ënantëpën mëti'ipë ja Wintsën tyukwin'ëëwtëpën. Ja Jedutún ja y'ëna'k yë'ë ojts yajtuknipëktë t'atänëtëty ja tëjk'aaw.

1 Crónicas 15:28

Tëkokyë ja Israel ja'ayëty ëëp yaxp nyëjkxtë mëët ja xoontakën jotkujk'ajtën tyajnëjkxtë ja Wintsën ja kyaaxë.

1 Crónicas 15:24

E ja teetytyëjkëty Sebanías, Josafat, Natanael, Amasai, Zacarías, Benaías ets Eliézer, jä'ä nëjkxtëp jëjp'am xuxpë mëët ja pyujxn xuxnëty, ma jam yajmëye'eyën ja Wintsën ja kyaaxë. Yë Ebed-edom ets Jehías yë'ë y'ijx'ijtëp ja kaaxë.

Josue 4:7

Tääts xy'ëtsowtëty: Ëk'ix u'unk, ya'atë yë'ë nyikäjpxyp, ko tëëyëp ma ja Wintsën ja kyaaxë ojts yajmënaxyën ma ja Jordán mëjnëëjën ojts mäjtskpëky nyäwyä'kxyë ets jëtu'un'äämpy ojts të'ëts wa'ats yajmënaxy. E tyaapë tsaa nipiiwpetypë y'ityën yë'ë ijtp ijxpät ets yaja'amyätsëty mëti'ipë ojts tëëyëp tyunyën jyätyën.

Números 29:1

Ma tyu'uk anyën ja mëwëxtujkpo'opë jää nëjkx mye'eymyuktë ets ja Tios jää xymyëjjawëtëty. Ma jëtu'unpë ja xëëw tpaatyën, nitiituunk mëpaat jää xykyatuntë ets xypyëjkta'aktëty ja mëto'owën jä'ä xëëw, yë'ë ja pujxnxuxn mtukxu'uxtëp.

Levitico 23:24

Jëtu'un xy'ënëëmëty yë Israel ja'ayëty: Ma tyu'uk'anyën ja mëwëxtujkpo'opë, jä'ä tu'uk ja po'kxënxëëw xymyëjjawëtëty ets xyëëwtunëty ja pujxnxuxn ko yajtukxu'uxy.

Éxodo 28:29

E paaty ko ënäty yë Aarón jap tyëkë ma mëjtsajptëjkën mëët yë katsyjyän ets mëti'ipë winë mëët tuknipaye'eytyën, jam tnijän'atëty ets tmënëjkxëty ja xyëëw ja Israel ja y'u'unk y'ëna'k jam Wintsën wyintum ets yë'ë xëmë yajtukja'amyätstëp.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

1 Tesalonicenses 4:18

Näjyotmëkmo'ojëtë nixim niyam mëët ya'atë aaw ayuk.

1 Corintios 15:52

tim pojën, tu'kwinmi'kxyë je'eyë, ko ja xuxn tu'k'okyë xyu'uxëty. Jä'ä ko nëjkxëp ja xuxn xyu'uxy ets ja o'kpë jyuukpyëktëty ets ka'ap y'ëk'o'knëtëty; ets ni'ëmukë nëjkx ntëkajtsëmë.

Isaías 27:13

Jä'ä xëëw nëjkx yajtukxu'uxy ja xuxn ets myiinta'atëty ja ja'ayëty mëti'ipë jam tsënaaytyëpën Asiria ets Egiptë, ets yaa myina'antë Wintsën ëwtajtpë, yaa Jerusalén ma yajpaatyën ja kopk wa'atspë ets kënu'kxypyë.

Salmos 150:3

Mmëjpëjkta'aktë mëët yë xuxn. Mmëjpëjkta'aktë yë Tios mëët yë kow ets xijn.

Éxodo 30:16

Paaty mijts myajmukëp ya'atë poop pujxn, mëti'ipë ënäty yë Israel ja'ayëty nätyukuyajkëtëpën ets jap xykyë'ëyakëty ma ja wit tëjkën ma ja näpyaatë y'ityën mëët ja Tios. Yë'ë ya'atë Tios tyukja'amyätsëp yë Israel ja'ayëty, mëët ko ënäty ja jyuuky'ajtën tëë tnikëpäjtu'utë.

Números 28:11

Ma ëka'any y'anë'ëkyën oymyëti'ipë po'ojëty, mäjtsk yë tsajpkaayä'äy ayääkë xytyukwintsë'ëkëtëty yë Wintsën, tu'uk yë kupixyny yä'äy mëti'ipë të yä'kpetyën ets wëxtujk yë kupixyny yä'äy mëti'ipë tu'ukjaty yë jyëmëjtën ets oyëty mëkëty,

1 Samuel 20:5

Tä ja David y'ëtsooy: Ëk'ix, mijts mnija'ap ko jëpom yajnixëëwtuna'any ma ja po'o pyi'k'atyën, e ëjts kopkpëkyës ko jam nyajpaatëty mëët ja yajkutujkpë. E mooykyës jëpom yë xëëw wä'änës jam yu'utsy nyajpaaty aayjyotm ujtsjotn, wëxtëjkmnëm jënäkyxyëëw näpyatëmëty.

2 Reyes 4:23

¿Ti ko nëjkx xy'ixa'any tyam? Jëtu'un yajtëëwë ja nyiye'etyëjk. Kajts po'o tyam pyi'k'aty ets ka'ap pyo'kxënxëëwëty. Këtii nëkoo may mtajy, jëtu'un y'ëtsooy ja to'oxytyëjk.

Josue 6:4

Ëpëky ja teetytyëjkëty niwëxtujk twinye'eytyëty ja kaaxë mëti'ipë yë käjpxytyu'unën myë'ijtypyën. Nitu'ukjaty ja teety aak myëët'atëp ja xyuxn, yë'ë tsajppaxwaj. Ko wyëxtukxëëwpätëty, wëxtujk'ok nëjkx xynya'ëwtitë ja kajpn, e ja teetytyëjkëty jä'ä ja xuxn tyukxu'uxtëp.

Salmos 81:4

Jä'ä ko ya'atë jëtu'un ënä'ämën'ajtp mëti'ipë ja Tios ojts tmo'oyën ja Israel kajpn, mëti'ipë Tyiosajtën yë Jacob;