Números 1:47 - Biblia Mixe de Quetzaltepec

⁴⁷ Yë Leví ja'ayëty ka'ap jap yë xyëëw yajkëxjaaytyë ma jaaymyujkën, mëti'ipë ojts pyëti'ikyën, ma myëku'uktëjkëty yë xyëëw pyäjtën, yë'ë jëtu'un yë Israel ja'ayëty.

Números 1:47 ပူးပေါင်းရင်းမြစ်များ

1 Crónicas 21:6

Je'eyëp ko ka'ap ojts yajmëtyowtë ja Leví ets ja Benjamín ja'ayëty, jä'ä ko ja Joab ka'ap jëtu'unpë ja winma'any oy t'ijxy mëti'ipë ja yajkutujkpë ënäty të tuknipëjktaakën.

Números 1:3

Wa'ats xyajnokytyëjkëtya'atëty yë ye'etyëjktëjk mëti'ipë jyëmëjtëtyën i'px. Ets jyëkyäjpnëtëp nyëjkxtëty tsiptuunpë, tyimja'tëty jëtu'un mëjja'aytyëjkpaat. Ets xytyuknija'awëtya'atëty ma tyuka'ajëtën nitu'ukjaty, ko wya'kta'aktëty. Ya'atë yam ntuk'ëne'emyën yë'ë mëët xytyuunk'atëty yë Aarón.

Números 1:48

Jä'ä ko yë Tios tyaa ënäty të t'ënëëmë yë Moisés:

Números 1:50

Jä'ä ko yë Leví ja'ayëty yë'ë mëpaat jap xypyëjktä'äky ma wit tëjkën, mëti'ipë myë'ijtypyën yë käjpxytyu'unën. Ets yë'ë tkëwent'atëty tëkokyë mëti'ipë jap tuunpën ets mëti'ipë jap yajpatpën ma Tios yë wyittëjkën. Ko muum tääpë Tios yë wyittëjk yajmënëjkxëty, yë'ë nëjkx tyajpëtë'ëktë ets tmënëjkxta'atëty tëkokyë jënu'un jap tyunyën. Yë'ë jam tyimna'ittëp ya'atë Tios yë wyittëjk.

Números 2:33

E jä'ä ko Tios ënäty kë'ëm të t'ënëëmë ja Moisés ets këtii tyajnokytyëkëtëty ja Leví ja'ayëty, paatykyëjxm ojts ka'ap jap yajkëxja'atë ja xyëëwëty ma ja jaaymyujkën.

Números 3:1

Jä'ä xëëw ma ja Wintsën ojts tmëkäjpxyën ja Moisés jam ma ja Sinaí kopkën, yë Aarón ets Moisés yë'ë ojts t'u'unk'at t'ok'atë.

Números 3:14

Tä yë Wintsën ojts tmëkäjpxy yë Moisés ets t'ënëmaay:

Números 3:15

Yajpëtë'ëk tu'uk yë jaaymyujkën ma xykyëxjaaytya'ajëtyën tëkokyë yë xyëëwëty yë Leví ja'ayëty. Jëtu'un xykyëxja'ajëty ja xyëëwëty tä tyu'kunaax'at tyu'kukajpn'atën ets tä tyu'kjëëky'at tyu'kmëku'uk'atën. Ets xyjyääypyëtsëmtëty ninu'un yë ye'etyëjktëjk nyimay'atën, pi'k'ëna'k mëti'ipë ëka'any tu'kpo'o jyuuky'ätynyëmën ets mëjja'aytyëjk.

Números 4:49

Ya'atë jaaymyujkën jëtu'un ojts pyëti'iky tä ënäty yë Tios të tuk'ëne'emyën yë Moisés. Tu'uktu'uk ja ja'ayëty ojts yajtuk'ëwa'anëtya'atë tii mëpaat tuntën ets tii mëpaat tpapëktën, jëtu'un tä ja Wintsën ënäty të tuk'ëne'emyën ja Moisés.