Números 1:36 - Biblia Mixe de Quetzaltepec

^36-37 Ma Benjamín yë jyä'äyën, jä'ä ojts yajmëtyoowpëtsëmtë i'px majkmokx mil ja taxk mëko'px.

Números 1:36 ပူးပေါင်းရင်းမြစ်များ

Génesis 44:20

ets ojts ëëtsëty n'ëtsowtë ko nmëët'atës yë nteety ets tëë myëjja'ayënë ets tu'uk yë n'utyëtyës mëti'ipë mutsknëmën, mëti'ipë ojts jää myëxu'unk'atyën ma ënäty yë nteetyëtyës të myëjja'ayënën. Jëtu'un ojts mijts n'ënëëmëtë ko yë nteetyëtyës tsyojkpy jya'ap oy yë myaank, jä'ä ko yi'iyë tu'uk jyaak u'unk'ajtyp ma tu'ukyë tukmuktën ja tyaak tyi'tskëty, jä'ä ko ja y'äjty ojts ja y'o'knë.

Génesis 46:21

Yë Benjamín yë y'u'unk y'ëna'k jä'ä xyëëwajtë: Belá, Béquer, Asbel, Guerá, Naamán, Ehi, Ros, Mupim, Hupim ets Ard.

Génesis 49:27

Benjamín jëtu'un yë'ë tä tu'uk yë kaajën, mëti'ipë jopyëp nyas'ookë tsyu'tsypyën, e ko jyënäky xyëëwajnë, tääts tjaakyajwa'kxta'ay mëti'ipë të tsu'tsnatëkën.

2 Crónicas 17:17

Jam ma ja Benjamín ja y'itjotmën, yë'ë ojts jam wyi'imy tniwintsën'atëty ja tsiptuunpë yë Eliadë, tyaapë ja'ay yajxon ijty jyotmëkëty ets tsip'ixy, nimäjtsk mëko'px twinkuwa'këy ja ja'ay. Aaktam yë tyi'pxnëty ets kyu'umënëty ets akëëytyuk mëti'ipë myëtsiptuuntëpën,

Apocalipsis 7:8

nimajkmäjtsk mil ja Zabulón ja y'u'unk y'ok, nimajkmäjtsk mil ja José ja y'u'unk y'ok ets nän nimajkmäjtsk mil ja Benjamín ja y'u'unk y'ok.

Jueces 20:15

Ja tsiptuunpëtëjkëty mëti'ipë ojts yajxon tuknipëjktaakëtën ets tsyoona'antë tsiptuunpë mëti'ipë jyä'äy'äjtypyën yë Benjamín, jä'ä nyiwinë'ajtë ni''i'px tëtujk mil, ëpëky niwëxtujk mëko'px mëti'ipë ënäty të yajwin'ixtën jam Guibeá ets tsip'ixëty yajxon.