Números 1:2 - Biblia Mixe de Quetzaltepec

² Yajpëtë'ëk tu'uk yë jaaymyujkën, ma xykyëxjaaytya'ajëtyën yë xyëëwëty yë Israel ja'ayëty aak tu'kmënaax tu'kmëkajpnëty ets tu'kjëëky tu'kmëku'ukëty. Jëtu'un'äämpy yajnijawëty ninu'un nyiwinë'atën yë ye'etyëjktëjk.

Números 1:2 ပူးပေါင်းရင်းမြစ်များ

Éxodo 12:37

Jam ojts yë Israel ja'ayëty tsyoontë ma tu'uk yë kajpnën mëti'ipë xyëëwajtypyën Ramsés ets jam jya'ajtë Sucot, jä'ä ënäty ja ye'etyëjktëjk nyiwinë'atë nitëtujk mëko'px, mëti'ipë jyëkyäjpnëp tsyiptuntëtyën. Yë to'oxytyëjkëty ets pi'k'ëna'këty ka'ap ojts yajmëtyowtë.

Éxodo 30:12

Ko xyajpëtë'ëkëty tu'uk yë jaaymyujkën, ma tu'ukjaty ja Israel ja'ay yajkëxja'ayën ja xyëëw, yakëp wäänë oytyiijëty ets yë'ë ja jyuukyajtën tukuyakëty, mëti'ipë ja Tios jä'ä myo'ojëpën, këtiipë tii ëyo'on kyëta'akëty ma jyuuky'ajtënën mëët ko ënäty ja jaaymyujkën myuky.

Éxodo 38:25

Ja poop pujxn mëti'ipë ojts myukyën, ma ja jaaymyujkën pyëti'kyën, jä'ä wyinë'ajty tëkëëk mil ja tëkëëk mëko'px ja majkmokx majktaxk tsim ets ojts jyaak ni'ikë i'px mëkoxk nikonë, yë'ë ojts kyijpxën'aty mëti'ipë jap tsajptëkoty tuunpën.

Éxodo 38:26

Ja ja'ayëty mëti'ipë ja xyëëw yajkëxjaaytyën ma ja jaaymyujkën y'ijtyën, aakyë'ë mëti'ipë ënäty tëë ja jyëmëjt t'apetyën I'px tu'uk ets jä'ä nyiwinë'ajtë tëtujk mëko'px ja tëkëëk mil ja mëkoxk mëko'px ja wëxtyikxy majk, nitu'ukjaty ojts tyaktë ja poop pujxn këëk mëkoxk ja kujkm nikonë, yë'ë tuun ja kijpxën mëti'ipë jap tsajptëkoty tuunpën.

Números 1:19

Jëtu'un tä ënäty ja Tios të tni'ënä'ämën. Ya'atë jaaymyujkën jam ojts pyëti'iky ma ja të'ëts'it të'ëtsnaax txëëwatyën Sinaí.

Números 1:22

Ma Simeón yë jyä'äyën, jä'ä ojts yajmëtyoowpëtsëmtë wëxtyikxy majkmokx majktaxk mil ja tëkëëk mëko'px.