Números 1:16 - Biblia Mixe de Quetzaltepec

¹⁶ Ya'atë jëtu'un ojts yajnikajpxpätë ma Israel kajpnën ets ja myëku'uktëjk tnikopk'atëty ets yë'ë muum tkutänëtëty.

Números 1:16 ပူးပေါင်းရင်းမြစ်များ

Números 7:2

Ja mëjja'aytyëjkëty mëti'ipë nyikopk'ajtëpën ja Israel ja'ayëty, mëti'ipë ënäty të pyutëkëtën ma ja jaaymyujkën të pyëti'ikyën ojts jam nyëjkxtë.

Éxodo 18:25

Ojts twin'ixy ja ja'ayëty mëti'ipë winë oy tyuuntëpën jam ma ja Israel kajpnën ets tmooy ja ënä'ämën kutujkën ma ja ja'ayëtyën tu'kmiljatypë, nimëko'pxjatypë, niwëxtyikxymyajkjatypë ets ma ja nimajkjatypyën.

Éxodo 18:21

Mëti'ipë tëy mijts mtunëp, win'ix kanaak yë ja'ay mëti'ipë m'a'ijxëpën oy winë tuntë ets tsyë'këtyëp yë Tios ets mëtëy winë tkajpxtë tmëtya'aktë, ijxtëm yë ja'ayëtyën mëti'ipë ka'ap tii yë myëku'uk awin'ëënë tpëjkën ets jëtu'un xytyuknipëkëty ya'atë tuunk, mëti'ipë wyintänëtëpën ja ja'ayëty nitu'kmiljaty, nitu'kmëko'pxjaty, niwëxtyikxymyajkjaty ets nimajkjaty.

Números 26:9

Ma yë Eliab yë y'u'unk y'ëna'kën jam ojts myëxu'unk'atë yë Nemuel, Datán ets Abiram. Yë Datán ets Abiram yë'ë ojts mëët tu'ukyë nyämyätsyë yë Coré, ma ënäty y'itën najtskajpxëpë; ko tkäjpxykyumëtoownajxtë ja Tios ets näjyëtu'un ja Moisés mëët yë Aarón.

Números 16:2

ojts ja Moisés tmëtsiptsoontë. May ja ja'ay pyuwa'akëtë, mäjtsk mëko'px ja wëxtyikxy myajkën ja Israel ja'ayëty mëti'ipë ënäty mëj'äämpy ijtëpën ma ja naax kajpnën. Yë'ë tyuk'ijtëtyëp ja ja'ayëty mëti'ipë ëëwij kajpxwijtëpën ets mëj yajjëkyäptë.

Números 1:4

Ets tu'ukjaty ma ja tu'ktëjkpën,

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

1 Samuel 23:23

Yajxon ixtë tuntë maajëty yë kyuyu'tstakn tmëët'atyën ets maajaty tmëët'atyën yë tyëjkëtyakn. Jëtu'untsës yajxon xytyuk'ëwaanëtëty ets mpanëjkxtëty. E pën janty jamtsën yajpaaty, kë'ëmës yam nëjkx n'ixta'ay piiwnaxy tajnaxy ma Judá jyä'äyën.

1 Samuel 22:7

Ënät t'ënëmaay ja tsiptuunpë wintsëntëjk: Miitsëty Benjamín yë jyä'äy, mëtowtë yajxon mëti'ipë yam ntuk'ënëëmëjantëpën: ¿Wä'än tääjën yë David mmo'ojëty yë mnaax mkamëtyë ets ënät näjyëtu'un mpëjkta'akëtëty tsiptuunpë wintsën ma kyutujktaknënë, tä tyam miits nmo'otënë?

Jueces 6:15

Ënät ja Gedeón y'ëtsowkojnëpë: Wintsën mëpaat xy'ëknamä'kxëty, oy yam winë nyajtëwa'any. ¿Wi'ixës n'ëknijawëty ko ëjts nyajtso'okäämpy yë Israel ja'ayëty? Ma yë Manasés yë jyä'äyën, ëjts ni'ik yajpatp ëyoopëja'ay ets niwäänë ëëts ntu'kjëën'at ntu'ktëjk'atë ets maas yë njëën ntëjkën ëjts ni'ik timmutsk.

Deuteronomio 1:15

Paatyës ojts nikajpxpety ja ja'ayëty tu'ukjaty ma tu'kkajpnjatypë yajpaatën, mëti'ipë wijyëtyën ets nyijawëtëp ja tuunk ets ojts yë'ëjëty nkutujkënmo'oyës ma miitsëtyën. Tam mëti'ipës ntuknipëjkën twintänëty ja ja'ay nitu'kmilpë, nimëko'pxpë, niwëxytyikxymyajkpë, nimajkpë ets tam mëti'ipë tu'kkajpn ojts je'eyë pyäätyën.

Números 11:17

Ëjts këta'akaanpës ma mijtsën ets nmëtyakmëty. Npupëkäämpyës wäänë mmëkajtën m'oyajtën mëti'ipë mëët'ajtypyën ets yë'ë tjä'ä'atëty. Yë'ë nëjkx mputëkëtë ma ya'atë naax kajpn yajtu'uwinye'eyä'äynyën. Jëtu'un ka'ap tii atu'uk mtimtyukëtakpätëtëty.

Números 1:15

Ma ja Neftalí ja jyä'äyën yë'ë nëjkx jam tnikopk'aty yë myëku'uktëjk yë Ahirá, yë myaank yë Enán.

Números 1:17

Ma tyu'uk'anyën ja mëmäjtskpo'opë, tääpë jëmëjtpë. Ënät yë Moisés mëët yë Aarón ojts tmëkajpxmujkta'atë ya'atë ja'ayëty, mëti'ipë ja Tios të tyuknipëkëtën ja tuunk ets tnikopk'atëty ja myëku'uktëjk ets näjyëtu'un tyajtu'ukmujktaaytyë ja naax kajpn. Tääts ojts ja jaaymyujkën tyajpëtë'ëktë. Ojts tkëxjaaytya'atë nokykyijxy ja Israel ja'ay ja xyëëwëty, aakyë'ë ye'etyëjktëjk jënu'un tyu'kja'ay'atën. Ets tjaaypyëtsëmtaaytyë ja ye'etyëjktëjkëty ninu'un ënäty nyiwinë'atën, mëti'ipë ja jyëmëjtëtyën i'px ets ni'ik.

Números 10:4

Ko je'eyë tu'ukyë yë pujxnxuxn yajtukxu'uxëty, yi'iyë nëjkx ye'eymyuktë mëjja'aytyëjkëty.

Números 30:1

Ënät ja Moisés ojts tmëkäjpxy ja mëjja'aytyëjkëty mëti'ipë nyikopk'ajtëpën ja Israel ja'ayëty ets t'ënëmaay: Jëtu'un yë Wintsën të tni'ënä'ämë.