Números 1:1 - Biblia Mixe de Quetzaltepec

¹ Ma tyu'uk'anyën yë mëmäjtskpo'opë, ma jajëmëjt ja mëmäjtskpë tsyo'ontä'äkyën. Tëë jëtää ënäty nyäxy tu'kjëmëjtnaxyën, ma Israel ja'ayëty jap tsyoontën Egiptë. Ënät ja Tios ojts tmëkäjpxy ja Moisés, jam ma ja të'ëts'it të'ëtsnaaxwiinyëtë txëëwatyën Sinaí. Jap ënäty yajpaaty ma wit tëjkën ma ja Tios mëët ja näpyaatë y'ityën, ko ojts y'ënë'ëmxëty:

Números 1:1 ပူးပေါင်းရင်းမြစ်များ

1 Reyes 6:1

Salomón jää ja tsajptëjk tkojtso'ontä'äky ma ënäty mëmajktaxk jëmëjt tyajtu'uye'eyën ja jyëmëjt ma y'ityën yajkutujkpë jam Israel, yë'ë ënäty aanp yë po'o mëti'ipë tyijtëpën Ziv, yë mëmäjtskpë, ma të nyajxnën taxk mëko'px jëmëjt maju'unëm tsyoontën jap Egiptë.

Éxodo 19:1

Ënät ojts ja Israel ja'ayëty jya'të jam ma tu'uk ja itjot txëëwatyën Sinaí jam të'ëts'itjotm, tëkëëk po'o ënäty të nyäxy ma tsyo'ontën jap Egiptë.

Éxodo 19:2

Ko ojts tsyoontë jam Refidim, jam ojts jya'të Sinaí ets jam tsyënaaytyaknpëjktë ma ja mëj kopkën.

Éxodo 25:22

E jam ëëtsajtëm näpyatëmëty, jam këjxm ma ja kaaxëni'kxën ma ja tsajpjotmëtë kukäjpxy këxkojy y'itën, jam ntuknijawëty tëkokyë ja ënä'ämën tëyajtën mëti'ipës ja Israel ja'ayëty ntuknikäjxtëpën.

Éxodo 40:17

Paaty ko mäjtsk jëmëjt y'apejty, ma ënäty të tsyoontën jap Egiptë, ma tyu'uk'anyën ja mëët tu'ukpë ja po'opë, jää ojts ja Tios ja jyëën tyëjk ëka'any yajpëjktä'äky.

Éxodo 40:2

Ma tyu'uk anyën mëtu'kpo'opë jää nëjkx xymyä'kxy ja wit tëjk ma ja näpyaatë y'itëtyën mëët ja Tios.

Levitico 1:1

Ënät yë Tios ojts tmëkäjpxy yë Moisés jap ma ja wit tëjkën ma ja näpyaatë y'ityën ets t'ënëmaay:

Levitico 27:34

Ya'atë jëtu'un ënä'ämën'ajtp tëy'ajtën'ajtp, mëti'ipë yë Tios ojts tmo'oyën yë Moisés jam kopkkëjxm ma txëëwatyën Sinaí.

Números 12:4

Paaty yë Tios t'ënëmaay yë Moisés, Aarón ets Maria: Jam nëjkxtë nitëkëëk ma wit tëjkën ma näpyaatë y'ityën mëët ja Tios. Ënät ojts jam nitëkëëk nyëjkxtë.

Números 9:1

Kom jëmëjt ma ënäty yë Israel ja'ayëty të tsyoontën jap Egiptë, ma y'änyën yë mëtu'kpo'opë. Ko jëmëjt tsyo'ontä'äky, jää ojts yë Tios tmëkäjpxy yë Moisés jam kopkkëjxm ma txëëwatyën Sinaí ets t'ënëmaay:

Deuteronomio 1:3

Ma tyu'uk'anyën ja majktu'uk po'opë, kom wëxtyikxy jyëmëjt ma ënäty ja Moisés të tyajkutëkoyën ja Sihón, mëti'ipë ënä'ämpën jam ma Amor ja'ayëtyën, jampë ënäty tsyëënën Hesbón ets ma ënäty näjyëtu'un të tyajkutëkoyën ja Ok, jampë y'ëne'emyën Basán ets jam tsyëënë Astarot ma ja Edrei ja nyaaxjotmën. Ënät ja Moisés tuk'ëwa'anëy ja naax kajpn, jëtu'un tä ënäty ja Tios të y'ënë'ëmxëtën ets tmooy ja aaw ayuk mëti'ipë mëpaat tpatuntën.

Deuteronomio 2:14

Jä'ä xëëw maas ntso'ontën jam Cades-barnea ets koos ntuknajxtë ja Zéred nëë wok, jä'ä ënäty ja xëëw jëmëjt të nyanajxnë i'px majkmokx tëkëëk jëmëjt. Ja jotmëkja'aytyëjkëty ets ja tsip'ixyëtypë tëë ënäty y'o'ktaaynyëtë, jëtu'un tä ja Wintsën ënäty të tnikäjpxyën mëët ja aaw ayuk kutujkënmëëtpë.

Deuteronomio 2:7

Yë'ë ja'awëy'itë ko Tios mëj këjää xykyënu'kxëmë, oy tii ntimtyu'unëmë. Ix jënu'un wëxtyikxy jyëmëjt të nyäxy ets yë'ë të tyimyajpaaty xëmë mëët ëëts'ajtëmë, ko të jyëtu'un'aty nitii të nkayajmëyajtëmë.