Nehemías 7:2 - Biblia Mixe de Quetzaltepec

² Yë'ëjës ntuknipëjk yë nmëkä'äxës Hananí ets kyutuunk'atëty jam Jerusalén ets Hananías yë'ë kyutuunk'atëty jam ma ja mëj kajpnën mëti'ipë këwent'aty, ijtpën jä'ä ko yë'ë oy ënäty jyä'äy'äty ets mëk ijty ni'ik twinkutsë'ëkë ja Wintsën. Tnikutuunk'atëty ja naax kajpn jam Jerusalén.

Biblia Dc en Mixe de Quetzaltepec

² Yë'ëjës ntuknipëjk yë nmëkä'äxës Hananí ets kyutuunk'atëty jam Jerusalén ets Hananías yë'ë kyutuunk'atëty jam ma ja mëj kajpnën mëti'ipë këwent'aty, ijtpën jä'ä ko yë'ë oy ënety jyä'äy'äty ets mëk ijty ni'ik twinkutsë'ëkë ja Wintsën. Tnikutuunk'atëty ja naax kajpn jam Jerusalén.

Nehemías 7:2 ပူးပေါင်းရင်းမြစ်များ

Nehemías 1:2

ko jyäjty yë nmëkä'äxës mëti'ipë xyëëwajtypyën Hananí mëët yë myëku'uktëjk mëti'ipë ënäty mëët nyäjyämyëët'atyën jam Judá tsyoontë. Ënätës nyajtëëwtë wi'ix ënäty ja Jerusalén kajpn yajpaaty ets wi'ix ënäty yajpaatë ja ja'ayëty mëti'ipë ënäty ojts jam të wyimpitën ko ja Jerusalén ja'ayëty yaj'ëxwojptaaytyë.

Mateo 25:21

Tääts ja wyintsën y'ënëmaayë: Oy jëtu'un, oy ets tëy tëtä'äky winë të xytyuny të xykyäjpxy. Jä'ä ko oy tii yiin wään të myajtukë'ëtëkë, tëë oy mtuny mkäjpxy, jyëkyejpy winë mëjpë këjääpë myajtukmë'ëxmatsëty. Tëkë ma ja xoontakën yajpaatyën ets mjuuky'atëty akujk jotkujk mëët ëjts.

Salmos 101:6

Yë'ëjës n'oyjawëjäämpy yë ja'ay mëti'ipë oy ja'ay'ajtpën, ets jam jyuuky'atëty ma ëjtsën; yë'ë nëjkx jap tyuny maas ëjts nyajkutukyën mëti'ipë oy yajxon ja jyuukyajtën yajtu'uye'epyën.

Nehemías 10:23

Oseas, Hananías, Hasub,

Nehemías 2:8

ëpëky wiinkpë ja noky mëti'ipë ja Asaf yajtuknijayëpën, mëti'ipë kyëwent'ajtypyën ja yukjot kepyjyot mëti'ipë yajkutujkpë nyitënääpyën, ma yaj'ënëëmëtyën: ko wä'än xymyo'oyës ja kepy mëti'ipë ja tsajptëjk ja nyitëjk'aaw yajtuk'oytyunëpën ets mëti'ipë ja kajpnpa'a ja nyitëjk'aaw näjyëtu'un yajtuk'oytyunëpën ets näjyëtu'un maas ëjts ntsëënëja'anyën. E ja yajkutujkpë ojtsës xymyo'oy jä'ä ko yë'ë ënäty ja Wintsën mëët ja pyutëjkën nmëtä'äkyës.

1 Reyes 18:3

Ja Ahab, myëjwoow ja Abdías, mëti'ipë pujëtu'unëyëpën, yë'ë y'ëwtatyp ënäty winë aaw winëjot yë Wintsën

2 Timoteo 2:2

Ja aaw ayuk mëti'ipë të xymyëtoyën maajës ja mayjyä'äy nyaj'ijxpëkyën, yë'ë mtuknipëkëp ja ja'ay ets jëtu'un ja myëku'uk tyaj'ijxpëktëty.

1 Corintios 4:2

Pën ja tuunk të t'ëxajë, yajnikëxë'ëkëp ko maayëp ja tuunk.

Daniel 6:4

Ja mëti'ipë anajx atëjkëtyëpën ets mëti'ipë yajkutujktëpën ojts ja winma'any t'ixta'atë wi'ix y'ëna'antëtyën ets tyajnipaxëtëkëja'antë ja Daniel ma yajkutukyën, ja Daniel wa'ats ja jyot wyinma'any ënäty tmëëtëty paaty ka'ap tpatë ja pyoky; jëtu'un ka'ap yajni'ë'ënëy.

Job 1:1

Jam ma Us y'itjotmën, jam ijty tu'uk ja'ay tsyëënë, Job xyëëwajtyp. Oy ijty jyuuky'äty, ka'ap tii tuuntëkoy tkajpxtëkoy, Tios myëtuumpy ets nijëna'a ojts pën tkamëtëkoy.

Nehemías 13:13

Ets ntuknipëjktës yë teety Selemías ets jääpyë Sadoc ets tu'uk yë Leví ja'ay mëti'ipë xyëëwajtën Pedaías; ets yë'ë t'ixtëty tuntëty jam ma nyipetyën ja jë'kxy pëky ets pënjaty yäjkpyën; ojtsës näjyëtu'un mpëjktä'äky jam yë Hanán, yë Zacur yë myaank, y'ok'u'unk yë Matanías ets jam pyutëkëtëty, jä'ä ko yë'ëjëty oy ja jot winma'any ënäty tmëët'atë. Yë'ë yajtuknipëjktë ets tyajwa'kxtëty ja jë'kxy pëky ma ja jyiikytyëjk myëku'uktëjkëtyën.

Nehemías 5:15

E ja yajkutujkpëtëjk mëti'ipë ënäty jëyëjp të tyuntën je'eyë ijty xëmë ja naax kajpn tuk'atsiptë ja ayajk ako'onën, xëmë ja ja'ay ijty yaj'amëtowtë ja wit meeny këëkwëxtyikxy ja poop pujxn mëti'ipë ja yajkutujkpë nyikayëp nyi'uukëpën. E xëmë ijty winjëpom ja naax kajpn winë tjanty'amëtowtë ets tjantypyëjkëtë. Ëjts ka'apës jëtu'un ja naax kajpn ntuuny jä'ä ko ja Wintsën jä'äs ntsë'këp.

1 Reyes 18:12

Ëjts wa'atsës ntsyäty nyijawë ko ënät yaa ntsoonëtyës wiinktsow ënät ja Wintsën ja myëk'ajtën y'oyajtën myajnëjkxa'anyë maas ka'ap ninu'un nijawëtyën. E koos ënät ntuk'ëwaanëty ja Ahab, yë'ë kajts ja maa m'ëk patënëty, etsës ënätës xyaj'ookëty. Ëjts nwinkutsë'këpës yë Wintsën mutsknëm.

2 Samuel 23:3

Yë Wintsën, mëti'ipë yë Israel ja'ayëty y'ëwtajtëpën; mëti'ipë kyuwäämpy nyixäjpyën ja Israel kajpn, jëtu'unës të xy'ënëëmë: Mëti'ipë tyu'uwinye'epyën ja ja'ayëty mëët ja tëyajtën, mëti'ipë winë tyuunpyën mëët ja Wintsën ja wyinkutsë'kën,

Números 12:7

E yë ntuunpës Moisés ka'apës jëtu'un nmëkäjpxy. Yë'ë oy yë winë tuny këtiinëm jyëtu'unëty yë myëku'uktëjk.

Éxodo 18:21

Mëti'ipë tëy mijts mtunëp, win'ix kanaak yë ja'ay mëti'ipë m'a'ijxëpën oy winë tuntë ets tsyë'këtyëp yë Tios ets mëtëy winë tkajpxtë tmëtya'aktë, ijxtëm yë ja'ayëtyën mëti'ipë ka'ap tii yë myëku'uk awin'ëënë tpëjkën ets jëtu'un xytyuknipëkëty ya'atë tuunk, mëti'ipë wyintänëtëpën ja ja'ayëty nitu'kmiljaty, nitu'kmëko'pxjaty, niwëxtyikxymyajkjaty ets nimajkjaty.

Génesis 42:18

e kom tëkëëk xëëw ojts t'ënëëmë: Ëjts ntsë'këpës yë Tios, tuntë ya'atë ets miits npokymyä'kxtëty.

Mateo 24:45

¿Pën jëtää ja tuunk oy y'ëkmëpëtsëmëp? ko ja Wintsën tyajwë'ëmëty tu'uk ja tyuunpë ma ja tyëjkën mëti'ipë yajja'akyäyëpën tiempëpaaty.

Nehemías 7:3

Ets n'ënëmaaytyë ko këtii tëjk'aaw tyaj'ëwa'atstëty tëë ënäty yajxon xyiiynyë täänëm tyaj'ëwa'atstëty, näjyëtu'un ko tyaj'ëtuktëty jää ko ënäty jyam'atënëm ja ijx'ijt këwent'ajtpëty. Ojts näjyëtu'un ntuknipëktës ja'ayëty mëti'ipë ja Jerusalén kajpn kyëwent'atëpën ets mëti'ipë y'ijx'it kyëwent'atëpën ja jyëën tyëjkëty.