Nahúm 2:4 - Biblia Mixe de Quetzaltepec

⁴ Yë pyujxnwintëkäämpë janty najx janty tëjkëtyëp tu'k në'ë tu'ktu'u, janty winpijt janty atëjtëp jap kajpnjoty, jëtu'un yaj'ijxnë tä yë jëëntooytyuk yeenyën ets tä yë wëtsuk tyi'kxyën.

Biblia Dc en Mixe de Quetzaltepec

⁴ Yë pyujxnwintëkäämpë janty najx janty tëjkëtyëp tu'k në'ë tu'ktu'u, janty winpijt janty atëjtëp jap kajpnjoty, jëtu'un yaj'ijxnë tä yë jëëntooytyuk yeenyën ets tä yë wëtsuk tyi'kxyën.

Nahúm 2:4 ပူးပေါင်းရင်းမြစ်များ

Jeremias 4:13

Ëk'ixtë wi'ix myinyën yë mëtsip tä tu'uk yootsën, yë pyujxnwintëkäämpë jëtu'un yaj'ixy wyinkontë pojxujtykyën, yë kwaay jëtu'unyë yaj'ijxnë kyääkë'knëtë witsnën. Janty mon janty tuk ëëtsajtëm nyajpatëmë, tëë ntëko'oyëmë.

Ezequiel 26:10

Ko ënäty yë Babilonyë yajkutujkpë tnitëkë yë mnaax mkajpn ma tëjkëtyaknën, jëtu'un tä yajnitëkën yë kajpn ajotkumonë, nëkooyë nëjkx tmëtëjkënë yë maykyëwaay ets yajxon nëjkx yajnaaxjoktë, mëpaatëp yë naaxjok mji'kxënëty, jëtu'un yaj'ijxnëty tsyëtyuuypyëjktaaynyë yë potsy mëti'ipë ja naax kajpn nyapots'ajtypyën mëët ja nä'ämpë ko ënäty myäytyëkëtë ja kwaay ets ja kepy wintëkäämpë;

Isaías 66:15

Jä'ä ko yë Wintsën jëënjotypyën të myiny të jyä'ty, yë kyepy wintëkäämpë jëënyä'änkën kyëxë'ëky; jëtu'un tyajnaaxkëta'aka'any yë y'oyajtën tä jëënpajkën ets tëytyuna'any ja myëtsip.

Daniel 11:40

Ko ënäty tpaaty ja xëëw jëmëjt ma ja jëtu'unpë kyukëxëja'anyën, ja yajkutujkpë ëpa'tkë'ëytsyowpë jää nëjkx tnipëtë'ëky ja yajkutujkpë anëkëjxytsyowpë; je'eyëp ko yë'ë ënätyë näjyëtu'un jyëjpkuwa'akëja'anyë ets tyukja'ta'anyë jëtu'un tä myëkpojyën ets ëxëëk tuna'any ja ëpa'tkë'ëytsyowpë, jëtu'un tukja'ta'any mëët ja pyujxnwintëkäämpë ets ja tsyiptuunpëtëjk tä nëëkomën.

Isaías 37:24

Je'eyë mtuunpë të xytyuk'ëne'emy ets të tnëxi'ik të tukxi'iktë yë Wintsën. Jëtu'un ojts m'ëna'any: Ëjts may kepy wintëkäämpë nmëët'atyës, jampaat muum kopkëjxm nja'tyës, jampaatës të nja'ty ma Líbano kyopk kupi'tykyën. Etsës të npujxë'ktaayë ja y'ajë kepy mëjëtypë ets tsiin kepy oyëtypë. Tëës ntukjëtijtëtyääyë tyun kyopk mëjëtypë ets yukjot kepyjyot mëti'ipë jëtu'un këxë'kpën pëjykyamën.

Jeremias 46:9

Wä'än tnëjkxtë mëti'ipë kwaay tyuk'u'unyääytyëpën. Wä'än tsoontë yë pujxnwintëkäämpë. Wä'än tu'utëkëtë mëti'ipë tsip'ixyëtyën: yë Etiopiiyë tsiptuunpëtëjkëty ets Lidyë tsiptuunpëtëjkëty, mëti'ipë yajxon tyukjajtëpën wi'ix ti'px tyajtuntëtyën.

Ezequiel 23:24

Nëjkxëp mniminyë, mëët yë kepy wintëkäämpë ets mëët yë maytsyiptuunpëtëjk; nëjkxëp myajnatukyë wä'än tmaajëty, mëët yë pyujxn ku'umënëty mëti'ipë tyukyajja'ay o'ktëpën; tä yë akëëytyukën, kujupën ets n'ënëëmëja'antës wä'än mtëytyunyë; jëtu'un tä yë y'ënä'ämën tyiyajtën myintën, jëtu'un xykyëpätëty ja mpoky.

Ezequiel 26:7

Ëjts, Wintsën jëtu'unës n'ëna'any: Nyajminäämpyës yë Nabucodonosor anëkëjxytsyow, mëti'ipë jam Babilonyë ënä'ämpën, mëti'ipë mëk ënä'ämpën yajkutujkpën ets tnitëkëja'any yë Tirë kajpn. Yajminäämpy yë kepy wintëkäämpë, kwaay ets mëti'ipë tyuk'u'unyääpyën, may tyajmuka'any yë jyä'äy.

Proverbios 31:21

Ka'ap jyotmaytyëkë ma y'u'unk y'ëna'kën ko tyityky'äty, jä'ä ko ja y'u'unk y'ëna'k aak myëët'ajtëp ja nyimu'ux.