Miqueas 3:9 - Biblia Mixe de Quetzaltepec

⁹ Mëtoow'itë ya'atë aaw ayuk miitsëty yajkutujkpëtëjk ets miitsëty wintsëntëjkëty mëti'ipë tuuntëpën jam ma Israel kajpnën, miitsëty mëti'ipë je'eyë y'ëxëëk'ijxtëpën ja oypyë ets jaantypë ja nipaye'eyën ets xyajma'ata'atë mëti'ipë oyën,

Biblia Dc en Mixe de Quetzaltepec

⁹ Mëtoow'itë ya'atë aaw ayuk miitsëty yajkutujkpëtëjk ets miitsëty wintsëntëjkëty mëti'ipë tuuntëpën jam ma Israel kajpnën, miitsëty mëti'ipë je'eyë y'ëxëëk'ijxtëpën ja oypyë ets jaantypë ja nipaye'eyën ets xyajma'ata'atë mëti'ipë oyën,

Miqueas 3:9 ပူးပေါင်းရင်းမြစ်များ

Isaías 1:23

Yë mkutujkpëtëjk je'eyë kyäjpxykyumëtoownaxtë, jä'ä pyutëjkëtyëp mëti'ipë yaja'ay o'ktëpën. Aak meeny je'eyë myëmaay myëtajtëp ets jëtu'un winë tuntë ets yi'iyë pyatijtëp ma tii jëtu'unyë namëyajtën tpaatëty. Ka'ap ja ku'ooky u'unk nipaye'eytyë, ka'ap tja'amyätstë mëti'ipë ja ku'ookpyë to'oxytyëjk patëpën.

Proverbios 17:15

Ko yajpokymye'kxy yë tuuntëkooypyë ets yajtëytyuny ka'apë pyokymyëëtëtyën; tääpë mäjtskpëky mëti'ipë Tios ka'ap nijënu'un t'oyjyawën.

Deuteronomio 27:19

Poky yë ja'ay wyë'ëmëty, mëti'ipë o'ktëy yë jaaypyaat jaaypyo'kxy tyuunpyën näjyëtu'un yë ku'ookytyo'oxy ets ku'ooky'u'unk. Ënät ja ja'ay y'ëtsowtëty: Oy, jëtu'un'atëp.

Miqueas 3:1

Mëtoow'itë miits tyam, Israel yajkutujkpëty ets Israel wintsëntëjkëty, ¿Këtii jëtää mpaatëtë miitsëty xynyijawëtëty ja mëtëypyë ets ja jaantypë nipaye'eyënë?

Oseas 5:1

Miitsëty teetytyëjkëty mëtoow'itë ya'atë aaw ayuk; miitsëty Israel ja'ayëty winmëtowtë yajxon; ets miitsëty ja'ayëty ninu'un ja kutujkën xypya'atyääk xypya'tkä'äxëtën ja'akyukëtë yajxon: ëjts ntunäämpyës ja nipaye'eyën ma ja nëë poky të xytyuntën, jä'ä ko miitsëty jëtu'un jam Mispá myajpaatë tä o'këntaknën yu'utsypë, tä tu'uk yë tejxypyën mëti'ipë yaj'anäjp yaj'atä'pxëpën jam ma Tabor kopkën,

Jeremias 5:28

je'eyë ni'kx të y'awinpijnë ko jyi'kxy janaam jatsojk. Ka'ap yajnijawë naak ok të tyuuntëkoy të kyajpxtëkoy: Ko ja ku'ooky u'unk yajnipaye'eyä'äny, ka'ap tnipaye'eytyë mëtëy, mëti'ipë ja ëyoopëja'aytyëjk ja paatë'ajtëtëp, ka'ap tmëmay tmëtajy ets ka'ap tputëkë.

Levitico 26:15

Ets ka'ap xy'ëkmëjpëjktaknëtë ja n'ënä'ämënës ntëyajtënës ets ka'ap xy'ëkpatuunëtëty ja n'aaw n'ayukës, xyjyä'äytyëkooynyëtëty jëtu'unyë ja käjpxytyu'unën, mëti'ipës të njatunyën mëët miitsëty.

Éxodo 3:16

Nëjkx ets woowmuk yë mëjja'aytyëjk jampë yajpaatën ma Israel ja'ayëtyën ets xy'ënëëmëty: Yë Wintsën mëti'ipë yë m'ap m'ok Tyios'atëpën, yë Abraham, Isaac ets Jacob yë Tyiosëty, yë'ë ojts nyänyikëxë'ëkyë maas ëjtsën etsës ojts xy'ënëëmë, ko tëë t'ixy tnijawë wi'ix miitsëty mjatën mkëpätën yaa Egiptë.

Proverbios 18:5

Ka'ap y'oyëty ko yë kutuunktëjk t'oyjyawëtë tëëpë tyuuntëkoyën jä'ä ko tsojk ka'ap tii yajxon tnipaye'eya'antëty ets yë'ë wa'ats ja'ay t'ëkyajpokytyëjkënëtëty.

Proverbios 21:7

Yë ëxëëkja'aytyëjk kë'ëm nyäyajkutëkoya'anëtë ko je'eyë tsyiptuntë, mëët ko ka'ap tsoktë ja oypyë nipaye'eyën.

Ezequiel 44:23

Yë teetytyëjkëty kopkpëky ko yë nnaax nkajpnës tukni''ixëtëty mëti'ipë kënu'kxyën ets mëti'ipë ka'ap kyënu'kxyëtyën, mëti'ipë wa'atsën ets mëti'ipë ka'ap wya'atsëtyën.

Miqueas 1:1

Ya'atë aaw'ajtp ayuk'ajtp, mëti'ipë ojts yë Wintsën tuknikexyën yë Miqueas mëti'ipë jam Moréset kukajpn'ajtpën ets mëti'ipë ojts tuknijawën kuma'ayjoty wi'ix jyata'any kyëpäta'anyën yë Samaria kajpn ets Jerusalén kajpn, ma ënäty yajkutuktë ja Jotam, Ahaz ets Ezequías jam Judá.

Nehemías 13:17

Ënät ntuk'ënëmaayës ja kutuunktëjkëty jampë Judá yajpaatën ets n'ënëmaayës: ¿Wi'ix ko jëtu'unpë ja nëë poky xytyimmëtëjkënyëtë ma naax kajpnën ko ja po'kxënxëëw ka'ap xy'ëk'ëmaay'ajnëtë?

Proverbios 17:23

Yë ëxëëk ja'ay nyimeenypyijkpy ame'tsyë ka'apë myëtëyëtyën, ets jëtu'un tninaxy ja tëyajtën.

Amós 5:7

Janty mon janty tuk yë ja'ay yajpaatë mëti'ipë je'eyë y'ate'empy tyukte'empyën yë tëyajtën.