Miqueas 2:3 - Biblia Mixe de Quetzaltepec

³ Paaty yë Wintsën y'ënä'äny: Ëjts nmëët'ajtypyës ja jot winma'any wi'ixës ntëytyuna'anyën mëti'ipë tuuntëkooypyën. Ntuknikäxantëpës yë ëyo'on jotmay ma ka'ap nëjkx tjëkyepyën wi'ix nyäjyuutëtëtyën ets ka'ap nëjkx amëj akëjxm y'ëkye'ey y'ëknajxnëtë jä'ä ko ja ëyo'on jotmay ënäty ijtp.

Biblia Dc en Mixe de Quetzaltepec

³ Paaty yë Wintsën y'ënä'äny: Ëjts nmëët'ajtypyës ja jot winma'any wi'ixës ntëytyuna'anyën mëti'ipë tuuntëkooypyën. Ntuknikäxantëpës yë ëyo'on jotmay ma ka'ap nëjkx tjëkyepyën wi'ix nyäjyuutëtëtyën ets ka'ap nëjkx amëj akëjxm y'ëkye'ey y'ëknajxnëtë jä'ä ko ja ëyo'on jotmay ënety ijtp.

Miqueas 2:3 ပူးပေါင်းရင်းမြစ်များ

Amós 5:13

Paatykyëjxm yë ja'ay mëti'ipë wijyën amonyë tyim ijty, jä'ä ko y'ijxyp ko ka'ap tii oy wyimpëtsëmy.

Jeremias 8:3

Mëti'ipë ënäty juuky të jyaakwë'ëmtën ma ya'atë ëxëëkja'ayëtyën, oy ënäty myaajëty yajpaatë nëjkxëp tjatsoktë ets jeexyë y'ooktë ets ja juukyajtën ka'ap nëjkx t'ëktsojkën'ajnëtë. Ëjts Wintsën, mëti'ipë maaytyääyëpën winë, ëjts ënaanp.

Jeremias 18:11

Paaty ntuknipëky ets xy'ënëëmëty yë Judá ja'ayëty ets Jerusalén ja'ayëty ko mëti'ipë Wintsën'ajtpën, jëtu'unës n'ënëëmëtë: Tyam miitsëty nimay nitajëtë wi'ix nyaj'ëyo'onpaata'antën, yë'ëjës nmääpy ntäjpy wi'ix ntëytyuntëty. Nik yaj'oyëtë mjot mwinma'anyëty, ëxmatstë ëxëëk tu'u ets oy winë tuntë.

Santiago 2:13

Pën ja myëku'uk ka'ap tpa'ëyoy, näjyëtu'un ja Tios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënäty ja paye'eyën y'ity.

Lamentaciones 5:5

Jëtu'unës näjyawëtë tëëjës yowë xytyukyo'ktsu'umënëtë yë kepy mëti'ipë tsajpkaa myëyuupyën; ja n'ënu'kxëtë ka'apës xyajpo'kxtë.

Lamentaciones 2:17

Tëë yë Wintsën tuny mëti'ipë të tmay të tajyën ets jëtu'un winë të tuny tä të tnikäjpxyën. Tëë tyajkutëkoy mëti'ipë tëëyëp nyikäjpxypën ko tyajkutuka'any, yë'ë të tyajnitukë ets mëtsip mnëxi'ik mtukxi'ikëtëty ets mëtsip mëj'äämpy të tyajnaxy.

Efesios 5:16

Yajtuunk'paatë yajxon ja xëëw jëmëjt, jä'ä ko tsiptakp tyam ja juukyajtën winjëpom.

Romanos 16:4

Yë'ë tëë nyäpyëjkta'akëtë kutsë'ëkëtum, o'kënjëjp'am, ëjtskyëjxm. Nyajnaxyës ja kukajpxën ets ka'apës nätyu'uk nkukajpxë, näjyëtu'un ni'ëmukë nkukajpxës ja mëpëjkpëtëjk mëti'ipë ka'ap jyutiis ja'ay'atën.

Miqueas 2:1

Janty mon janty tuk yë ja'ay yajpaatë mëti'ipë koots myëmaay myëët'ajtëpën wi'ix yë jyiiky myëku'uk ëxëëk tuntëtyën ets ko xyiinyë tëë nyatuuntëkooynyëtë jä'ä ko myëët'ajtëp ja kutujkën mëk'ajtën.

Amós 2:14

Oy jënu'un mjakä'äktëty poj'am myajnajtspaatëtëty; mëti'ipë jotmëk janäyjya'awëyëpën jëtu'unyë myëjaawkëxa'any, oy yë'ëjëty ja'ay mëti'ipë jotmëkën ka'ap tsyo'oka'any.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Lamentaciones 1:14

Tëës yë Wintsën yë nnëë mpoky xy'ijxë; yë'ëjës të xytyukjëëtsëmë'ëky, tä yë tsajpkaa yajtukutsumyën yë kyepy; ënu'kxëpës. Tëës Wintsën xykyë'ëyäky ma ja'ayën mëti'ipës ka'ap nmëmëta'aka'anyën.

Jeremias 43:2

tä yë Azarías, yë Hosaías yë myaank, yë Johanán, yë Caréah myaank ets wiinkëtypë ja'ayëty amëj akëjxmëpë jyä'äy'atën, jëtu'un t'ënëmaaytyë ja Jeremías: Mëti'ipë mnimëtyäkpyën ka'ap myëtëyëty. Yë Wintsën mëti'ipës nTios'ajtëpën, ka'ap jyëtu'unëty të m'ënë'ëmxëty ets ka'ap të y'ënä'äny ets ka'ap nnëjkxtëtyës jap Egiptë tsënääpyë.

Jeremias 36:23

Ko ja Jehudí tkajpxta'ay ja noky tëkëëk taxk waats, tääts ja yajkutujkpë tuktsukë ja noky ets tjëënkupëky. Aakjëtu'un tuuntaay koonëm tno'ktaay.

Jeremias 34:17

Paatyës mëti'ipë Wintsën'ajtpën, jëtu'unës n'ëna'any: Miitsëty ka'apës të xymyëmëtowtë, ka'ap të xy'ëxmatstë ets të xyaj'ëwaatsëpëtsëmtë ja mjëëky mmëku'ukëty mëti'ipë të xyajmëtuntën; e ëjts yë'ëjës nnajtsmatsëjäämpy yë tsip käjpxy, yuu xëëw ets pa'am ëyo'on, mëti'ipë ëxëëk myajjat myajkëpätëtëpën ets naax kajpn tsyë'ëkëtëty. Ëjts Wintsën, ëjts ënaanp.

Jeremias 27:12

Ëjts Jeremías, ojtsës nkajpxnajxta'ay ya'atë aaw ayuk ma Sedequías yajkutujkpën, mëti'ipë jam Judá ënä'ämpën ets ojtsës n'ënëëmë: Näkyë'ëyakëtë ma Babilonyë yajkutujkpën ets ma nyaax kyajpnën ets mjuuky'atëty.

Isaías 5:19

Miitsëty mëti'ipë ënantëpën: Wä'än yë Tios tsojkyë tuunkojy tii tyunäämpyën ets n'ijxmëty; wä'än tsojkyë tuunkojy mëti'ipë të tuknipëjktaakën, ets nija'awëmëty.

Isaías 3:16

Näyjyëtu'un yë Wintsën y'ënä'äny: Ja to'oxytyëjkëty mëti'ipë jam Sión kukajpnajtëpën, ja amëj akëjxmëpë jyuuky'atën; ja në'ix pa'at'ijxpë jyä'äy'atën, ja wiinkonjatypë nyajtswa'akëtën ets mëti'ipë yaj'ënantëpën ja tyekytsyum,

Deuteronomio 28:48

Yë mmëtsiptëjk yë'ë nëjkx xymyëtuny mëti'ipë ja Wintsën të mtuknikexyën ets ëxëëk mtunëtëty. Nëjkxëp m'ayuu'aty m'axëëw'aty, nëjkxëp ja nëëtëëtsë xymyënaxy xyajnaxy, ni mwit ni mtujkxy nëjkx kyaka'ty, o'ktëy mjat mkëpätëty. Yë Wintsën nëjkx jëtu'un myaj'ëyoyë, koonëm m'ookëty mtëkoyëty.

Amós 3:1

Israel ja'ayëty, mëtowtë wi'ix ja Wintsën t'ënëëmën ja kajpn mëti'ipë jap Egiptë yajpëtsëëmën:

Amós 3:2

Mijtsyë tu'uk të nwin'ixy ma ja naax kajpn may yajpaatën naaxwiiny naaxkëjxy. Paatykyëjxmës mpaye'eyä'äny ja nëë poky ma miitsëtyën mëti'ipë të xytyuuntëkoytyën.

Isaías 29:20

Kutëkoyantëp ja ëxëëkja'aytyëjk, ka'ap maa y'ëkyajpaatanëtë mëti'ipë ëxëëk ëtëtstëp ënantëpën, kutëkoyantëp näjyëtu'un ja ja'ayëty mëti'ipë myëmaay myëët'ajtëpën ja ëxëëktu'un ëxëëk kajpxën,