Mateo 5:9 - Biblia Mixe de Quetzaltepec

⁹ Jotkujk yë ja'ay yajpaatë mëti'ipë tsyojktëp ets jyää'atëty ja jotkujk'ajtën, jä'ä ko yë'ë Tios u'unkniwa'ananëtëp.

Biblia Dc en Mixe de Quetzaltepec

⁹ Jotkujk yë ja'ay yajpaatë mëti'ipë tsyojktëp ets jyää'atëty ja jotkujk'ajtën, jä'ä ko yë'ë Dios u'unkniwa'ananëtëp.

Mateo 5:9 ပူးပေါင်းရင်းမြစ်များ

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Tios nëjkx t'ixy.

Romanos 12:18

Maapaat mëta'aktën, itë akujk jotkujk ma ja ja'ayëtyën.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Salmos 120:6

Jekyës yajxon të njuuky'äty ma ja'ayëtyën mëti'ipë ka'ap tsoktën ets jyää'atëty ja akujkajtën jotkujk'ajtën.

Romanos 8:14

Tëkokyë ja ja'ayëty mëti'ipë në'ëmooy tu'umooyëpën ja Tios ja Kyënu'kxymyëk'ajtën, Tios ja u'unk'atanëtëp.

Lucas 6:35

Mtsoktëp miits ja mmëtsip, tuntë ja oypyë, tuntë ja mëyajtën; tuk'ënu'kxtë winë mëku'uk ets këtii xyjyëjp'ixtëty ets jatëkok mooywyimpitëtëty. Jëtu'un miits mëj nëjkx myajkumaytyë ets nëjkx m'u'unk'atëtë ja Tios tsajpjotmëpë, jä'ä ko yë'ë oy Tyios'aty ma ja ja'ayëtyën mëti'ipë ka'ap tii tkukajpxën ets ëxëëkpë jyä'äy'ätyën.

2 Corintios 13:11

Tyamës nkajpxwë'ëmy mëku'uktëjkëty, ntukmëtsojktëp ets akujk jotkujk mjuuky'atëty. Yë'ë ixta'atë mëti'ipë wa'atsën. Patuntë mëti'ipë ojts ntuknijayëtën ets itë tu'ukyë mëët ja jotkujk'ajtën. Pën mtuuntëp jëtu'un, m'itantëp mëët ja Tios mëti'ipë ja oyjyot oywyinma'any yäjkpyën tëy tëtä'äky.

Colosenses 3:13

Nämyëmä'kxtukëtë nixim niyam ets nänyimä'kxëtë näjyëtu'un. Jëtu'un ijxtëm ja Kristë të mnimä'kxëtën, näjyëtu'un miits yë mmëku'uk xynyimä'kxtëty.

Salmos 34:12

¿Mjuuky'ataanp jekyë? ¿Mtukxoonta'akäämpy yë juukyajtënë?

Mateo 5:48

Wa'ats nnäyaj'itëtë, ijxtëm yë Tios tsajpjotmëpë wa'ats nyäyaj'ityën.

2 Corintios 5:20

Yë'ë të xytyuknipëjkëm ets ja Kristë nkutënä'ämyëty, ets jëtu'un tpaaty ijxtëm jeexyë miits mmënu'kxta'akëtën ja Tios, je'eyëp ko ëëts xyajkajpxtëp. Jëtu'un miits nmënu'kxta'aktë mëët ja Kristë ja xyëëw ets mnämyë'oypyëkëtëty mëët ja Tios.

Hechos 7:26

Komjëpom ja Moisés tpaty ja jyä'äy, Israel ja'ayëty nimäjtsk jam tsyiptuntë aak yë'ëjëty. Tääts t'ënëmaay: këtii aak miits mtsiptuntë, mtu'kmëku'uk miitsëty. ¿Tii ko mnätsyiikëtë?

Mateo 5:45

Jëtu'un xyajnikëxë'ëktëty ko Tios tsajpjotmëpë m'u'unk'atëtë; jä'ä ko xëëw tyajpëtsëmy tyuknijajtääpy oyjyä'äy ka'oyjyä'äy, ets ko tyajtu'uy yajnituutääpy wä'än twa'atsja'ayëty ëkë t'ëxëëkja'ayëty.

1 Crónicas 12:17

Ko ja David jëtu'un tmëtoy'äjty ënät ojts jyëjpye'eyë'ëkëtë ets y'ënëmaayëtë: Pën miitsëty janty tëy ko jä'ä mëmiintëp ja oypyë ja jot winma'any, tyamës n'apëky nkupëky ets miitsëty ëëts xypyuwa'akëtëty; e pën miitsëty je'eyë mintë etsës xykë'ëyaka'antë maas ja nmëtsiptëjkën, ets ka'apës tii poky të ntuuntëkoy, yë Wintsën mëti'ipë y'ëwtajtën ja n'ap'ajt n'ok'ajtëm yë'ë y'ixëp nyijawëp ets xynyipaye'eyëtyës ets mtukëpätëtëty ja mpokyëty.

1 Corintios 6:6

Yë mëpëjkpëtëjkëty ka'ap jye'eyëty tsyiptuntë, näjyëtu'un ënätyë nyëjkxkojtë ma ja paye'epyën mëti'ipë ka'ap myëpëkyën.

Filipenses 4:2

Npëjktsoopyës ja Evodia ets ja Sintique ets tkajpx'oyëtëty ja tsyipëty ma ja Wintsën tmëpëktën.

Lucas 20:36

jä'ä ko ka'ap nëjkx t'ëkjëkyäjpnë y'ooktëty. Aakjëtu'un yajpaatanëtë tä Tios kukäjpxy, aak Tios u'unk'atanëtëp jä'ä ko ënäty të jyuukpyëktë.

Efesios 4:1

Paaty ëjts, maas yap tsumy n'ityën koos yë Wintsën Jesukristë tmëpëky, tyam miits nmënu'kxta'aktë ets jëtu'un mjuuky'attëty ijxtëm ja ja'ayëtyën mëti'ipë ja Tios të myëkajpxëtën, ijxtëm miitsëty ojts mjuuky'atën.

Romanos 8:16

Ets nän yë'ë ya'atë Kënu'kxymyëkajtën mëët tu'ukyë yajpaaty mëët ëëts'ajtëmë ets nyajtijmëty Tios y'u'unk.

Romanos 8:19

Tu'kë'ëyë mëti'ipë ja Tios të tyajkojyën jyëjp'ijxtëp ja xëëw ma ja Tios tyajnikëxë'ëkanyën mëti'ipë y'u'unk'ajtypyën.