Mateo 3:2 - Biblia Mixe de Quetzaltepec

² ets y'ënä'äny: Ixmatstë ja mka'oywyinma'anyëty; tää wyinkony ja kutujkën tsajpjotmëpë.

Biblia Dc en Mixe de Quetzaltepec

² ets y'ënä'äny: Ixmatstë ja mka'oywyinma'anyëty; tää wyinkony ja kuttujkën tsajpjotmëpë.

Mateo 3:2 ပူးပေါင်းရင်းမြစ်များ

Mateo 4:17

Tääts ja Jesús ojts ëka'any ja tyuunk tyajtso'ontä'äky, tkajpxwä'kxy ja Tios ja y'aaw y'ayuk ets y'ënäny: Wimpitë ma Tiosën, jä'ä ko wiinkoonp ja tsajpjotmëpë kutujkën.

Marcos 1:15

ets y'ënäny: Tëë ja xëëw jëmëjt tpaaty, wiinkoonp ja Tios ja kyutujkën. Jootwinpitë ma Tiosën ets ëxajëtë mëët ja mëpëjkën ja oy aaw oy ayuk.

Daniel 2:44

Ma ënäty tääpë yajkutujkpëtëjk y'ënä'ämtën, jää nëjkx yë Tios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kutujkën tyajkutëkooytyä'äy ets yë'ë xëmëkyëjxm nëjkx y'ity.

Lucas 24:47

ets yajkajpxwa'kxëty ma tu'kë'ëyë ja kajpnën, Jerusalén tsyo'onta'akëty, yajtuk'ëwaanëtëp ets tyajtëkatstëty ja wyinma'any, wä'än ja Tios tmëpëktë ets ja pyoky yajnimä'kxtëty.

Mateo 6:10

Yajmin ja mkutujkën. Wä'än tunyë tjatyë naaxwiiny tä mijts të xytyuknipëjktaakën jam tsajpjotm.

2 Corintios 7:10

Ja mo'onën tujkën mëti'ipë yajmënajxp yajjëjpnajxpën ijxtëm ja Tios tsokyën, yë'ë jëtu'un yajjootwinpijtp ets ja nitsokën npatmëty ets ka'ap tii nmëma'ay nmëtajmëty. E ko nmëma'ay nmëtajmëty jëtu'un ijxtëm ja mëti'ipë myëmaay myëtajtëpën ja naaxwiinyëtë winma'any, o'kën yë'ë tukpatp.

Mateo 10:7

Ko jam mnëjkxtëty nikajpx nimëtya'aktë ko tää ja tsajpjotmëpë kutujkën wyinkony.

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Lucas 15:10

Jëtu'un miits nëëmëtë ko näjyëtu'un ja Tios ja y'anklës xyoonta'aktë ko tu'uk ja pokyjyä'äy jyootwimpity.

Lucas 13:3

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Lucas 11:20

Näyjyëtu'unës ëjts, Tios yë myëk'ajtën mëët n'ixkexyës yë ku'oypyë, jëtu'un xyjyä'äkyukëtëty ko ja Tios ja kyutujkën të tyajtso'ontä'äky ma miitsëtyën.

2 Pedro 3:9

Ka'ap n'ëna'anmëty ko Tios poxp ko tkuuytyuna'any ja tëëpë twaantä'äkyën, jëtu'un ijxtëm pënëty myäytyë tyajtën; jä'ä tëy mä'kxtujkp jëtu'un, yë'ë jyatuumpy ets jeexyë ni'ëmukë ja'ay jyotwinpijta'ay këtiipë pën y'ëyo'onpaatëty.

Hechos 17:30

Tios ka'ap ojts tëëyëp tmëjpëjktä'äky oy ja ja'ay ka'ap oy myäytyë tyajtë, tyam yë'ë tsyojkpy, ets tëkokyë ja ja'ay wyimpijta'atëty ma yë'ëjën

Hechos 11:18

Ko jëtu'un tmëtoowtë ja Jerusalenkëtë mëpëjkpëtëjkëty, tää amonyë wyë'ëmtaaytyë ets ja Tios tmëjja'awëtyë: Tyam yajja'akyukë ko tëë jëtu'un ja Tios tuknipëjktaakë ets näjyëtu'un tpaatëty ja juukyajtën xëmëkyëjxmëpë mëti'ipë ka'ap jyutiis'atën, ko ja y'ëxëëk winma'any të t'ëxmatstë.

Hechos 2:38

Tää ja Pedro y'ëtsooy: Ixmatstë ja m'ëxëëk winma'anyëty, jootwinpitë ets mnëëpätëty tu'ukjaty Jesús xyëëwkyëjxm ets ja mpoky yajmä'kxtëty, ets näjyëtu'un ja Kënu'kxymyëkajtën myajmo'otëty.

Lucas 6:20

Ënät ja Jesús twin'ijxpejty ja y'ijxpëjkpëtëjk ets t'ënëmaay: Akujk jotkujk miitsëty myajpaatë mëti'ipë ëyoowtëpën, jä'ä ko miits mjä'ä'ajtëp ja Tios ja kyutujkën.

Mateo 13:52

Ënät ja Jesús y'ënëmaayëtë: Ko tu'uk tsajptëkotyëtë yaj'ijxpëjkpë yajtukni''ixë ja tsajpjotmëpë kutujkën, jëtu'un tä tu'uk ja'ayën mëti'ipë kutëjk'ajtpën, nyija'ap mëti'ipë jap tëkoty myëët'ajtypyën pëjkë'ëky, ets ko tii jap tyajpëtsëma'any nyija'ap mëti'ipë jemyën ets mëti'ipë tëkën.

Mateo 13:47

Yë tsajpjotmëpë kutujkën tsojk jëtu'un mpëjktakmëty tä tu'uk yë tsaay ajkxmajtsn mëti'ipë yajnëëkujëpijpën ets tkujëpipy kanaakjëjp ja ajkx.

Mateo 13:33

Ojts näjyëtu'un tyukmëmëtya'akëtë ya'atë ijxpäjtën: Jëtu'un ja tsajpjotmëpë kutujkën ijxtëm ja levadura, mëti'ipë ja to'oxytyëjk tëkëëk kijpxn tyukmëtijëyën ja tsajpmokway. Ënät ja levadura tuktëjkëtyääy ja jësty.

Mateo 12:41

Ko nëjkx ja naaxwiinyëtë ja'ay yajpaye'eytyë ja nyëë pyokyëty, tso'onkantëp ja Nínive ja'ayëty, jä'ä ko yë'ëjëty ojts yë Tios tmëpëktë ko ja Jonás ojts tyukmëmëtya'akëtë ja Tios ja y'aaw y'ayuk, ets mëti'ipë tyam yaa yajpatpën mëj'äämpy ni'ik këtiinëm ja Jonás.

2 Timoteo 2:25

ets tkajpxwijëty mëët yë yu'unk'ajt naxym'ajtën mëti'ipë käjpxy kyumëtoownajxtëpën, yaj'ëwxitëty ets ja Tios niwinpittëty ets nijawëtëty ja tëyajtën.

Colosenses 1:13

Tëë ja Tios xyaj'ëwa'atspëtsë'ëmëm ma ja ku'oypyë yajkutukyën ets tëë xypyëjktakëm ma yajkutukyën ja y'U'unk, mëti'ipë ni'ik tsyojkpyën.

Hechos 20:21

Wä'än tjutiis ja'ayëty tkajutiis ja'ayëty, ni'ëmukës të nëëmëtë ets mwinpitëty ma Tiosën, xy'ëxmatstëty ja ëxëëk winma'any ets xymyëpëktëty ja Wintsën Jesús.

Lucas 15:7

Tëyës n'ëna'any ko näjyëtu'un jam tsajpjotm xyoonta'aktë ko tu'uk ja pokyjyä'äy jyotwinpity këtiinëm ja nimajkta'px majkpë ja wa'ats ja'ayëty mëti'ipë ka'ap tyajmëyatën jyootwinpitëty.

Lucas 13:5

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Lucas 9:2

Ojts tkexy ets tkajpxwa'kxtëty ja Tios kyutujkën ets tyajtso'oktëty mëti'ipë pëjkëtëpën.

Marcos 6:12

Tääts ja y'ijxpëjkpëtëjk ojts tsyoontë ets ojts nyëjkxtë Tios y'aaw y'ayuk kajpxwa'kxpë, ets ja ja'ay ja y'ëxëëk winma'any t'ëxmatstëty, wä'än tjootwinpitë ma Tiosën.

Marcos 1:4

Jëtu'un ja Juan nyäkyajpxkëxë'kyë jam të'ëts'itjotm; aakjëtu'un ja ja'ay t'ënëëmë ets jyotwinpitëty ma Tiosën ets nyëëpätëty, jëtu'unts ja Tios pyokymyä'kxëtëty.

Mateo 5:10

Jotkujk yë ja'ay yajpaatë mëti'ipë yaj'ixjëtijtp yajpaajëtijtëpën mëët ko mëtëy tii tnipaye'eytyë, jä'ä ko yë'ë nëjkx tjä'ä'atë tsajpjotmëpë kutujkën.

Mateo 5:3

Jotkujk yë ja'ay yajpaatë mëti'ipë jyot wyinma'any jëtu'un yajmaay yajtajtëpën tä ëyoopëja'ayëtyën, jä'ä ko yë'ë jyä'ä'atantëp ja tsajpjotmëpë kutujkën.

Ezequiel 33:11

E ëjts Wintsën, njuukyajtënës yam ntukkajpxpejtyp ko ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets jyuukyajtën tyajtëkatstëty ets jyuuky'atëty. Miitsëty Israel ja'ayëty ëxmatstë tääpë ëxëëk juukyajtën. ¿Tii ko m'ooktëty?

Job 42:6

Paaty yam ntukjootwinpity, maas yam n'u'unyën kuyjaamjoty ets naaxwayjoty.

Apocalipsis 2:21

Tëës nmo'oy ja tiempo ets jyootwinpitëty; je'eyëp ko yë'ë ka'ap tmajtstu'uta'any ja y'ëxëëktu'unën.

Mateo 13:31

Ojts näjyëtu'un yë Jesús tnimëtyä'äky ya'atë ijxpäjtën: Jëtu'un ja tsajpjotmëpë kutujkën ijxtëm ja mostasë pajkën mëti'ipë tu'uk ja ja'ay nyipën kyamjotm.

Mateo 13:11

Tääts ja Jesús y'ëtsoowëtë: Miitsëty tëë ja Tios mtuknijawëtë mëti'ipë yu'utsy myëët'ajtypyën jam ma tsajpjotmëpë kutujkënën, e yë ja'ayëty ka'ap tnijawëtë.

Mateo 6:33

Jamts miits jëyëjp xypyëjkta'aktëty ja mjot mwinma'anyëty ma ja tsajpjotmëpë kutujkën ets xytyuntëty mëti'ipë Tios tsyojkpy ets xy'ëxajëtëty tëkokyë ya'atë jotkujk'ajtën.

Apocalipsis 2:5

Paaty mëmay mëtaj ma të mka'ayën, ja'amyäts ja Tios ets xytyuntëty ja oypyë jatëkok ijxtëm më'ëka'anyën. Pën ka'ap, ninëjkxëp yë'ë ets njëpëka'anyës ja mcera ato'oyën ma y'ityën, e ko mjootwinpitëty ka'ap jëtu'un jyatëty.

Hebreos 6:1

Tsojk nyajtu'uye'eyëm ja Tios ja y'aaw y'ayuk koonëm kä'pxy nnija'awëmëty mëti'ipë ja Tios tsyojkpyën. Ka'ap yi'iyë ntukjotkujk'ajtmëty mëti'ipë të nyajtukni''ijxëmën ko Kristë ojts ëka'any nmëpëjkëmë. Ka'ap jatëkok n'a'ijxpëjkëmëty, wi'ix ja ja'ay jootwinpittëty, wi'ix t'ëxmatstëty ja ëxëëk juukyajtën mëti'ipë tukpatpën ja o'kën, ëkë wi'ix tmëët'atëty ja mëpëjkën ma Tiosën,

Hechos 26:20

Täätsës jëyëjp ojts ntuk'ëwaanëtë ja Tios ja y'aaw y'ayuk ja ja'ayëty mëti'ipë jam tsënaaytyëpën Damaskë ets näjyëtu'un jam Jerusalén ets mëti'ipë jam ijtëpën Judea y'itjotm; näjyëtu'un ntuk'ëwa'anëtyës mëti'ipë ka'ap jyutiis ja'ay'atën. Jëtu'unës ja ja'ay n'ënëmaay ets jyotwinpitëty ets ja Tios tmëpëktëty ets jëtu'un tyajnikëxë'ëktëty ko tëë t'ëxmatstë ja y'ëxëëk winma'anyëty.

Mateo 22:2

Jëtu'un ja tsajpjotmëpë kutujkën ijxtëm ja yajkutujkpë xyëëwtunyën ko ja myaank tyajpëka'any.

Mateo 25:1

Jëtu'un ja tsajpjotmëpë kutujkën jyata'any ko tpaatëty ja xëëw jëmëjt ijxtëm jyäjtyën tëkok ma ënäty ja ja'ay pyëktën: nimajk ja to'oxy'ëna'këty mëti'ipë ojts ja kyutë'kxn tkontën ets t'ëwxitë ja ye'etyëjk pëjkpë.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kutujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Mateo 20:1

Jëtu'un ja tsajpjotmëpë kutujkën npëjktakmëty ijxtëm tu'uk ja kukamën, mëti'ipë ojts tsyoonyën tsojkyë tuunpë ixtääpyë ets tyuntëty ma ja tsyätym kamën.

Mateo 18:23

Paatyës jëtu'un n'ëna'any: Yë tsajpjotmëpë kutujkën jëtu'un yë'ë ijxtëm tu'uk ja yajkutujkpë tmëtyoyën ja meeny mëët ja tyuunpëtëjk mëti'ipë të tyajtunyën.

Mateo 11:20

Tääts ja Jesús t'ojtso'ontäky ja naax kajpn ma ënäty kanaak ja Tios ja myëj'ajtën të tyaj'ijxën, jä'ä ko ka'ap ënäty të tmëpëktë ja Tios. Ënät ja Jesús y'ënäny:

1 Reyes 8:47

pën jootwinpijtë ets yaj'o'oyëtëp ja jyot wyinma'anyëty; y'ëna'antëty: Tëë mpokytyu'unëmë ets tëë ntëko'oyëmë, nmëët'ajtëmë ja nëë poky.

Lucas 21:31

Näyjyëtu'un ko xy'ixtëty ko tyunëtëty jyatëtëty mëti'ipës të nkäjpxyën, jëtu'un xynyijawëtëty ko wiinkoonp ja Tios ja kyutujkën.

Lucas 16:30

Ënät ja kumeenyjyä'äy y'ëtsooy: Tatë Abraham, jootwinpitëp yë'ëty, je'eyëp ko ënät ko tu'uk yë o'kpë jyuukpyëkëty ets nyinëjkxëtëty.

Mateo 25:14

Näyjyëtu'un ja Tios ja kyutujktakn npëjktakmëty ijxtëm tu'uk ja ye'etyëjkën mëti'ipë jëkäm nëjkxpën. Ko tsyoona'any, ënät tmëkajpxmujkta'ay ja tyuunpëtëjk ets tuknipëky ets ja meeny tyaj'u'unk'atëty.

Mateo 13:24

Tääts ja Jesús tnimëtyäky wiinkpë ja ijxpäjtën: Yë tsajpjotmëtë kutujkën jëtu'un yë'ë ijxtëm ja ja'ay twëjyën yë oytyëëmp kyamjotm.

Mateo 4:23

Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kutujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Lucas 1:16

Yë'ë yajjootwinpitëp may ja Israel ja'ay ma ja Wintsënën.

Job 39:12

¿M'ënaanpën mputëkëtëty ma ënäty yë mpëjktä'äky xyajmukyën ets ma ënäty xyajpajk'atyën yë mtsajp mokë?