Mateo 2:4 - Biblia Mixe de Quetzaltepec

⁴ Ënät ja Herodes twoowmujktaay ja teety wintsëntëjk ets näjyëtu'un ja tsajptëkotyëtë yaj'ijxpëjkpëtëjk ets tyajtëëy, ¿maa myina'any kyä'äxa'any ja Kristë?

Biblia Dc en Mixe de Quetzaltepec

⁴ Ënet ja Herodes twoowmujktaay ja teety wintsëntëjk ets näjyëtu'un ja tsajptëkotyëtë yaj'ijxpëjkpëtëjk ets tyajtëëy, ¿maa myina'any kyä'äxa'any ja Kristë?

Mateo 2:4 ပူးပေါင်းရင်းမြစ်များ

Hechos 23:9

Ni'ëmukë mëk yujk'ënantë; näjyëtu'un ja fariseë ja'ayëty, ojts wya'kukëtë ets mëk y'ënantë: Ya'atë ja'ay ka'ap tii poky tuuntëkoy tkajpxtëkoy. Wä'änxyëp yë anklësëty të myëkäjpxyë.

Hechos 6:12

Tääts ja naax kajpn tyajjoot'anpëjktë ets ja mëjja'aytyëjkëty ets ja tsajptëkotyëtë yaj'ijxpëjkpëtëjkëty ets tmajtstë ja Esteban. Tääts ojts tyajnëjkxtë ma ja tsajptëkotyëtë yajjuntë'ajtpën.

Mateo 21:23

Tääts ko ja Jesús tyëjkëy ma ja tsajptëjkën. Tam ënäty yaj'ixpëky ko nyimiinëtë ja teety wintsëntëjkëty mëët ja mëjja'aytyëjkëty, mëti'ipë jutiis ja'ayëtyën ets yajtëëwëtë: ¿Tiikutujkën mëët ya'atë xytyuny? ¿Pën yë kutujkën mmooyëp?

Mateo 7:29

jä'ä ko kutujkën mëët yaj'ixpëky ets ka'ap jyëtu'unëty ijxtëm ja tsajptëkotyëtë yaj'ijxpëjkpëtëjkëtyën.

Hechos 4:5

Komjëpom ja kutuunktëjk, mëjja'aytyëjkëty ets ja tsajptëkotyëtë yaj'ijxpëjkpëtëjk ye'eymyujktë jam Jerusalén.

Juan 18:3

Ënät ja Judas twoowja'ajty ja tsiptuunpëtëjk, mëjtsajptëkotyëtë këwent'ajtpëtëjk ets ja teety wintsëntëjk, yë'ë ja fariseë ja'ayëty käjxëtëp. Jëtu'un jyajtë mëët ja kyutë'kxnëty, pujxn ets kepy.

Juan 8:3

Ja tsajptëkotyëtë yaj'ijxpëjkpëtëjk ets ja fariseë ja'ayëty ojts tyajnëjkxtë tu'uk ja to'oxytyëjk mëti'ipë ënäty të tkupaatëtën ko ye'etyëjk tmëëtëty mëti'ipë ka'ap tpëkyëtyën ets ojts tpëjkta'aktë mayjyä'äyjoty.

Juan 7:32

Ko ja fariseë ja'ayëty tmëtoy'ajtëy ko ja ja'ay ja Jesús tnikäjpxy tnimëtya'aktë, ënät yë fariseë ja'ayëty ets ja teety wintsënëty ojts tkäxtë ja mëjtsajptëjk këwent'ajtpë ets tmatstëty ja Jesús.

Juan 3:10

Ets ja Jesús y'ëtsoowë: Israel ja'ay yaj'ijxpëjkpë mijts, ¿ets ka'ap ya'atë xynyijawë?

Lucas 23:10

Näy tam ënäty ja teety wintsënëty ets ja tsajptëkotyëtë yaj'ijxpëjkpëtëjk mëti'ipë mëktä'äky ë'ëntëpën.

Lucas 20:19

Ënätyë ja teety wintsëntëjk ets ja tsajptëkotyëtë yaj'ijxpëjkpëtëjk tjamatsantë ja Jesús, jä'äkyëjxm ko jëtu'un tja'awëtyë yë'ë yowë yajwinkajpxpäjtëp ko ënäty ja Jesús ja ijxpäjtën jëtu'un të tnimëtyä'äky.

Jeremias 8:8

¿Wi'ix mijts m'ëna'ana'antë ko m'ijxpëkyjyä'äy'atë ets ko mmëët'ajtëp ja Wintsën ja y'ënä'ämën tyiyajtën? Tëës yë jääpyëtëjk tyajma'ta'atë ja n'ënä'ämënës ntëyajtënës.

Marcos 8:31

Tääts ja Jesús tuk'ijxpëjktso'ony ja y'ijxpëjkpëtëjk wi'ix ënäty mëk y'ëyo'onpaata'anyën. Ko ka'ap kyupëka'anyë ja mëjja'aytyëjk, ja teety wintsëntëjk ets ja tsajptëkotyëtë yaj'ijxpëjkpëtëjk. Ojts tuk'ëwaanë ko yaj'ooka'anyë ja ja'ay je'eyëp ko kom tëkëëk xëëw jatëkok jyuukpyëka'any.

Mateo 27:1

Ko xyiinytyäky, ni'ëmukë ja teety wintsëntëjk ets ja mëjja'aytyëjk ojts tkäjpxy'atë ko ja Jesús y'ookëty.

Mateo 26:47

Tam ënäty ja Jesús kyäjpxynyëm ko ja Judas jyä'äjty, mëët ja mayjyä'äy, tam mëti'ipë tëypyujxn myëët'ajtypyën ets mëti'ipë kepy myëëtën, yë'ë käjxëtëp ja teety wintsëntëjkëty ets ja mëjja'aytyëjkëty.

Mateo 26:3

Jää it ja teety wintsëntëjk ojts ye'eymyuktë mëët ja mëjja'aytyëjkëty jam ma ja teety wintsën Caifás ja tyëjkën.

Mateo 21:15

E ko ja teety wintsëntëjk ets ja yaj'ijxpëjkpëtëjk, mëti'ipë ja ënä'ämën tëyajtën nyija'awëtëpën, ko jëtu'un t'ijxtë ko ja Jesús ja mëj'ajtën tuny ets tmëtoowtë ko ja pi'k ëna'k mëk y'ëna'antë Hosana, Hosana, yajkutujkpë David yë y'U'unk, tääts jyoot'anpëjktë,

Mateo 13:52

Ënät ja Jesús y'ënëmaayëtë: Ko tu'uk tsajptëkotyëtë yaj'ijxpëjkpë yajtukni''ixë ja tsajpjotmëpë kutujkën, jëtu'un tä tu'uk ja'ayën mëti'ipë kutëjk'ajtpën, nyija'ap mëti'ipë jap tëkoty myëët'ajtypyën pëjkë'ëky, ets ko tii jap tyajpëtsëma'any nyija'ap mëti'ipë jemyën ets mëti'ipë tëkën.

Malaquías 2:7

Kopkpëky ko yë teetytyëjkëty jëtu'un mëpaat tyuntë ets ja'ay tuk'ëwaanëtëty wi'ixës mëpaat xy'ixy'atën ets ja'ayëty kopkpëky ko tyajtëwtëty yë teetytyëjkëty wi'ix mëpaat tnijawëtën ëjts yë n'ijxpëjkënës, jä'ä ko yë'ëjëty, yë'ë nyikajpx nyimëtyaktëp yë aaw ayuk mëti'ipë yë Wintsën, mëti'ipë maaytyääyëpën winë y'aaw'ajtyp y'ayuk'ajtypyën.

Salmos 2:2

Yë yajkutujkpëtëjkëty ets mëj ënä'ämpëtëjkëty tëë tkäjpxykyumëtoownaxtë yë Wintsën, tu'ukmukyë të tkäjpxy'atë wi'ix tyaj'atëkoya'antën ja Wintsën ets y'ënä'ämpë mëti'ipë të twin'ixyën.

Nehemías 12:7

Salu, Amoc, Hilquías ets Jedaías. Ya'atë ja'ayëty yë'ëjën nyikopk'ajtë myëku'uktëjkëty ets ja teetytyëjkëty ma ja Josué jyuuky'äjtyën.

Esdras 10:5

Ënät ja Esdras wya'akë'ky ets t'ënëmaay ja teetytyëjkëty ets ja Leví ja'ayëty ko tyunäämpy ja mëti'ipë ënäty të yajtuknipëkyën ets ni'ëmukë ja Israel ja'ayëty putëkëjantëp;

Esdras 7:6

Yë Esdras mëj'ijxpëky ja'ay ijty, ojts ni''ijxpëkë Wintsën tyiyajtën, mëti'ipë Israel ja'ayëty y'ëwtajtëpën, mëti'ipë yajmooyën yë Moisés, ya'atë Esdras putëjkëyëp ijty mëjwiin këjää Wintsën, paatykyëjxm ko ijty tii winë t'amëtoy, yë yajkutujkpë Artajerjes mooyëp ijty. Jëtu'un'äämpy yë Esdras wyimpijty jatëkok jam Jerusalén,

2 Crónicas 36:14

Näyjyëtu'un ja Judá ja'ayëty ets ja teetytyëjkëty, ojts ja jyot wyinma'any tyajtëkooynyëtë ets ka'ap ja Wintsën ojts t'ëkmëj'ijxnëtë; jëtu'un winë tuunëtë tä ja ja'ayëtyën mëti'ipë ka'ap ja Wintsën t'ixy'atën ets ka'ap t'ëkwitsë'kënëtë ja Wintsën ja jyëën tyëjk, mëti'ipë ënäty ja Wintsën të tnikäjpxyën ko yë'ë tëjk'ata'any mëti'ipë jam Jerusalén yajpatpën.

2 Crónicas 34:15

Tääts ënätyë tuk'ëwa'anëy ja Safán, mëti'ipë kyujääpyën winë ets tkë'ëmooy ja noky.

Mateo 2:3

Ko ja yajkutujkpë Herodes jëtu'un tmëtooy, tääts ojts tmëmay tmëtajy, näjyëtu'un mëët ni'ëmukë ja Jerusalén ja'ayëty.

Mateo 2:5

Tääts y'ëtsoowëtë: Belén, Judea y'itjotm, ijxtëm ja Tios ja kyäjpxynyajxpë y'ënantën: