Mateo 10:2 - Biblia Mixe de Quetzaltepec

² Tyaa xyëëw myintë ja majkmäjtskpë Jesús y'ijxpëjkpëtëjk: Simón, mëti'ipë näjyëtu'un yajtijpën Pedro ets ja y'uty Andrés; näjyëtu'un ja Santiago ets ja y'uty Juan, mëti'ipë Zebedeo tyeety'ajtëpën;

Biblia Dc en Mixe de Quetzaltepec

² Tyaa xyëëw myintë ja majkmäjtskpë Jesús y'ijxpëjkpëtëjk: Simón, mëti'ipë näjyëtu'un yajtijpën Pedro ets ja y'uty Andrés; näjyëtu'un ja Santiago ets ja y'uty Juan, mëti'ipë Zebedeo tyeety'ajtëpën;

Mateo 10:2 ပူးပေါင်းရင်းမြစ်များ

Hechos 1:13

Ko jyajtë jam kajpnjotm, tääts pyäjtë tëjkëjxm ma jyajta'aktën. Tap ja Pedro, Juan, Santiagë, Andrés, Felipe, Tomás, Bartolomé, Mateo; Santiagë, mëti'ipë Alfeo y'u'unk'ajtypyën; Simón, mëti'ipë ja zelotë winma'any tyuk'ijtëpën ets ja Santiagë, mëti'ipë Judas y'u'unk'ajtypyën.

Mateo 4:21

Tëë ënäty wäänë ye'eytyë, jamts ja Jesús ojts t'ijxpaaty wiinkpë nimäjtsk, nän tu'kä'äxëty. Tu'uk txëëwaty Santiago ets tu'uk Juan, Zebedeo y'u'unk. Jam ënäty ma ja kepy nëëwinye'epyën ja tsyääy t'ataakëtë mëët ja tyeety. Ënät ja Jesús ojts yaaxëtë.

Juan 12:22

Tääts ja Felipe tsyo'ony ets ojts tuk'ëwaanë ja Andrés ets nimäjtsk tuk'ëwa'anëtyë ja Jesús.

Juan 6:8

Ets y'ënëmaayë tu'uk ja y'ijxpëjkpë, Andrés xyëëwajtyp, Simón Pedro myëkä'äx:

Lucas 5:10

Näy tam ënäty ja Santiagë ets ja Juan, Zebedeo myaank, Simón Pedro myëku'uk ets ja Jesús t'ënëmaay ja Simón Pedro: Këtii mtsë'ëkë, tyam ja'ay mijts matsäämpy wi'ix ja nitsokën tpaatëtyën.

Mateo 4:18

Jam ënäty ja Jesús nyäxy Galilea mejypyë'am ko t'ijxpaty ja ja'ay nimäjtsk tukä'äxëty, tu'uk txëëwaty Simón, mëti'ipë yajtijpën Pedro ets tu'uk txëëwaty Andrés. Ajkxmajtsk tyuunk'ajtëp, tsaay ënäty nyëëkujëpijptëp mëti'ipë tyuk'ajkxmajtstëpën.

Lucas 11:49

Paaty ja Tios mëët ja wijyajtën të y'ënä'äny: Ntuknikäxantëp ja nkäjpxynyajxpës ets ja n'ijxpëjkpëtëjkës, je'eyëp ko nëjkxëp xyaj'ooktë ets xy'ixjëtit xypyajëtitë.

Apocalipsis 1:9

Ëjts Juan, miits yë mmëku'ukëty, ets koos tu'ukyë nyajpaaty mëët yë Jesús, xypaat'ajtpës mëët miitsëty ja Tios ja kyutujkën, ma n'ëyo'onpatëmën ets ma akujky jotkujk n'ijtëmën ets tu'ukyë jotmëk nyajpatmëty. Jä'äkyëjxm koos ja Tios ja y'aaw y'ayuk të nimëtyakë mëti'ipë ja Jesús ojts nimëtyä'äkyën, jamës ënäty nyajpaaty Patmos, ma tu'kkëëyi'ikpyën ja naax jam mejyjyotm.

2 Juan 1:1

Ja mëjja'ay Juan, tyajnaxy ja kajpxpo'kxën ma ja mëpëjkpëtëjkëtyën mëti'ipë ja Tios të wyin'ixëtën. Mëjwiin këjää miits ntsoktë njawëtë ets näjyëtu'un ni'ëmukë mëti'ipë të tnijawëtën ja tëyajtën,

2 Pedro 1:1

Simón Pedro, Wintsën Jesukristë tyuunpë ets y'ayuk kajpxnajxpë, mtuknijayëtë ya'atë noky miitsëty, mëti'ipë ja Yajnitsokpë Jesukristë nTios'ajtëmë të tmëpëktën.

1 Pedro 1:1

Yë Pedro, Wintsën Jesukristë y'ayuk kajpxnajxpë, tyam mtuknikäxëtë kajpxpo'kxën mëti'ipë kujë kääkë yajpatëpën ma Ponto y'itjotm, Galacia, Capadocia ets Bitinia y'itjotmën,

Hebreos 3:1

Paaty mëku'uktëjkëty, ninu'un ja Tios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

Efesios 4:11

Yë'ë pyëjktak ja ja'ay ets ja oy aaw oy ayuk tkajpxwa'kxëty, wiinkpë Tios kyäjpxynyajxpë'atëty, wiinkpë tkajpxwa'kxëty ja oy'aaw oy ayuk, wiinkpë ja mëpëjkpëtëjk t'ijx'it tkëwent'atëty ets ja wiinkpë yaj'ixpëkëty.

1 Corintios 15:7

Ok nyänyikëxë'kë ma ja Santiagën ets ma ni'ëmukë ja ijxpëjkpëtëjkëtyën.

Hechos 12:2

ets ojts tni'ënä'ämë ets tkupuxtëty ja Santiagë, ja Juan ja y'äjty.

Hechos 3:1

Tëkok ja Pedro ojts nyijkxy mëët ja Juan ma ja mëjtsajptëjkën, jënäkyxyëëw ënäty, jää ma ja ja'ay ijty nyiye'eypyätën Tios mëkajpxpë.

Hechos 1:26

Tääts t'ijxpëtsëëmtë suertëjoty pën tuka'ajëp. Ja Matías ojts tyuka'ayë ja tuunk ets jam yajkuja'ayëy ma ja nimajk tu'ukpë ja ijxpëjkpëtëjkën.

Juan 21:24

Ya'atë jëtu'un ja ijxpëjkpë mëti'ipë yam winë nyimëtyäkpyën, ets yë'ë të tkuja'ay. Ets nija'awëm ko tyiyëty mëti'ipë nyimëtyäkpyën.

Juan 21:20

Ko ja Pedro y'ijxwinpijty ets t'ijxy ko ja ijxpëjkpë ix'ok myiny mëti'ipë ja Jesús mëk tsyojkpyën, mëti'ipë ënäty të tyajtëyën ja Jesús ma jam y'a'ux'atën: Wintsën, ¿pën mkë'ëyakanëp?

Juan 21:2

Tam ënäty ja Simón Pedro mëët ja Tomás mëti'ipë yajtijpën xeeny u'unk ets ja Natanael mëti'ipë kukajpn'ajtpën Caná, Galilea y'itjotm. Näy tam ja Zebedeo myaank ets nimäjtskpë ja Jesús ja y'ijxpëjkpë.

Juan 20:2

Ënät ojts nyijkx pëyi'ikyë ma ja Simón Pedro mëët wiinkpë ijxpëjkpën mëti'ipë Jesús ni'ik tsyojkpyën. Tääts ja Maria y'ënäny: Tëë ja Wintsën ja nyi'kx kyopk yamëke'eky ets ka'ap yajnijawë maa të tpëjkta'aktë.

Juan 13:23

Ënät tu'uk ja ijxpëjkpë mëti'ipë ja Jesús ni'ik tsyojkpyën, yë'ë ënäty jam pyë'am mëët y'a'ux'aty,

Lucas 22:14

Ko ja horë tpaty, ënät ja Jesús nyaaxwe'tsy ma ja kaaypyäjnën mëët ja y'ijxpëjkpëtëjk.

Lucas 22:8

Ënät ja Jesús tkejxy ja Pedro mëët ja Juan ets t'ënëmaay: Nëjkxtë ja ëmaayxyëëw a'ux nipëjktaakëtë ets nkä'ämyëty n'ukmëty.

Lucas 9:10

Tääts ja Jesús ja y'ijxpëjkpëtëjk jatëkok jyajtë ets tukmëmëtyaktë ja Jesús, wi'ixëty ënäty të tuntën winë. Ënät ojts wyoowtsoonëtë ets ëpëky yajnëjkxëtë jam Betsaida kyajpnjotm.

Marcos 13:3

Ënät ojts nyëjkxtë jam ma Olivo kopkën ma nyäwyin'ijxpetyën mëët ja tsajptëjk, jam ojts yë Jesús nyaaxweetsy ets ja Pedro, Santiagë, Juan ets ja Andrés tyajtëëwtë:

Marcos 1:29

Ko ja Jesús pyëtsiimy tsajptëkotm ets ojts mëët nyijkx ja Santiagë ets Juan ets tyëjkëtyë ma Simón ets Andrés ja tyëjkën.

Mateo 26:37

Yë'ë wyoow ja Pedro mëët ja Zebedeo myaankëty nimäjtsk, ënät tyëjkëy moonpë tujkpë, jëtu'un yaj'ixy ya'axaanp yowë.

Mateo 20:20

Ënät ja Zebedeo y'u'unk myiintë mëët ja tyaak ma ja Jesús ets ja u'unktaak nyäkyoxtënaaytyakë Jesús wyintuuy, t'amëtoy tu'uk ja mëyajtën.

Mateo 17:1

Ënät ja Jesús tpawooy ja Pedro, Santiago mëët ja y'uty Juan ets ojts pya'tëkëtë ma tu'uk ja kopkën.

Apocalipsis 22:8

Ëjts Juan, ëjts ya'atë n'ijx nmëtoowës. Koos jëtu'un n'ijxy nmëtooyës, ënätës ja tsajpjotmëtë kukäjpxy wyintuuy nnäkyoxtënaaytyakë mëti'ipës winë xytyuk'ijxpën ets n'ëwtata'anyës.

Apocalipsis 1:1

Ya'atë ja Tios ojts tuknijawë ja Jesukristë, ets tuk'ëwaanëty ja tyuunpëtëjk mëti'ipë tunan jatanëpën tsojk. E tëë ja Jesukristë ja y'anklës tuknikexy ja Juan ets yë'ë winë tnikajpxta'ajëty,

3 Juan 1:1

Ja mëjja'ay Juan. Tkajpxpo'kxy ja nmëku'uk'ajtëm Gayo, mëti'ipë mëtëy tsojkp ja'apën.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Tios tuny ja paye'eyën ko të tyajkutëkoy tääpë kajpn.

Marcos 6:30

Tääts ja ijxpëjkpëtëjk ye'eymyujktë mëët ja Jesús ets tukmëmëtyaktaaytyë tiijaty ënäty të tuntën ets tii ënäty të tuk'ijxpëktën ja ja'ay.

Juan 6:67

Tääts ja Jesús tyajtëëy ja nimajkmäjtskpë ja y'ijxpëjkpëtëjk: ¿Mnëjkxantëp miits näjyëtu'unë?

Juan 6:70

Ënät ja Jesús y'ëtsooy: Nimajkmäjtsk miits të nwin'ixtë, je'eyëp ko tam tu'uk mëti'ipë ku'oypyë'ajtpën.

Juan 6:71

Ko ja Jesús jëtu'un y'ënäny, ja Judas ënäty tyijpy, ja Simón Iscariote ja myaank; tu'uk ja nimajkmäjtskpë ja Jesús ja y'ijxpëjkpë, jä'ä ko ja Judas ënäty kyë'ëyakäämpy ja Jesús.