Marcos 7:34 - Biblia Mixe de Quetzaltepec

³⁴ Ënät ojts pya'at'ixy tsajpwinm ets myëkxejy. Tääts y'ënäny: Efatá. Jä'ä nyiwijy: Ëwa'ats.

Biblia Dc en Mixe de Quetzaltepec

³⁴ Ënet ojts pya'at'ixy tsajpwinm ets myëkxejy. Tääts y'ënäny: Efatá. Jä'ä nyiwijy: Ëwa'ats.

Marcos 7:34 ပူးပေါင်းရင်းမြစ်များ

Juan 11:41

Ënät ja tsaa tjëkëëytyë ets ja Jesús pya'at'ijxy tsajpwinm ets y'ënäny: Tios Teety, mijts nkukajpxëp, jä'ä ko tëëjës ja n'ayuk xymyëtoowë.

Marcos 6:41

Tääts ja Jesús mëkoxk ja tsajpkääky tkoonë'ky ets mäjtsk ja ajkx ets ojts pya'at'ixy tsajpwinm, jëtu'un ja Tios tkukajpxëy. Tääts ojts tujkwä'kxy ja tsajpkääky, ojts ja y'ijxpëjkpëtëjk tmo'oy ets tyajwa'kxtëty ma ja ja'ayëtyën. Näyjyëtu'un ojts tyajwa'kxta'atë ja ajkx ma ja ja'ayëtyën ni'ëmukë.

Marcos 5:41

ets ojts kyë'ëkëjxy twijtsë'ëky ets t'ënëmaay: Talitá, cum, jä'ä nyiwijy: Kiixy u'unk, mijts n'ënëmääpy, pëtë'ëk.

Hechos 9:34

Tääts ja Pedro t'ënëmaay ja Eneas: Eneas, Jesukristë yam myajtsokëp. Pëtë'ëk, yajpëtë'ëk mmaapäjn. Tääts ja Eneas ënätyë pyëti'ky.

Juan 11:33

Ko ja Jesús t'ijxy ko ja Maria yä'äxy mëët ja jutiis ja'ayëty mëti'ipë ënäty mëët të myinyën ënät ja Jesús ojts y'amutskë,

Marcos 15:34

Näy jää, mëj jënäkyxyëëw ja Jesús ojts mëk y'ënä'äny: Eloí, Eloí, ¿lamá sabactani? Jä'ä nyiwijy: nTiosës, nTiosës, ¿tiijës ko të xy'ëxmatsy?

Marcos 8:12

Tääts ja Jesús ojts mëk xyajku'ty ets y'ënäny: ¿Tii ko ya'atë ja'ay t'amëtowtë tu'uk ja mëj'ajtën? Tëy miits n'ënëëmëtëty ko jëtu'unpë ja ja'ay ka'ap nyitëkëty yajtuk'ixëty nitii mëj'ajtën.

Hechos 9:40

Tääts ja Pedro tkäjxpëtsëëmtaay ja ja'ayëty ets nyäkyoxtënaaytyakë ets ja Tios ojts tmëkäjpxy ets ja o'kpë tniwa'akwinpijty ets y'ënäny: Tabitá, pëtë'ëk. Ënät ja o'kpë ojts y'ijxwä'kxy ets ja Pedro yajwintë'kxy ets wyä'tskujkëy.

Juan 11:43

Ko jëtu'un kyajpxtaay ënät mëk y'ënäny: Lázaro, pëtsëm jap.

Hebreos 4:15

Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.

Juan 17:1

Ko ja Jesús jëtu'un y'ënaantaay ënät jam tsajpkëjxm pya'at'ijxy ets ja Tios nja'amyejtsy: Tios Teety, tëë ja xëëw jëmëjt tpatnë, mëjjaw jaantyjawë ja m'U'unk ets näjyëtu'un nmëjjaw njaantyjawëtëty.

Juan 11:38

Jesús, mëët ja monyëtukyë, ojts jatëkok nyijkx ma ja o'kpë ënäty të nyaaxtëkën. Ja o'kpë jut, aank y'ijty ets tsaa y'akë'ë'ajtyp.

Juan 11:35

Ënät ja Jesús yäxy.

Lucas 19:41

Ko t'ijxpaty ja Jerusalén kajpn jam winkon, tääts ja Jesús niyäxy,

Lucas 18:42

Ets ja Jesús y'ëtsooy: Ijxpëk, jä'ä ko mijts mëët'ajtyp ja mëpëjkën.

Lucas 7:14

Ënät ja Jesús twinkuwa'këy ja o'kpë ets ja këëypyäjn toony ets ja o'kpë këëpyë wya'k'oyëtë, ënät ja Jesús t'ënëmaay ja o'kpë: Mexy, ëjts mijts n'ënëmääpy, Pëtë'ëk.

Marcos 1:41

Tääts ja Jesús pya'ëyoowë, ojts kyë'ënixajyë ets y'ënëmaayë: Ntsojkpyës ets mtso'okëty, tso'ok.

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Éxodo 2:23

Jëtu'un nyäjxy ja xëëw po'o, ja yajkutujkpë mëti'ipë ënäty jap të y'ëne'emyën Egiptë ojts ja y'o'knë. E ja Israel ja'ayëty je'eyëm ënäty jap mëk jyänty y'ëyowtë ets xëmë je'eyë kyumon kyutukëtë mëët ja nätyiytyunë jap Egiptë. Yë Tios ojts tmëtoow'ity ko jap Israel ja'ayëty jyë'ëtë ya'axtë.

Marcos 7:35

Ënät ja ja'ay ja natpë ënätyë y'ëwatsy ja tyatsk ets ja yyä'än ojts yu'kxë'ëky ets kyajpxë'ky.