Marcos 7:18 - Biblia Mixe de Quetzaltepec

¹⁸ Tääts t'ënëmaay: ¿Näyjyëtu'un miits ka'ap të xyjyä'äkyukëtë? ¿këtiijën xyjyä'äkyukëtë ko tii tyëkë aawjoty jootjoty, ka'ap yë'ëkyëjxmëty ja ja'ay y'ëxëëkë?,

Biblia Dc en Mixe de Quetzaltepec

¹⁸ Tääts t'ënëmaay: ¿Näyjyëtu'un miits ka'ap të xyjyä'äkyukëtë? ¿këtiijën xyjyä'äkyukëtë ko tii tyëkë aawjoty jootjoty, ka'ap yë'ëkyëjxmëty ja ja'ay y'ëxëëkë?,

Marcos 7:18 ပူးပေါင်းရင်းမြစ်များ

Hebreos 5:11

May ya'atë aaw ayuk kyayajnimëtyä'äkynyëm, je'eyëp ko tsip ets yajkajpxtë'kxëty, jä'ä ko ëtyä'äkyë miits tii xyjyä'äkyukëtë.

Lucas 24:25

Ënät ja Jesús y'ënëmaayëtë: Ka'ap miits mja'akyukëtë, ka'ap xytsyojkmëpëktë mëti'ipë ja Tios ja kyäjpxynyajxpë nyikajpxtën.

Mateo 16:11

¿Wi'ix miits xykyaja'akyukëtë ko ka'ap yë'ëjëty ntijyës yë tsajpkääky nyitsooy mëti'ipë yë tsajpkääky yajtukxëpiinpën? Näkyëwent'atëtë ko mtukpaatëtëty ja fariseë ja'ayëty ets saduceos ja tsajpkääky ja nyitsooy.

1 Corintios 3:2

Ka'ap ojts miits tsip nyaj'ijxpëktë. Jëtu'un nyaj'ixpëjktë ijxtëm tu'uk ja mëxu'unk yajmo'oyën ja tsyi'tsk ko ka'ap tjaty tkayëty ja kääky uuky, jä'ä ko ka'ap miits ënäty xyjyatë wi'ix xyjyä'äkyukëtëty mëti'ipëty tsipën. Tyampaat ka'ap xyjyatë,

Juan 3:10

Ets ja Jesús y'ëtsoowë: Israel ja'ay yaj'ijxpëjkpë mijts, ¿ets ka'ap ya'atë xynyijawë?

Marcos 4:13

Tääts ja Jesús tyajtëëy: ¿Ka'ap xyjyä'äkyukëtë ya'atë ijxpäjtën nyimëtyä'äkyë? ¿Wi'ix wiinkpë mëtyä'äky ijxpäjtënmëëtpë xyjyä'äkyukëja'antë?

Mateo 15:11

Mëti'ipë aawjoty tëjkëpën ka'ap yë'ëjëty ja'ay yaj'ëxëëkëty; yë'ë tëy mëti'ipë jap aawjoty pëtsëëmpën.

Marcos 7:17

Ko ja Jesús t'ëxmajtsy ja ja'ay ets tyëjkëy jap tëkoty. Ënät ja y'ijxpëjkpëtëjk ojts yajtëyë tii jëtu'un jyatijäämpy ko jëtu'un y'ënä'äny.

Marcos 7:19

jä'ä ko ka'ap jyapëty tyëkë ma jot winma'anyën, jap tyëkë, moxjoty ets ok pyëtsim ma jot nini'kxën. Yë'ë ojts tijy ko aak wa'ats ja jë'kxy pëky, ka'ayën ukën.