Marcos 5:2 - Biblia Mixe de Quetzaltepec

² Ko ja Jesús pyëtsiimy kepy nëëwinye'epyëjoty, ënät ojts tu'uk ja ja'ay nyiminyë mëti'ipë tso'ompën ma ja o'kpë nyaaxtëkëtën, ku'oypyë ënäty myëët'ajtyp.

Biblia Dc en Mixe de Quetzaltepec

² Ko ja Jesús pyëtsiimy kepy nëëwinye'epyëjoty, ënät ojts tu'uk ja ja'ay nyiminyë mëti'ipë tso'ompën ma ja o'kpë nyaaxtëkëtën, ku'oypyë ënety myëët'ajtyp.

Marcos 5:2 ပူးပေါင်းရင်းမြစ်များ

Marcos 1:23

Japts ënäty tu'uk ja ja'ay tsajptëkoty mëti'ipë ku'oypyë myëët'ajtypyën, ënätyë ojts mëk tyëkë yaxpë jojkpë:

Marcos 5:8

Jä'ä kyu'ëna'anëp, jä'ä ko tëë ënäty ja Jesús y'ënë'ëmxëty: Ku'oypyë, ëxmats yë ja'ay.

Isaías 65:4

mëti'ipë o'kpë jut akë'ëy ijty naaxwä'tspën, ets nyäxy tyëkë ma ka'ap pën y'ixëtëtyën; mëti'ipë ijty ëtsëmtsu'utsy tsyu'typyën ets yajxon tyaj'utsy ja tu'ts mëët ja tojkxnëë ka'apë wya'atsëtyën.

Lucas 9:42

Ko ja yujkyeeky ëna'k tyajmiintë, ënätyë ja ku'oypyë yajkëtaawë ets pyätë ja mootyë pa'am. Ënät ja Jesús twinkukajpxëy ja ku'oypyë ets tyajtsoky ja yujkyeeky ëna'k ets tukë'ëtëjkëy ja u'unkteety.

Lucas 8:27

Ko ja Jesús pyëtsiimy kepy nëëwinye'epyëjoty ënät nyimiinë tu'uk ja kukajpn mëti'ipë ku'oypyë myëët'ajtypyën. Tëëyëp ënäty ja wyit t'ixjäänë, ni kyatsëënë tëkoty, jam tsyëënë ma o'kpë yajpëjkë'ëktën.

Marcos 7:25

Ko tu'uk ja to'oxytyëjk ojts nijawë mëti'ipë ja nyëëx ja ku'oypyë myëët'ajtypyën, ënät ënätyë myiiny ets ojts nyäkyoxtënaaytyä'äkyë.

Marcos 4:1

Ënät jatëkok ja Jesús yaj'ijxpëjktso'ony mejypyë'am. Jä'ä ko ja ja'ay nëkooyë nyimay'ajnëtë mëti'ipë ojts ye'eymyuktën ma ja Jesús jamën, ënät tyëjkëy kepy nëëwinye'epyëjoty mëti'ipë ënäty japën nëëjoty. Ënät nyaaxwe'tsy ets ja mayjyä'äy wyë'ëmtaaytyë jam nëëpë'am.

Marcos 3:30

Paaty ja Jesús jëtu'un y'ënä'äny ko ënäty të yaj'ënëëmë ko ku'oypyë tmëëtëty.

Marcos 1:26

Mëk'äämpy ja ku'oypyë tyajtsëtyuupyijky ja ja'ay ets mëk yäxy jyojyky, ënät ja ku'oypyë pyëtsiimy.

Marcos 3:9

Jä'ä ko ja ja'ay nyimayëty, paaty ja Jesús ojts t'ënëëmë ja y'ijxpëjkpëtëjk ets t'ëxta'atëty tu'uk ja kepy nëëwinye'epyë këtiipë mayjyä'äy y'atijmukëtëty,

Marcos 4:36

Tääts ja ijxpëjkpëtëjk t'ëxmajtstë ja mayjyä'äy ets ja Jesús tyajtso'ontë kepy nëëwinye'epyëjoty, mëët ja wiinkëtypë ja kepy nëëwinye'epyë mëti'ipë panëjkxëtën.

Marcos 5:3

Jam tsyëënë ma ja o'kpë nyaaxtëkëtën, Ni pën kyamayë kyë'ëtsumëtëty, ni pujxntejpxy mëët.

Marcos 5:21

Ko ja Jesús wyimpijty kepy nëëwinye'epyëjoty ets jyä'äjty jatëkok jam nëë'akëyë pë'am, ënät ja ja'ay janty nimay myujktë.