Marcos 4:6 - Biblia Mixe de Quetzaltepec

⁶ Ko y'aantäky, tääts ojts xyootsy ets ja tyitsy jä'äkyëjxm ko ja tyikts kyakëkëty.

Biblia Dc en Mixe de Quetzaltepec

⁶ Ko y'aantäky, tääts ojts xyootsy ets ja tyitsy jä'äkyëjxm ko ja tyikts kyakëkëty.

Marcos 4:6 ပူးပေါင်းရင်းမြစ်များ

Santiago 1:11

Ko ja xëëw pyëtsimy ets mëk jyajtä'äky, ënät ja ujts tyi'itsy, ja pyijy kyä'äy, jëtu'un ja y'oyajtën tyëkoy. Näyjyëtu'un ja kumeenyjyä'äy jyäty ma wyit myeenyën.

Apocalipsis 7:16

Ka'ap ja yuu tëëtsë t'ëkmëët'atanëtë, ka'ap nyi'ana'antë ets ka'ap y'an'ooka'antë,

Judas 1:12

Je'eyë yajtsëtyuntë ko jam kyäytyë y'uuktë ma miits mxëëwtuntën, ko jam y'ätstë xyoonta'aktë ets ka'ap ninu'un wyinkutsë'ëkëtë. Jëtu'un y'ëtë'ëtstë ijxtëm jënaakën ja kupixyny këwent'ajtpë kë'ëm je'eyë nyäkyëwent'atyë. Jëtu'un yë'ëjëty ijxtëm yootsën ka'apë nyëëmëëtëtyën mëti'ipë pojjëtijtpën. Ijxtëm yë kepyën ka'apë tyëëmpetyën ma jyapaatyën, nikë oy ko tyimyajwijxë'ëkëty tyiktspaat ets tyimtë'ëtsëty.

2 Tesalonicenses 2:10

Ya'atë mëjku'u tu'kë'ëyë tyajtuunta'aja'any mëti'ipë poky'ajtpën ets twin'ëëna'any mëti'ipëty ënäty nëjkxantëpën ëyoowtakntum, jä'ä ko ënäty ka'ap të tkupëktë ni të tkatsoktë ja mëtëypyë ets jeexyë tpaatë ja nitsokën.

Colosenses 2:7

Ijxtëm tu'uk ja kepy tyikts në'p yajpaatyën, jëtu'un miits mëk yajpaatë tu'ukyë mëët ja Jesukristë. Jëtu'un ijxtëm myajtukni''ijxëtën ets xëmë ja Tios xykyukajpxëtëty.

Efesios 3:17

wä'än ja Kristë t'ity ma miitsëtyën ko të xymyëpëktë, ets ja tsojkën ja'awën yajpaatëty xëmë ma miitsëtyën.

Jonás 4:8

Ko ja xëëw pyëtsiimy, ënät ja Tios ja jëënpoj tyajmiiny, jamtsow pëtë'ëktsow, yajxon ja xëëw'an jam tyimkëxjajy ma ja Jonás ja wyiin jyëjpën, tääts nyäjya'awëy tim ookaanp yowë. Ets myäy tyäjy: Nikë oyës ntimy'ookëty.

Isaías 25:4

Jä'ä ko mijts jëtu'un të mnaxy tä tu'uk tsoktaknën ma y'amin y'a'ookën yë ëyoopëja'ay, ma y'amin y'a'ookën yë ja'ay mëti'ipë winë yajmëyäjtypyën ets mëti'ipë mon tuk yajpatpën, ma ka'ap nitu'umëtyën ets ka'ap ni'a'anmëtyën. Ko xyäjtë yë ëxëëkja'aytyëjk jëtu'un tä jeexyë tyitykpyojyën, ko pyotm'aty.

Cantares 1:6

Këtii yë'ë xy'ixtëty pën ëjts yëkës ets ko tëë yë xëëw'an xytsyä'äyës. Ëjts tëëjës yë nmëkä'äxtëjk xytyukjoot'anpëktë etsës të xytyuknipëktë ets tsatsymkyam nkëwen'atëtyës, yë'ëpaat yë nkam ntu'ujës ka'apës oy të n'ëkkëwent'ajnë.

Mateo 13:6

Ko ja xëëw pyejty, tääts xyo'tstaay ets tyitsy, jä'ä ko ka'ap ja tyikts.

Marcos 4:5

Jatu'kpëky ja tsajpmokpajk ojts kyä'äy tsaajotm ma ja naax ka'ap oy myäjpxyëtyën; yë'ë tsojk mujx jä'ä ko ka'ap ja naax myäjpxyëty.

Marcos 4:7

Jatu'kpëky ja tsajpmokpajk ojts kyä'äy äpny akujky. Ko ja äpny ojts yontë ojts nyi'a'ampety ets ja tsajpmok yon tyitsy, kä'äp tyëëmpejty.